May 28, 2020
По селата во средна Дебрца, деновиве кантите за собирање отпад кои општината ги обезбеди преку грант во рамките на Проектот ‘Унапредување на општинското владеење’, финансиран од Европската Унија, спроведуван од страна на Програмата за развој на Обединетите нации (УНДП), се распределени и во селата од Горна Дебрца ( Врбјани, Годивје, Лактиње, Арбиново ).
Истите врз основа на утврден план од Јавното претпријатие се поставени на јавни површини, со што и во овие села започнуваме со организирано собирање на комуналниот отпад.
И во наредниот период продолжуваме со чистење на дивите депонии, а од граѓаните ја очекуваме нивната поддршка и придонес за зачувување на здрава и чиста животна средина
May 25, 2020
По повеќекратните барања од советот и градоначалникот на општината до Јавното претпријатие за државни патишта даден е налог за изведба на банкините на Регионалниот пат Р29273 Ботун-Брежани-Железнец, активност која некој “заборавил” да ја изведе при рехабилитацијата на регионалниот пат во 2017 година, со што граѓаните со години се соочуваа со отежнато одвивање на сообраќајот и оштетување на возилата.
Деновиве ЈП “Македонија Пат” со припомош на општинска механизација започна со изведба на банкините на делницата Ботун-Белчишта, во должина од 2,5 км и делницата Белчишта – Лешани, во должина од 2,0 км.
Останува нашата заложба и барања до ЈП за државни патишта за рехабилитација на коловозот по целата должина на регионалниот пат
May 9, 2020
Поради вонредната состојба предизвикана од Ковид-19 вирусот, Денес, симболично, во името на сите граѓани на општина Дебрца градоначалникот Зоран Ногачески се поклони пред Споменикот на револуцијата, победата и слободата „Кременатец“, во чест на јубилејот 75 години од победата над фашизмот и Денот на Европа.
Ние, граѓаните на Дебрца сме посебно горди на овој Ден, бидејќи Дебрца е местото каде се исковани најголемите придобивки од НОАВМ, 1941-1945 година.
Овој ден се одбележува и како Ден на Европа, бидејќи го означува пресвртниот момент во кој е дефиниран идниот изглед на Европа,а познатата Шуманова декларација, се смета за почеток на формирањето на денешната Европска унија.
9 мај треба да послужи и како потсетник дека фашизмот во Европа и во светот никогаш не е искоренет и вистински поразен и дека против него треба да се бориме и денес, секојдневно, бидејќи антифашизмот, рамноправноста и почитта меѓу луѓето, без оглед на нацијата, верата, расата, полот се цивилизациски текови и вредности кои мораат да се негуваат – напиша градоналачникот Ногачески во својот фејсбук статус.