Активно се чисти крајпатната вегетација
Општина Дебрца, во соработка со ЈПКД „Дебрца“ Започнаа активности за прочистување на јавни површини и крајпатна вегетација на територија на општината, за овие активности е ангажирана механизација на Општина Дебрца и ЈПКД „Дебрца” како и човечки капацитети. Оваа активност е дел од редовното одржување на јавните површини и има за цел да обезбеди чист и попријатен престој на јавните површини и безбедност на учесниците во сообраќајот.
Упатуваме апел до жителите да не се поставуваат материјали и хаварисани возила, особено на крајпатните површини како безбедно би можеле да извршиме чистење на вегетација без оштетување на механизацијата.
Заврши Вториот турнир во мал фудбал “Св.Никола 2025” Требеништа
Со одигрувањето на финалниот натпревар помеѓу екипите на АСП ПАК и ФК САТЕСКА синоќа заврши Вториот турнир во мал фудбал “Св.Никола 2025” Требеништа.
Во извонредна атмосфера и драматичен натпревар турнирот го освои екипата на ФК Сатеска.
Честитки за победникот,сите учесници и организаторот.
Општина Дебрца покрај постојните доби уште една прекрасна спортска манифестација.
Општина Дебрца и оваа година беше покровител на турнирот и го помогна со 80.000 денари,а истовремено ја подобривме и спортската инфраструктура,со изградбата на трибина во спортската сала,а за што од Буџетот на општината беа издвоени 1.121.180 денари.
Согласно Годишната програма за развој на спортот за 2025 година финансиски ќе бидат помогнати и другите годинешни општински спортски манифестации како:
Турнир “Петровден 2025” Мешеишта со 80.000 денари.
Турнир “Илинден 2025” Оровник,со 80.000 денари.
Меморијален турнир “Кире Николоски Камачо 2025” Лешани со 40.000 денари,
Меморијален турнир “Михаил Мирчески 2025” Слатино,со 40.000 денари,
“Богородица Куп 2025” Волино,со 80.000 денари
Турнир “Св.Богородица2025” Ботун со 20.000 денари,
Средба на генерации на ФК “Дебрца” Белчишта,со 20.000 денари.
Меморијал “Јончески Мирко Мичула 2025” Велмеј,со 20.000 денари.
Општина Дебрца константно вложува во развојот на спортот и младите.
46-та седница на Советот на општината Дебрца
Врз основа на член 39 став 2 од Законот за локалната самоуправа (“Службен весник на РМ”, број 5/2002) и член 22, став 2 од Статутот на општината Дебрца (“Службен гласник на општината Дебрца”, број 3/2005), донесувам:
Р Е Ш Е Н И Е
за свикување на 46-та седница на Советот на општината Дебрца
Ја свикувам 46–та седница на Советот на општината Дебрца.Седницата ќе се одржи на ден 30.05.2025 година (петок) , со почеток во 10.00 часот, салата за седници на Советот на општината Дебрца.
За седницата се предлага следниот:
Д Н Е В Е Н Р Е Д
- Усвојување на записник од 45-та седница на Советот на општина Дебрца
- Предлог – Одлука за усвојување на Извештајот за остварување на Буџетот на општината Дебрца за периодот од 01.01.2025 до 31.03.2025 година
- Предлог – Одлука за давање на користење недвижна ствар – катастарска парцела 147/8 КО Требеништа
- Предлог – Годишна програма за изменување на Годишната програма за развој на спортот во општина Дебрца за 2025 година
- Предлог – Одлука за утврдување на потреба од донесување на урбанистичко-планска документација за вклопување и усогласување на намената на бесправно изграден објект с намената на земјиштето (КП бр. 760, КП бр. 967, КП бр 966, КП бр. 964, КП бр. 962)
- Предлог – Одлука за утврдување на потреба од донесување на урбанистичко-планска документација за вклопување и усогласување на намената на бесправно изграден објект с намената на земјиштето (КП бр. 519/1 и КП бр 1917 КО Црвена Вода)
- Предлог – Одлука за доделување еднократна парична помош (03-577)
- Предлог – Одлука за доделување еднократна парична помош (03-599)
- Предлог – Одлука за доделување еднократна парична помош (03-682)
Советнички прашања
СОВЕТ НА ОПШТИНА ДЕБРЦА
Претседател,
Крсте Јорданоски
Успешно реализиран проектот “Безбеден раст и развој на децата во општина Дебрца”
Деновиве успешно беше реализиран проектот “Безбеден раст и развој на децата во општина Дебрца”
Проектот го реализираше Кинезио Охрид,студио за пилатес вежби, корективна гимнастика за деца и професионални масажи, кое го аплицираше проектот и истиот беше одобрен од советот на општината и инкорпориран во Годишната програма за развој на спортот во општина Дебрца за 2025 година.
Со проектот беа предвидени контролни прегледи на сите ученици од ООУ “Дебрца” Белчишта.
Во контролите се проверуваа неколку потенцијални проблеми,односно деформитети кај учениците како што се кифоза,сколиоза,лумбална лордоза,вратна лордоза,лошо држење на телото,мускулен дисбаланс,скратена мускулатура и рамно стапало.
Прегледани се вкупно 162 ученици. Од сите ученици 68 деца беа апсолутно без никаков проблем и никаква пречка во нивниот раст и развој, а околу 58 проценти од децата имаат некаков проблем, врз кој што треба да посвети внимание и да се искорегира навреме.
Важно е да се напомене дека голем дел од децата имаат мускулен проблем од тип скратена мускулатура или мускулна асиметрија, кој што многу лесно и едноставно се корегира. Само околу 20 проценти од децата имаат посериозни проблеми на рбетниот столб од тип сколиоза, кифоза, вратна или лумбална лордоза.
Процентот на деформитети воопшто не е загрижувачки и од година во година сите заедно ќе треба да се потрудиме да биде помал, за децата да имаат детство без проблеми и да израснат правилно, без никакви пречки и телесни деформитети.
Сите деца кои што имаат некаков проблем со нивниот раст и развој , секогаш имаат целосно бесплатни насоки и совети во Студио Кинезио за решавање на истиот тој проблем.
Средствата за имплементација на проектот се обезбедени од Буџетот на општината за 2025 година.
Општина Дебрца и во иднина ќе го поддржува спроведувањето на систематски прегледи за рано откривање на деформитети на мускулно скелетниот систем кај децата,со цел нивно навремено превенирање и обезбедување безбеден раст и здрав живот на најмладите.
Macedonian
Albanian
Dutch
English
French
German
Greek
Polish
Serbian
Turkish