Aug 1, 2026
Денеска, во присуство на нашиот почесен конзул во Перт, Австралија, г-дин Зоран Ќосески, примивме донација која навистина топли срца.
Сите наши 17 првачиња добија прекрасни, целосно опремени училишни ранчиња со сиот потребен прибор за успешен старт на нивната најубава животна авантура!
Ова е дело на г-дин Драган Капинков, наш иселеник по потекло од битолско Цапари кој живее во Перт. Неговата хуманост кон Дебрца не е од вчера – таа трае со години, докажувајќи дека растојанието не значи ништо кога желбата да се помогне е искрена. Од мое лично име и од името на цела Дебрца, упатувам огромна благодарност до него и неговото семејство. Вие сте вистински пример за добрина и човечност!
Но, тука не застануваме! Општина Дебрца стои цврсто зад своите граѓани. Покажуваме на дело дека инвестицијата во нашите деца е најважниот приоритет. Со огромно задоволство сакам да ве информирам дека од буџетот на општината оваа година реализираме пакет мерки кои директно го олеснуваат буџетот на секое семејство:
10.000 денари еднократна финансиска поддршка за секое запишано прваче!
Целосно обезбеден и бесплатен превоз за нашите ученици!
ЗА ПРВПАТ ВО НАШАТА ОПШТИНА: Бесплатни училишни униформи за сите 178 ученици од прво до деветто одделение! Секое дете добива целосен, квалитетен комплет кој вклучува: 4 маици, 2 блузони со долги ракави и 2 дуксери!
Парите на граѓаните ги враќаме назад кај граѓаните – таму каде што се најпотребни!
Продолжуваме да создаваме модерно, еднакво и квалитетно образование за секое дете.
Jun 29, 2026
Синоќа во Галеријата „Ѓорѓија Целески“ во Белчишта свечено го отворивме 41-то издание на Интернационалната уметничка колонија „Дебрца“.
Како најстара ликовна колонија во Македонија, оваа година твориме под моќното мото „Од камен до код – ехо на земјата, глас на иднината“, покажувајќи дека иднината се гради врз темелите на минатото.
Во моето обраќање пред присутните, со гордост истакнав дека веќе 41 година ова место е светол пример како уметноста ги спојува луѓето, културите и времињата.
Посебно сакам да им се заблагодарам на домашните и странските уметници кои со својот талент го прават Белчишта вистински космополитски центар на уметноста.
Годинава нашето уметничко семејство се зголеми, па искрено го поздравувам новиот бран на млади креативци кои носат свежи идеи и нови светогледи.
Претседателката на здружението, Мартина Целеска, одлично поентираше дека Дебрца одамна прерасна во духовен простор, потсетувајќи не дека галеријата денес чува над 700 уметнички дела што е наше непроценливо богатство.
Оваа година ни гостуваат реномирани автори од Македонија, Србија, Словачка и Велика Британија, предводени од почесниот гостин, истакнатиот македонски уметник Јордан Манасиески.
Свеченото отворање го збогатија младата гитаристка Георгина Јанкоска, фолклорниот ансамбл „Св. Петар и Павле“ од Мешеишта и познатиот гајдаџија Целе Блажески.
Нека ни е успешна и плодна 41-та ликовна колонија, продолжувајќи ја визијата на нејзиниот основач!
Анамарија Момироска
May 30, 2026
Општина Дебрца – горд домаќин на настан кој ги спојува традицијата, верата и младоста!
Во прекрасниот и духовен амбиент на манастирот „Св. Недела“ во селото Оровник, синоќа имавме чест да бидеме домаќини на еден навистина исклучителен настан. Се одржа свечена промоција и проекција на филмот „Приказна за една охридска свадба“, како и презентација на проектот „Светлина на верата“.
Овие значајни дела се реализирани од талентираните ученици од СОСУ „Св. Кирил и Методиј“ од Охрид, под менторство на професорките Маја Цветанова Терзиоска и Андријана Паскали, а претставуваат успешен заеднички проект поддржан од Општина Дебрца и Општина Охрид.
Филмот на прекрасен начин ја оживеа богатата традиција и обичаите на охридската свадба, додека проектот „Светлина на верата“ нè потсети на непроценливата духовна вредност на нашето православно наследство.
На наше огромно задоволство, свој благослов и присуство на настанот даде Неговото Високопреосвештенство Митрополитот дебарско-кичевски г. Георгиј, придружуван од потесниот круг на свештенството од Митрополијата.
