Select Page
ВКЛУЧИ СЕ – ГРАЃАНСКИ БУЏЕТ 2022

ВКЛУЧИ СЕ – ГРАЃАНСКИ БУЏЕТ 2022

Почитувани граѓани, 

 
Општина Дебрца го започнува процесот на креирање на новиот Буџет за 2022 година. 
Партиципативното буџетирање и вклучувањето на граѓаните и граѓанските организации при креирање на Буџетот е наш приоритет.
Ве повикуваме да се вклучите, со вашите идеи, предлози и сугестии, пополнувајќи го соодветниот формулар во прилог на овој текст. 
Посочете ги клучните проблеми и предлози за вашата месна заедница, со цел, локалната самоуправа да добие појасна претстава за потребите на граѓаните во сите месни заедници.
Секој пополнет формулар ќе биде темелно прегледан од нашите сектори и предлозите за нови проекти ќе бидат земени предвид при креирање на буџетските програми и Буџетот за 2022 година.

ВКЛУЧИ СЕ – БУЏЕТ ДЕБРЦА 2022

    Ве молиме изберете во која област припаѓа вашиот предлог/идеја.
  • Ве молиме во кратки црти објаснете ја вашата предлог идеја/проект
  • Доколку сакате нашите служби да ве контактираат, ве молиме оставете ваш контакт број.
  • Доколку сакате нашите служби да ве контактираат, ве молиме оставете ваша е-маил адреса
Презентација на нацрт-планот за управување со Охридското Езеро

Презентација на нацрт-планот за управување со Охридското Езеро

Денес градоначалникот Зоран Ногачески  се обрати на консултативната работилница со засегнатите страни по Нацрт-планот за управување со Споменикот на природата Охридското Езеро, која се одржа преку електронската комуникациска платформа ZOOM .

Нацрт-планот за управување е подготвен во рамките на проектот GEF/UNEP STAR 5: „Постигнување на зачувување на биолошката разновидност преку создавање и ефективно управување со заштитените подрачја во планирање за користење на земјиштето“, со експертска поддршка од IUCN ECARO. Целта на работилницата беше да обезбеди пошироко вклучување на засегнатите страни, да добие препораки и коментари за предлогот и да обезбеди добар квалитет и применливост на документот.

Во моето обраќање уште еднаш ја потврдив подготвеноста на општина Дебрца максимално да се вклучи во овој процес, а кое нешто градоначалниците на трите општини неодамна го потврдиме со потпишувањето на заедничка изјава за поддршка на процесот за повторното прогласување на Охридското Езеро за споменик на природатa.

Очекувам дека на крајот ќе имаме добар документ, а уште повеќе очекувам негова имплементација од сите, засегнатите страни и надлежните институции, од причина што се работи за заштита на нешто што е наше, а светско, Охридското Езеро. – потенцираше градоначалникот по состанокот

Информација за поднесено известување за намера за изведување на Проектот: Реставрација на река Сатеска и пренасочување во нејзиното природно речно корито, општина Дебрца.

Информација за поднесено известување за намера за изведување на Проектот: Реставрација на река Сатеска и пренасочување во нејзиното природно речно корито, општина Дебрца.

Министерството за животна средина и просторно планирање ја известува заинтересираната јавност дека инвеститорот Општина Дебрца со седиште во с.Белчишта бб општина Дебрца достави известување за намера за изведување на проектот и утврдување на потребата од оцена на влијанието на проектот врз животната средина: Информација за поднесено известување за намера за изведување на Проектот: Реставрација на река Сатеска и пренасочување во нејзиното природно речно корито, општина Дебрца.

Со проектот се предвидува реставрирање на природното речно корито на река Сатеска со цел да се пренасочи најчесто повторуваниот проток од 15m³/s во нејзиното природно корито што се влева во Црн Дрим, како и заштита и намалување на таложењето на наносот во речното корито со предвидување на антиерозивни мерки и таложник за собирање на наносот.

Надлежен орган за донесување на одлуката е Министерството за животна средина и просторно планирање.

Целосното известување за намера за изведување на Проектот: Реставрација на река Сатеска и пренасочување во нејзиното природно речно корито, општина Дебрца може да се види на интернет страната на Министерството за животна средина и просторно планирање, со седиште на Плоштад Пресвета Богородица бр. 3,  1000 Скопје. www.moepp.gov.mk

 

 

Контакт лица:

Инвеститор општина Дебрца, Игор Мартиноски

   е-маил: igormartinoski@yahoo.com

тел: 070 667 930

 

М-р Марјан Михајлов-експерт за ОВЖС/СОЖС

е-маил: m.mihajlov@maneko.com.mk

тел: 076 298 297

 

Министерство за животна средина и просторнио планирање

 Плоштад Пресвета Богородица бр. 3, 1000 Скопје

 

 Билјана Петкоска – Раководител на Сектор за животна средина

   Плоштад Пресвета Богородица бр. 3, 1000 Скопје

   тел: 076 455 427;

   е-маил: b.petkoska@moepp.gov.mk

Градоначалникот Ногачески положи свежо свеќе по повод 78 години од формирањето на Првата македонска-косовска народно ослободителна ударна бригада

Градоначалникот Ногачески положи свежо свеќе по повод 78 години од формирањето на Првата македонска-косовска народно ослободителна ударна бригада

Денес, пред Споменикот-Паметник во село Сливово, славна Дебрца со историски час и полагање цвеќе се одбележа уште еден светол датум од нашата историја, 78 години од денот кога на 11 Ноември 1943 година беше формирана Првата македонска-косовска народно ослободителна ударна бригада.
Таа генерација наши претходници избраа да изградат држава – светилиште на слободата, дури и по цена на нивните животи, ја грабна таа историска шанса за да го остварат вековниот сон – своја држава, држава на македонскиот народ и на сите нејзини граѓани .
И затоа, ние денеска им оддаваме должна почит на тие храбри, државотворни луѓе.
Зоран Ногачески е старо-нов градоначалник на Општина Дебрца

Зоран Ногачески е старо-нов градоначалник на Општина Дебрца

Денес од страна на Општинската изборна комисија Дебрца, градоначалникот Зоран Ногачески го доби Уверението за избран градоначалник на општина Дебрца, со што  фицијално го започна новиот втор мандат 2021-2025, а врз основа на изборната волја на граѓаните изразена на локалните избори.
Големата поддршка од Вас, граѓаните за мене е уште поголема обврска и одговорност.
Подавам рака и ги повикувам сите граѓани да ни се придружат заедно да продолжиме да го градиме нашиот заеднички дом, нашата Дебрца.
Убеден сум дека на тој пат ќе имаме добра соработка и со новоизбраните членови на советот на општината, на кои им го честитам изборот.
Продолжуваме! Заедно за Дебрца! – изјави градоначалникот по повод добивањето на новиот мандат.
Големина на Фонт
Контраст