Започна со реализација Годишната програма за изградба, реконструкција и рехабилитација на општински патишта и улици за 2025 година

Aug 25, 2025

Започнавме со реализација на Годишната програма за изградба, реконструкција и рехабилитација на општински патишта и улици за 2025 година.

Завршена е:

Рехабилитација /нов асфалтен слој на улица во село Оровник,улицата која поминува кај црквата “Св.Спас” и се поврзува со новиот пристапен пат до клучка Аеродром “Св.апостол Павле”,должина 420 метри,вредност 1.589.280 денари,

Рехабилитација на улица во село Мешеишта,дел од улицата до фудбалското игралиште,должина 250 метри, вредност 1.120.056 денари.

Средствата се обезбедени од Буџетот на општината за 2025 година.

Се уредува просторот кај црквата “Св.Атанасије” ,село Лешани

Aug 25, 2025

Во тек се активностите за уредување на просторот кај црквата “Св.Атанасије” ,село Лешани.

Ќе бидат поставени бекатон плочки, 330 м2,травертин 35 м2, 3 канделабри, пет клупи,садници.

Вкупната вредност на работите изнесува 1.164.170 денари, а средствата се обезбедени од Буџетот на општината за 2025 година.

Основните заложби ни беа подобрување на инфраструктурата во и до верските објекти и создавање на услови за развој на верскиот туризам – Градоначалник Зоран Ногачески

Aug 11, 2025

Во двата мои градоначалнички мандати една од основните заложби ни беше подобрување на инфраструктурата во и до верските објекти и создавање на услови за развој на верскиот туризам,за кој Дебрца е предодредена,поради големиот број на верски објекти,од кои некои се постари и со извонредно историско значење /црквата “Св.Ѓорѓија” во Врбјани,”Св.Јован”, во Слатино, “Сите Светии”, во Лешани/.

Континуирано ги помагавме активностите на црковните одбори .

Во оваа прилика ќе потенцирам дел од тие активности:

• Aсфалтирање на патот до и пред црква “Св.Никола”, село Белчишта,
• Aсфалтирање на патот и поставување на бекатон плочки кај црквата “Св.Јован”,Белчишта
• Aсветлување и тампонирање со гребен асфалт на дворното место кај црквата “Св.Василије”,Белчишта
• Помош со механизацијата за повеќе активности кај црквата “Св.Атанасије”,Белчишта
• Tампонирање на пат до црква “Св.Петар и Павле”,Брежани и поставување на бекатон плочки
• Поставување на бекатон плочки во црквата “Св.Никола”, Брежани,
• Чистење на дворното место во црквата “Св.Никола”, село Велмеј,
• Чистење на речното корито и заштита од поплава на црква “Св.Василије”, село Велмеј,
• Помош со механизацијата за изградба на црквата “Св.Никола Талалеј”,Велмеј,
• Помош со механизацијата за уредување на дворното место во црквата “Св.Спас”,Велмеј и осветлување на Крстот,
• Помош со механизација за изградба на црквата “Св.Петка”,Лешани
• Помош со механизација за изградба на црквата “Св.Недела”,во Лешани
• Помош со механизација кај манастир “Сите Светии”,Лешани
• Осветлување на патот од село Ботун до манастирската црква “Св.Богородица”
• Асфалтирање на патот до Црквата “Св.Богородица” и гробиштата,село Ботун,
• Помош со механизација за уредување на дворното место кај црквата “Св.Михаил”,село Ботун
• 320 метри црево за водоснабдување на црква “Св.Кирил и Методиј”, село Песочани,
• Тампонирање на патот до црквата “Св.Димитрија”,село Издеглавје
• Чистење на дворното место кај црквата “Св.Никола”,Издеглавје,
• 500 метри кабел за електрична енергија до црква “Св.Софија”,Издеглавје,
• Тампонирање на патот до црквата “Св.Никола Талалеј”,село Сошани
• Уредување со асфалт и бекатон плочки на влезот на црквата “Св.Јован”,Слатино,
• Асфалтирање на 200 метри од сретсело до црква “Св.Никола”,Оздолени
• Уредување со бекатон плочки на дел од дворно место во црква ” Св.Варвара “,село Сливово,
• Тампонирање на патот до црквата “Св.Атанасије”,Сливово
• Асфалтирање на дел од патот до црквата “Св.Атанасије”,Арбиново
• Уредување со бекатон плочки на плато во двор на црква “Св.Спас”, село Годивје,
• Уредување со бекатон плочки 950 м2 кај црква “Св.Вартоломеј”,Годивје
• Чистење на пат и дворно место кај црква “Св.Петар и Павле”,Врбјани
• Асфалтирање на улица до црква “Св.Ѓорѓија”,Врбјани
• Градежен материјал ( камен ) за црква “Успение на Пресвета Богородица”, село Волино,
• Чистење на дворно место во црква “Св.Климент”,Климештани,
• Асфалтирање на патот од поштата до црква “Св.Недела”,Требеништа,
• Тампонирање на пат до црква “Св.Петка”,Требеништа
• Осветлување на пат до црква “Св.Варвара” и Крст,Требеништа,
• Уредување на просторот кај чешмата кај црква “Св.Мартинија”,Требеништа,
• Изградба на каптажа кај црква “Св.Никола”,Горенци,
• Асфалтирање на пат до црква “Св.Атанасије”,Горенци,
• Расчистување на свлечишта на пат до црква “Св.Петка:,Оровник,
• Обезбедување на вода за пиење до манастир “Св.Недела”,Оровник

финансиска помош за тековни проекти за црковните одбори ( село Сливово, село Велмеј, село Злести, село Белчишта, село Волино,село Мешеишта, манастир “Си Свети”, село Лешани,за изградба на конаците и др.)

Продолжуваме со уште неколку проекти за кои се обезбедени средства:

• Асфалтирање на патот село Ботун-манастирска црква “Св.Богородица”
• Асфалтирање на патот село Злести-црква “Рождество на Пресвета Богородица”
• Уредување на платото кај црква “Св.Атанасија “ Лешани
• Асфалтирање на патот до чешмата кај црква “Св.Мартинија”,Требеништа