Select Page
Новогодишна честитка од градоначалникот Ногачески

Новогодишна честитка од градоначалникот Ногачески

Dec 31, 2020

Почитувани сограѓани,

На крајот сме на уште една година, година која ќе остане запаметена по светската пандемија, која ни го промени начинот на живеење.
Сепак, нашиот народ убаво рекол-“секое лошо за арно нека е”.
Тешките ситуации не ни доаѓаат со цел да ни ја одземат надежта, туку да не зацврстат уште повеќе, да научиме да дишеме со полни гради, да не го гледаме животот само низ призмата на она што е некој должен да го направи за нас, туку и преку призмата на тоа што ние како луѓе треба да направиме во овој свет околу нас.
И затоа, во Новата година да влезема со нови сили и верба дека се ова за бргу ќе помине и повторно ќе се вратиме во нормалност.
Во новата година да го исполниме нашето секојдневие со љубов, верба и надеж и заеднички да продолжиме да ја градиме нашата и иднината на нашите деца.
Да изградиме пат кон напредокот на нашата заедница и сите заедно посветено да работиме на остварување на нашата заедничка цел, подобра и понадежна општина Дебрца.
Претстојните празници да ги поминеме во кругот на семејството, со нашите најблиски и да празнуваме одговорно.
Среќна Ви нова 2021 година.
Да сме здрави и живи !

