ОБРАЌАЊЕ ДО ГРАЃАНИТЕ

Почитувани сограѓани,
Драги жители на Општина Дебрца,

Со голема чест, чувство на одговорност и искрена благодарност се обраќам до вас како новоизбран градоначалник на нашата општина. Ви благодарам за довербата што ми ја дадовте – доверба која претставува обврска, но и силна мотивација да работам посветено, чесно и одговорно во интерес на секој жител од Дебрца.

Мојата визија е јасна: модерна, развојно ориентирана и уредена општина, место каде што младите ќе сакаат да останат, каде што секој граѓанин ќе биде слушнат, и каде што институциите ќе функционираат транспарентно и ефикасно.

Во периодот што следи, ќе се насочиме кон:

• подобрување на локалната инфраструктура,
• унапредување на комуналните услуги,
• поддршка на образованието, културата и спортот,
• зачувување на природните богатства на Дебрца,
• развој на туризмот и економските можности за нашите жители.

Ќе бидам градоначалник кој е на терен, меѓу граѓаните, градоначалник кој слуша, кој бара решенија, и кој работи во партнерство со сите вас. Отвореноста, соработката и единството ќе бидат темелите врз кои ќе ги градиме идните успеси.

Верувам дека само заедно, со искрена желба за напредок и со почит кон заедницата, можеме да ја придвижиме Дебрца напред.

Ви благодарам уште еднаш за поддршката.
Ве уверувам дека ќе работам во најдобар интерес на општината и секој нејзин жител.

Со почит,
Златко Сиљаноски
Градоначалник на Општина Дебрца