Feb 28, 2025
Деновиве во едукативна посета на Белчишко Блато и центарот за посетители на Белчишкото Блато во село Белчишта, посетители ни беа гостите од од Турција во рамките на Еразмус програмата каде им беа презентирани дел од етнолошкото и природното богатство на општина Дебрца.Посетата беше организирана од страна на здружението ,,Екотуризам “ од Охрид во соработка со Младински Центар Охрид.
Воедно се одржа и Едукативна посета на Белчишко Блато и центарот за посетители, со учениците од ОСУ “Св. Климент Охридски” – Охрид и РЦСОО “Ванчо Питошески”- Охрид, со цел јакнење на свеста на младите за значењето на блатните екосистеми и биолошката разновидност во нашето опкружување. Борбата против климатските промени е прашање на нашиот опстанок, а Зелената агенда е начин да се спроведе и да се приспособиме на променетите климатски услови. Зелената агенда за Западен Балкан се состои од 5 столба: 1) Декарбонизација: климатска акција, зелена енергија и одржлив транспорт 2) Циркуларна економија 3) Борба против загадувањето 4) Одржливо производство на храна и одржливи рурални средини и 5) Биодиверзитет: Заштита и реставрација на природата и екосистемите.
Посетата се одржа во рамки на проектот „Регионално партнерство за подобро спроведување на Зелената Агенда за Западен Балкан на локално ниво“, имплементиран од Центар за климатски промени и партнерските организации Eco-Green Movement, Berovo, Регионално географско друштво „ГЕОСФЕРА“ – Битола, Екотуризам Охрид / Ecotourism Ohrid Младинска организација Креактив, Foundation for Local and IT Development- Gevgelija, National Roma Centrum и Eco Action Tetovo, а е финансиран од Владата на Швајцарија преку програмата Civica Mobilitas
Feb 28, 2025
Привршуваат работите на реконструкција на локалниот пат село Злести-село Белчишта врска со регионален пат Ботун- Брежани. За реализација на проектот од Владата,преку Министерството за транспорт и врски на општина Дебрца се одобрени 8.627.682 денари, а 1.617.654 денари се обезбедени од Буџетот на општината за 2025 година.
Во активностите за реконструкција беше извршено прочистување на вегетација, геодетско обележување на траса, ископ, поставување на тампон, поставување на цевки за одводнување ископ на канали за одводнување, поставување на асфалт и банкини.
Реконструкцијата на овој локален пат ќе допринесе за побрз прокток на возила и поврзување на двете села со што се олеснува пристапот до село Злести.
Feb 24, 2025
Врз основа на член 39 став 2 од Законот за локалната самоуправа (“Службен весник на РМ”, број 5/2002) и член 22, став 2 од Статутот на општината Дебрца (“Службен гласник на општината Дебрца”, број 3/2005), донесувам:
Р Е Ш Е Н И Е
за свикување на 43-та седница на Советот на општината Дебрца
Ја свикувам 43–та седница на Советот на општината Дебрца.
Седницата ќе се одржи на ден 28.02.2025 година (петок) , со почеток во 10.00 часот, салата за седници на Советот на општината Дебрца.За седницата се предлага следниот:
Д Н Е В Е Н Р Е Д
- Усвојување на записник од 42-та седница на Советот на општина Дебрца
- Предлог – Одлука за изменување и дополнување на Одлуката за извршување на Буџетот на Општина Дебрца за 2025 година
- Предлог – Одлука за усвојување на Извештајот за остварување на Буџетот на општината Дебрца за периодот од 01.01.2024 до 31.12.2024 година
- Предлог – Програма за спроведување на општите мерки за заштита на населението од заразни болести на територијата на општина Дебрца за 2025 година
- Предлог – Одлука за прифаќање на предлогот за воспоставување на меѓуопштинска соработка помеѓу општините : Новаци, Прилеп, Битола, Крушево, Долнени, Могила, Кривогаштани, Демир Хисар, Ресен, Охрид, Струга, Кичево, Дебар, Пласница, Центар Жупа, Вевчани, Дебрца и Македонски Брод
- Предлог – Решение за именување членови на заедничка комисија за воспоставување на меѓуопштинска соработка помеѓу општините : Новаци, Прилеп, Битола, Крушево, Долнени, Могила, Кривогаштани, Демир Хисар, Ресен, Охрид, Струга, Кичево, Дебар, пласница, Центар Жупа, Вевчани, Дебрца и Македонски Брод
- Предлог – Одлука за усвојување на Записникот од извршениот попис на побарувањата, обврските и каса за 2024 година
- Предлог – Одлука за усвојување на Извештајот за реализација на Годишната програма за изградба, реконструкција, одржување и заштита на општинските патишта и улици во општина Дебрца за 2024 година
- Предлог – Годишна програма за изработка на Урбанистички планови за Општина Дебрца во 2025 година
- Предлог – Одлука за утврдување на потреба од донесување на урбанистичко-планска документација за вклопување и усогласување на намената на бесправно изграден објект со намената на земјиштето
Советнички прашања
СОВЕТ НА ОПШТИНА ДЕБРЦА
Претседавач,
Крсте Јорданоски
Feb 18, 2025
Учениците од ООУ Страшо Пинџур – Вевчани заедно со организацијата Еко –свест Вевчани го истражуваа Белчишко Блато, едно од најзначајните и најзачуваните блата во Македонија!
Во организација на Екотуризам Охрид и Општина Дебрца учеа за уникатната природа на ова подрачје и за нераскинливата врска помеѓу луѓето и овој екосистем низ историјата.
Преку истражување на терен и посета на Центарот со природнонаучната и етнолошката збирка, откриваа факти за стотиците видови птици, растенија и цицачи што го прават ова место вистинско природно богатство.
Се запознаа со предмети од етнолошката збирка кои се заборавени целосно или се надвор од употреба во новиот и современ свет, поради тоа овој Центар преставуваа еден времеполов кој не враќа назад во минатото да увидиме како локалното население на еколошки начин приготувувало храна и ги обработувало нивите во непосредна близина на самото Блато и ги користело неговите ресурси.
Затоа е потребно сите заеднички да е заштитиме ова уникатната природа на ова подрачје која е нераскинливата врска помеѓу луѓето и овој екосистем низ историјата и да се однесуваме оговорно кон истото.
Feb 7, 2025
Општина Дебрца, во соработка со ЈПКД-Дебрца, започнаа со поставување на нов водоводен крак во должина од 600 метри во село Сливово. Овој проект има за цел да го подобри снабдувањето со вода за пиење и да го зголеми квалитетот на животот на жителите на ова село. Работите се во тек, а завршувањето на проектот се очекува во најскоро време.
Macedonian
Albanian
Dutch
English
French
German
Greek
Polish
Serbian
Turkish