Проектна ретроспектива за 2020 година

Проектна ретроспектива за 2020 година

Dec 30, 2020

Крајот на годината е период кога вообичаено се прави ретроспектива на тоа што сме исполниле и што не сме исполниле од ветеното.
Зад нас останува една многу тешка година, година која ја одбележа светската здравствена криза, предизвикана од ковид 19 вирусот, со сите последици што истата ги донесе ( здравствени, економско-финансиски, социјални ).
На локален план кризата придонесе голем дел од планираните проекти да не се реализираат или да се стават во мирување.
Здравјето на сите беше во преден план.
👉И во такви околности, продолживме со реализација на капиталните инвестиции во повеќе проекти од локалната инфраструктура.
👉Хронолошки ќе ги потенцираме некои од нив, како:
✅Во село Требеништа инсталирано централно греење во подрачното училиште
✅Во село Оровник детското игралиште докомплетирано со потребните реквизити
✅Поставени се две нови автобуски постојки во селата Белчишта и Ботун.Постојките информираат за Белчишкото Блато, кое е природен бисер во овој дел од државава
✅Во село Волино ја градевме фекалната канализација. Вкупната вредност на работите изнесува 20.011.640 денари, од кои 16.959.017 денари се обезбедени од Агенцијата за финансиска поддршка на земјоделството и руралниот развој и 3.052.623 денари од Буџетот на општина Дебрца
✅Во село Велмеј работевме на втората фаза од партерното уредување на централниот простор – заградување, доуредување и осветлување на просторот,за што од Буџетот на општината се издвоени 1.178.796 денари
✅Во село Белчишта ја реконструиравме старата зграда – касарна, со пренамена на објектот, во ЕКО-музеј Белчишко Блато „Сини вирој”. Вредноста на договорот за реконструкција е 128,172,25 ЕУР. Средствата се озбезбедени од грант во рамките на EU IPA CBC проектот за “Подобрување на заштитата на природните растенија во пограничната област”, со вкупна вредност од 1 милион и 250 илјади, при што за општина Дебрца се издвоени 241 000 евра
✅Извршивме реконструкција на патниот правец за село Арбиново, врска со Автопат А2 и патен правец за село Лактиње, при што асфалтирана е делница во должина од 1.178 метри, а вкупната вредност на работите изнесува 4.377.194 денари, од кои 3.263.926 денари се обезбедени од Агенцијата за финансиска поддршка на земјоделството и руралниот развој, а 1.113.268 денари од Буџетот на општина Дебрца за 2020 година
✅Во село Сливово со општинската механизација помогнавме да се доуреди дворното место во црквата “Св.Варвара”.
✅Извршивме чистење и уредување на депонијата, лоцирана во непосредна близина на распределителната градба на река Сатеска, на влезот од село Волино
✅Извршено е тампонирање на полскиот пат од село Издеглавје до село Слатински Чифлик, по кој ја вградивме трасата на водоводот за Слатински Чифлик, во должина од 1376 метри, со што обезбедуваме и полесен пристап до земјоделското земјиште. Средствата за тампонирањето, во износ од 380.000 денари се обезбедени од Биро за регионален развој
✅Во рамките на проектот: “ Одржлив и инклузивен рамномерен регионален развој “ беше имплементиран инфраструктурен проект: “Уредување на атрактивни зони и патеки во Југозападниот плански регион “, при што на Слатинското Езеро се уредени мини туристички содржини ( изградена е пешачка патека од камени плочи, во должина од 160 метри, уреден е паркинг простор, три летниковци, три типски пикник маси )
✅Во село Издеглавје -изградба на резервоар за водоснабдување на селата Издеглавје и Слатински Чифлик. Вкупната вредност на проектот изнесува 5.072.301 денари, од кои 3.902.260,00 денари се обезбедени од Министерството за транспорт и врски, а 1.170.041,00 денари од Буџетот на општина Дебрца
✅Во село Оровник завршена е санација на каптажи за водоснабдување во местност “Тројани”, КО-Оровник. Средствата, во износ од 433.650 денари се обезбедени од Буџетот на општина Дебрца
✅Во село Требеништа изведба на нова бушотина за водоснабдување на селата Горенци, Оровник, Подмолје. Вредноста на проектот изнесува 605.400 денари.
✅Во село Требеништа ја реализиравме првата фаза од проектот: “Реконструкција-санација на задружниот дом во село Требеништа и негова адаптација во Археолошки Изложбен Центар Требеништа “, средствата , во износ од 2.500.000 денари се обезбедени од Бирото за регионален развој
✅“Живеј здраво – вози точак”-воведовме нова мерка – поддршка на рекреативниот спорт со доделување на поединечна субвенција на физичко лице за купен велосипед за 2020 година.
✅Согласно Годишната програма за развој на спортот во општина Дебрца обезбедивме комплет спортска опрема за ФК “Велмеј”-Велмеј и ФК “Славеј”-Мешеишта
✅Во село Лешани извршивме уредување на просторот позади училиштето во село Лешани, асфалтирање –изградба на кошаркарско игралиште, 250 м2, уредување со бекатонски плочки, 290 м2, метална ограда, канал за одводнување, два рефлекторски столба со четири рефлектори, кош, детско катче, урбана опрема-столици и канти за отпад.
Вкупната вредност на проектот изнесува 1.557 807 денари, од кои 1.400.000 се обезбедени од Биро за регионален развој,а 157.807 денари од Буџетот на општина Дебрца за 2020 година.
✅Поставено ново лед осветлување на спортскиот полигон во село Лешани.
✅Обезбедено ново возило Duster, кое за потребите на општина Дебрца ќе се користи и како специјално теренско возило за спасување во зимски услови, во рамките на проектот „Нови Можности за Безбеден Зимски Авантуристички Туризам“, поддржан од Европската Унија, преку ИПА Програмата за прекугранична соработка, Македонија – Албанија.
✅Во село Белчишта-уредување на централното подрачје
✅Во село Оровник извршено е тампонирањето на полскиот пат во местноста “Широки Разор”, село Оровник, во должина од 1548 метри.
Вкупната вредност на работите изнесува 1.161.665 денари, од кои 984.462 денари се обезбедени од Агенцијата за финансиска поддршка на земјоделството и руралниот развој, а 177.203 денари се учество на општина Дебрца.
✅Во рамките на Годишната програма за изградба, реконструкција на општинските патишта и улици извршивме:
-тампонирање и асфалтирање на патот до Црква “Св.Богородица” и гробиштата во село Ботун, во должина од 550 метри,
-тампонирање и асфалтирање на улица во село Врбјани, во должина од 320 метри,
-асфалтирање на паркинг простор пред административната зграда на општина Дебрца, во село Белчишта
Започнавме со собирање на комунален отпад и во селата на Средна и Горна Дебрца
👉Вредно е да ги споменеме и следните проекти:
✅реконструкција на делницата село Велмеј-село Брежани и неколку други делници од регионалниот пат, проект реализиран од Јавното претпријатие за државни патишта
✅-доизградба на патниот правец село Волино ( Дебрца ) – село Мороишта ( Струга ), делница: граница помеѓу општина Дебрца и општина Струга – село Мороишта, односно регионално патно поврзување помеѓу двете соседни општини
✅ЈП “Македонија Пат” со припомош на општинска механизација изврши изведба на банкините на делницата Ботун-Белчишта, во должина од 2,5 км и делницата Белчишта – Лешани, во должина од 2,0 км.
👉Проектите ќе продолжиме да ги реализираме и во наредната 2021, особено таму каде што не реализиравме или реализиравме помалку оваа година
И најважно од се е, да бидеме живи и со добро здравјe.
Записник од комисијата за спроведување на конкурсот за доделување на ученички и студенски стипендии

Ј А В Е Н О Г Л А С За работно ангажирање на невработени лица по Годишната програма за јавни работи