На свеченоста присуствуваа и секретарот на Општина Охрид, Александар Китески, дел од администрацијата на Општина Охрид и Општина Дебрца, како и вие – нашите почитувани сограѓани од Дебрца кои дојдовте во навистина огромен број!
Вечерта беше збогатена со прекрасна културно-уметничка програма во која настапија културно-уметнички друштва од Охрид и Дебрца, млади уметници и музички ветерани.
Овој настан уште еднаш ја потврди важноста на вложувањето во младите и нивното активно вклучување во зачувувањето на нашите корени, преку проекти кои ги поврзуваат традицијата, образованието и современиот креативен израз.
Продолжуваме да ја негуваме нашата култура и традиција!
May 27, 2026
Со особена чест и задоволство Ве покануваме да присуствувате на настанот „Светлина на верата“, во чии рамки ќе се одржи и промоција на филмот
🎬 „Приказна за една Охридска свадба“.
Настанот има за цел да ја доближи духовната и културната традиција, како и богатото наследство на охридскиот крај преку уметност, музика и филмска приказна.
📅 Датум: 30.05.2026 (сабота)
🕖 Време: 19:00 часот
📍 Локација: Манастир „Св. Недела“ – Оровник
Во рамки на програмата се предвидени: • Отворање на настанот
• Презентација на проектот „Светлина на верата“
• Музички дел
• Премиера на филмот „Приказна за една Охридска свадба“
• Културно-уметничка програма
Проектите ги изработија учениците од СОСУ „Св. Кирил и Методиј“ – Охрид, со поддршка од Општина Охрид и Општина Дебрца.
Ментори на проектот се Маја Цветанова и Андријана Паскали.
Ги покануваме сите љубители на традицијата, културата и духовните вредности да бидат дел од оваа вечер исполнета со емоција, музика и македонско наследство.
May 14, 2026
Комисијата составена од: Билјана Суклоска Милошеска како претседател-вработена во општина Дебрца, Даниел Паункоски како член-вработен во општина Дебрца и Иван Стрезоски – Претседател на Советот на општина Дебрца, формирана со Решение бр.09-369/1 од 16.03.2026 година, изврши увид на поднесените документи од страна на кандидатите и согласно Правилнникот за доделување стипендии на редовни студенти на запишани на додипломски студии од прв циклус на јавните и приватните универзитети и високообразовни установи во Република С.Македонија за студиска 2025/26 година, утврди дека ги исполнуваат условите следните кандидати:
- Петреска Викторија
– комплетна документација согласно објавениот конкурс
- Андрески Бојан
– комплетна документација согласно објавениот конкурс
- Нелоски Давид
– комплетна документација согласно објавениот конкурс
- Целакоска Емилија
– комплетна документација согласно објавениот конкурс
- Трајческа Тамара
– комплетна документација согласно објавениот конкурс
- Сиљаноска Јана
– комплетна документација согласно објавениот конкурс
- Бутеска Николина
– комплетна документација согласно објавениот конкурс
- Мијакоски Бобан
– комплетна документација согласно објавениот конкурс
- Огненоска Андријана
– комплетна документација согласно објавениот конкурс
- Скоклеска Ивана
– комплетна документација согласно објавениот конкурс
May 14, 2026
Комисијата составена од: Билјана Суклоска Милошеска како претседател-вработена во општина Дебрца, Даниел Паункоски како член-вработен во општина Дебрца и Иван Стрезоски – Претседател на Советот на општина Дебрца, формирана со Решение бр.09-369/1 од 16.03.2026 година, изврши увид на поднесените документи од страна на кандидатите и согласно Правилнникот за доделување стипендии на одлични ученици од општина Дебрца запишани на јавните и приватните средни училишта во Република Северна Македонија за учебна 2025/26 година, утврди дека ги исполнуваат условите следните кандидати:
- Нелоски Лео
– комплетна документација согласно објавениот конкурс
- Андоноска Марија
– комплетна документација согласно објавениот конкурс
- Нелоска Анабела
– комплетна документација согласно објавениот конкурс
- Печоска Викторија
– комплетна документација согласно објавениот конкурс
- Донески Филип
– комплетна документација согласно објавениот конкурс
- Лошкоска Теона
– комплетна документација согласно објавениот конкурс
- Тупанческа Анастасија
– комплетна документација согласно објавениот конкурс
- Цветаноска Мартина
– комплетна документација согласно објавениот конкурс
- Левески Петар
– комплетна документација согласно објавениот конкурс
Macedonian
Albanian
Dutch
English
French
German
Greek
Polish
Serbian
Turkish