Select Page
Градоначалникот Ногачески положи цвеќе пред споменикот на лактинските војводи

Градоначалникот Ногачески положи цвеќе пред споменикот на лактинските војводи

Денес во село Лактиње, градоначалникот Зоран Ногачески заедно со претставниците на месната заедница, боречката организација, пензионерските здруженија и граѓаните положија свежо цвеќе и се  поклонија пред споменикот на лактинските војводи, Дејан Димитров и Смиле Војданов и спомен обележјето од НОБ.

Нека ни е честит и вековит Илинден.

Градоналникот Ногачески упати честитка по повод Илинден

Градоналникот Ногачески упати честитка по повод Илинден

Почитувани граѓани,

Празникот Илинден е симбол на победата на македонскиот непокор, ден кога славиме и се потсетуваме на голем број револуционери и борци за независна Македонија, кои со својата крв ги испишаа најславните страници од историјата на македонскиот народ.

Празнувајќи го овој датум, да им се заблагодариме и да им оддадеме почит на сите знајни и незнајни херои од нашата историја .

Да го чуваме аманетот од Илинденците и Асномците и да ги негуваме и надградуваме придобивките од двата Илиндена, да ги оставиме разликите, од каква природа и да се, да покажеме меѓусебна почит и да се свртиме кон заедничка иднина, достоинствен дом во кој има место за сите и да продолжиме посветено да работиме на изградба на модерно, просперитетно и европско општество.

Нека ни се честити и вековити двата Илиндена!

Започна 36-та Интернационална ликовна колонија “Дебрца 2020”

Започна 36-та Интернационална ликовна колонија “Дебрца 2020”

Во предвечерието на големиот македонски празник го означивме почетокот на 36-та Интернационална ликовна колонија “Дебрца 2020”, која оваа година поради коронавирусот се оддржува во намален формат и со учество на ликовни уметници само од Македонија.

Ликовната колонија “Дебрца” не е обичен културен настан, туку олицетворение на уметноста и културата на Дебрца и доказ дека уметноста и културата не се создаваат само во урбаните центри, туку и во руралните средини и на секое место каде што има креативен творечки потенцијал.

Уметничките дела создадени на Ликовната колонија не се само наследство на Дебрца и Македонија, туку се светско културно наследство.

На сите годинешни учесници им посакувам инспирација за создавање на нови уметнички дела, а тоа во Дебрца го имаат во изобилство .

Како велат, Ars longa, vita brevis, или уметноста е долга, животот е краток! изјави градоначалникот Ногачески по повод отворањето на овогодиншната ликовна колионија.

Градоначалникот Ногачески упати честитка по повод Курбан Бајрам

Градоначалникот Ногачески упати честитка по повод Курбан Бајрам

На сите наши сограѓани, верници од исламска вероисповед, Ви го честитам големиот верски празник – Курбан Бајрам.

Нека празникот Ви донесе многу здравје, радост и мир во Вашите домови и во домовите на Вашите најблиски.

Нека владее добрата мисла и добрите човекови дела, како за празникот, така и во текот на целата година.
.
Ваквите вредности се богатство во нашето општество и нивното зачувување е наша обврска🙏

Подрачните единици на МЗШВ ќе работат и за време на викендот за поднесување на барања за субвенции за Програмата за директни плаќања за 2020 година

Подрачните единици на МЗШВ ќе работат и за време на викендот за поднесување на барања за субвенции за Програмата за директни плаќања за 2020 година

Рокот за поднесување за барања за пријавување за субвенции за Програмата за директни плаќања за 2020 година, истекува на крајот на месецов, односно 31.07.2020 година.

Со цел да им излеземе во пресерет на сите земјоделци кои сакаат да поднесат барања за субвенции, сите Подрачни единици на Министерството за земјоделство, шумарство и водостопанство ќе работат и за време на викендот (сабота и недела) до истекување на рокот за доставување на апликациите.

Поднесувањето на барањата може да се врши електронски, односно самостојно од страна на барателите со регистрирање во системот  на веб страна на Агенцијата за финанисиска поддршка во земјоделството и руралниот развој ( www.ipardpa.gov.mk), кадешто е ставено упатството за аплицирање.

Оние земјоделци кои не можат електронски да поднесат барања или имаат потреба од помош при пополнување на електронските барања, можат да се обратат во  Подрачните единици на Министерството за земјоделство, шумарство и водостопанство, во целата држава,  кои им стојат на располагање за се што ги интересира во врска со поднесувањето на барањата. На веб страната на Министерството за земјоделство, шумарство и водостопанство, се објавени телефонските броеви на раководителите на сите Подрачни единици на МЗШВ, со цел земјоделците да имаат можност и телефонски да побраат помош.

Големина на Фонт
Контраст