Dec 30, 2020

Врз основа на член 84 став 1 од Законот за вработувањето и осигурување во случај на невработеност („Службен весник на Република Македонија” број 37/97, 25/2000, 101/2000, 50/2001, 25/2003, 37/2004, 4/2005, 50/2006, 29/2007, 102/2008, 161/2008, 50/10, 88/10, 51/11, 11/12, 80/12, 114/12, 39/14, 44/14, 113/14, 56/15, 129/15, 147/15, 154/15, 27/16 и 119/16) и Годишната програма за организирање на јавни работи и работно ангажирање на невработени лица во општина Дебрца за 2021 година, број 01-2187/10, од 28.12.2020, Градоначалникот на општина Дебрца, распишува:

Ј А В Е Н   О Г Л А С

За работно ангажирање на невработени лица по Годишната  програма за јавни работи

1.Општина Дебрца има потреба од работно ангажирање на 2 работници за времетраење до 12 месеци, за извршување на јавни работи и тоа –Одржување на јавната инфраструктура                 ( одржување-чистење на крајпатната вегетација на општинските патишта и улици, санација од помали размери на општинските патишта и улици, одржување на насипи, канали, водоводни и канализациони мрежи и други објекти од општ интерес, подобрување на условите за живеење и други работи), Одржување и заштита за животната средина и природата ( чистење и санација на дивите депонии, чистење и одржување на речните корита,  канали, одводи, јавни површини, паркови и хортикултурно уредени локации во селата, фудбалските игралишта,  монтажа и одржување на опремата во парковите и јавните детски игралишта,  развој на селските подрачја и други работи) и Сеча, утовар и транспорт на огревно дрво– кое на општина Дебрца и е донирано, согласно договорот, број, од 2020 година, склучен со Јавно претпријатие за државни патишта и тоа- едно лице ракувач со механизација ( универзален ровокопач, мини ровокопач,трактор со мулчер ) и едно лице- ракувач со моторна пила ( секач на огревно дрво ).

  1. 2. Право да се пријават имаат долгорочно eвидентирани невработени лица, ниско квалификувани невработени лица, повозрасни невработени лица ( над 55 години ) и други лица од евиденција на невработени.

Невработените лица ќе бидат ангажирани согласно  член 83, 84 и 85 од  Законот за вработувањето и осигурување во случај на невработеност.

За време на ангажирањето на лицата ќе им се обезбеди финансиска поддршка, односно месечен нето паричен надоместок во износ од 850 денари по ангажирано лице, дневно, со платен персонален данок на доход и осигурување во случај на несреќа при работа и професионално заболување.

На корисниците на социјална помош за времетраење на работното ангажирање ќе им биде активно правото на користење на социјална помош.

Условите, правата и обврските ќе бидат уредени со склучување на договор помеѓу општината и невработените лица.

3.Заинтересираните кандидати потребно е да достават:

-Пријава и

-Потврда од Агенцијата за вработување дека се невработени.

4.Огласот трае пет работни дена од денот на објавувањето на веб страницата на општина Дебрца, www.debrca.gov.mk и огласната табла на Агенцијата за вработување на Република Македонија, Центар за вработување  Охрид, односно до 05.01.2021 година.

5.Пријавите се поднесуваат во архивата на општина Дебрца, секој работен ден од 07.30-15.30 часот.

ГРАДОНАЧАЛНИК НА ОПШТИНА ДЕБРЦА

Зоран Ногачески

 

П Р И Ј А В А

За Јавни работи 2021 година,Општина Дебрца

Оглас

За Јавни работи 2021 година,Општина Дебрца

Успешно реализирана хуманитарна акција во Општина Дебрца

Успешно реализирана хуманитарна акција во Општина Дебрца

Dec 28, 2020

Ако бев славеј – вели римскиот филозоф Епиктет (I. в) – ќе го правев тоа што го прави славејот; ако бев лебед, ќе го правев она што го прави лебедот; но јас сум разумно создание и ми приличи да Го прославувам Бога“.
А на Бога најугодна прослава му е преку нашите добри дела, подадената рака на ближниот, милостина кон секое човечко битие кои има за тоа потреба.
Сакам да се заблагодарам од срце на сите што денес учествуваа и придонесоа за новогодишната хуманитарна акција.
Благодарам на Градоначалникот на Општина Дебрца Зоран Ногачески, преседателот на совет Петре Голабоски, на колегите советници, директорот на ЈК Дебрца Игор Крцоски кои што дадоа свој продонес. Но и сите останати жители на нашата општина кои што од срце учествуваа на оваа благородна акција! Продолжуваме со вакви активности и во новата година!
На крај од мое име од срце ви посакувам среќна, здрава, бериќетна и благословена да биде новата 2021 година!
Прпдолжуваме со вакво темпо и во новата година
Бог да биде со сите нас!
Со почит
М-р Катерина Пискулоска- член на советот на општина Дебрца

mk Macedonian
sq Albaniannl Dutchen Englishfr Frenchde Germanel Greekmk Macedonianpl Polishsr Serbiantr Turkish
Accessibility by WAH