May 21, 2025
21 Мај се одбележува денот на Natura 2000, во чест на воспоставувањето на првите НАТУРА 2000 подрачја во 1992 година, кога ЕУ ја донесе Директивата за живеалишта (Habitats Directive).
Македонија, има започнат процес на хармонизација со европското законодавство и во тие рамки се идентификувани значајни подрачја кои ќе бидат дел од идната НАТУРА 2000.
За општина Дебрца е значајно дека Белчишкото Блато” Сини Вирој” е меѓу идентификуваните идни заштитени подрачја на НАТУРА 2000.
May 21, 2025
Општина Дебрца, во соработка со ЈПКД „Дебрца“, започна акција за пролетно уредување и одржување на патната инфраструктура во сите населени места на територијата на општината.
Акцијата ја изведува ЈПКД „Дебрца“ со механизирано косење со трактор покрај патиштата.
Досега се завршени активностите во следниве населени места:
Оровник
Горенци
Требништа
Волино
Мешеишта
Акцијата продолжува по следниот редослед:
Климештани
Ботун
Белчишта
Злести
Лешани
Велмеј
Горно Средорече
Долно Средорече
Гркополе
Ново Село
Песочан
Црвена Вода
Издеглавје
Слатински Чифлик
Слатино
Оздолени
Сошани
Арбиново
Лактиње
Годивје
Врбјани
Сливово
Мраморец
Турие
Брежани
Заедно придонесуваме за почиста, побезбедна и поуредена средина!
May 21, 2025
На јавниот повик за доделување на средства за намалување на диспаритетите меѓу и во рамки на планските региони и зголемување на регионалната конкурентност за 2025 година,објавен од Министерството за локална самоуправа општина Дебрца преку Центарот за развој на Југозападниот плански регион аплицираше за набавка на опрема за чистење на канализациони системи.
Со одлука на Владата на Центарот за развој на Југозападниот плански регион се доделени 1.200.000 денари за набавка на наведената опрема за потребите на ЈПКД Дебрца Белчишта.
Набавката на опремата ќе придонесе за јакнење на капацитетите на ЈПКД Дебрца.
May 19, 2025
Во изминатите два дена 39 земјоделци и граѓани од општина Дебрца, меѓу кои и градоначалникот на општината по четврти пат беа во организирана посета на 92-от Меѓународен земјоделски саем “Нови Сад 2025”, најголемиот саемски настан во Србија и еден од најголемите во Европа во областа на земјоделството.
Општина Дебрца ги покри трошоците за автобускиот превоз ,а останатите трошоци беа на товар на учесниците,а кое нешто е во согласност со мерката дефинирана со Годишната програма за локален економски развој на општина Дебрца,учество на саеми,што подразбира финансиска поддршка на организирани настапи и посети на земјоделците на домашни и меѓународни саеми од областа на земјоделството.
Повикот за посета на саемот јавно беше објавен на општинската веб страница и секој заинтересиран можеше да се пријави.
May 16, 2025
Градоначалникот на општина Дебрца Зоран Ногачески и претседателот на советот на општината, Крсте Јорданоски остварија средба со стручна делегација од областа на противпожарната заштита од Австрија, составена од Петер Логар, проект менаџер на Програмата за поддршка на тиролската противпожарна бригада и Јоханес Пап, Заменик командант на противпожарна бригада на Тирол, Сојузна покраина на Австрија.
На средбата присуствуваа и претставници на Противпожарната единица од Охрид,со командирот Борко Јанкулоски.
На средбата беше потецирана и потребата од активно функционирање на волонтерска служба за противпожарна заштита, односно доброволно противпожарно друштво во општина Дебрца,практика која е многу успешно применета во областа на противпожарната заштита во развиените држави.
Во тој контекст, стана збор и за доброволното противпожарно друштво „Ентузијаст“ кое брои 25 лица и веќе активно делува во Охрид,а има неопходна потреба од функционирање и на територијата на општина Дебрца.
Од страна на гостите беше потенцирано дека општината треба да се заложи да обезбеди просторни услови за друштвото и волонтери,а тие ќе помогнат да се обезбедат опрема и обуки за волонтерите.
Се надеваме дека оваа средба ќе биде почеток на успешна соработка во иднина.
Macedonian
Albanian
Dutch
English
French
German
Greek
Polish
Serbian
Turkish