Jul 1, 2026
Во крајна фаза сме со комплетното уредување на дворот на црквата „Св. Петар и Павел“ во с. Брежани!
Со поставувањето на 260 м2 бекатон плочки, просторот околу храмот го добива својот вистински и достоен лик, токму во пресрет на празникот Петровден.
Продолжуваме да работиме и да градиме во секое населено место во нашата Дебрца.
Jun 30, 2026
ЈП за комунална дејност “Дебрца” ги известува жителите на населените места во општина Дебрца каде се врши подигнување на комунален одпад, Дека комуналниот отпад од 1ви јули ќе се подига од 06:00 часот (наутро).
Се замолуваат сите жителите навремено да го одлагаат отпадот и да ја почитуваат утврдената динамика, со цел непречено и ефикасно извршување на комуналните услуги.
Со Почит,
ЈКП,, Дебрца”
Jun 29, 2026
Синоќа во Галеријата „Ѓорѓија Целески“ во Белчишта свечено го отворивме 41-то издание на Интернационалната уметничка колонија „Дебрца“.
Како најстара ликовна колонија во Македонија, оваа година твориме под моќното мото „Од камен до код – ехо на земјата, глас на иднината“, покажувајќи дека иднината се гради врз темелите на минатото.
Во моето обраќање пред присутните, со гордост истакнав дека веќе 41 година ова место е светол пример како уметноста ги спојува луѓето, културите и времињата.
Посебно сакам да им се заблагодарам на домашните и странските уметници кои со својот талент го прават Белчишта вистински космополитски центар на уметноста.
Годинава нашето уметничко семејство се зголеми, па искрено го поздравувам новиот бран на млади креативци кои носат свежи идеи и нови светогледи.
Претседателката на здружението, Мартина Целеска, одлично поентираше дека Дебрца одамна прерасна во духовен простор, потсетувајќи не дека галеријата денес чува над 700 уметнички дела што е наше непроценливо богатство.
Оваа година ни гостуваат реномирани автори од Македонија, Србија, Словачка и Велика Британија, предводени од почесниот гостин, истакнатиот македонски уметник Јордан Манасиески.
Свеченото отворање го збогатија младата гитаристка Георгина Јанкоска, фолклорниот ансамбл „Св. Петар и Павле“ од Мешеишта и познатиот гајдаџија Целе Блажески.
Нека ни е успешна и плодна 41-та ликовна колонија, продолжувајќи ја визијата на нејзиниот основач!
Анамарија Момироска
Jun 29, 2026
Иднината ја градиме заедно – со визија, знаење и храброст!
Денес во салата на Општина Дебрца имав извонредна средба со младите од иницијативата „За доброто на Дебрца“. Кога младите преземаат одговорност, резултатот не е само дебата, туку јасен план за акција.
Заедно со Вахид Мемед и младинскиот лидер Ивана Левеска, ги мапиравме клучните столбови на кои силно ќе работиме:
Остануваме дома – Создаваме реални услови за младите луѓе да ја градат својата иднина овде, во Дебрца.
Туризам со полн капацитет – Координаторот Билјана Стефаноска ги презентираше нашите неискористени потенцијали кои ќе ги претвориме во нови економски шанси.
Развој преку лесна индустрија – Инвестираме во одржливи проекти како силна поддршка за локалната економија.
Дебрца „Чувар на природата“ – Секој економски прогрес мора и ќе оди рака под рака со еколошката одговорност.
Вратите на општината се секогаш отворени за вакви иницијативи. Како градоначалник, младите идеи за мене се врвен приоритет и секогаш ќе ја имаат мојата максимална институционална поддршка.
Не зборуваме само за проблеми – создаваме конкретни решенија за подобра иднина на нашиот заеднички дом!
Активноста е реализирана во рамки на проектот „Youth-4-Democracy Laboratory“, имплементиран од Здружението за меѓународна младинска соработка ИНТЕРАКТИВ – Битола, со поддршка од National Endowment for Democracy.
Jun 5, 2026
Работиме неуморно низ целата општина: Денешниот фокус е на Злести!
Денес завршивме уште еден важен дел од нашиот годишен план за асфалтирање.
Комплетно е реконструирана главната улица во село Злести, на потегот од сретселото до крстосницата за Белчишта и Лешани.
Со оваа инвестиција значително ја подобруваме патната инфраструктура, придонесувајќи за поголема безбедност во сообраќајот и полесно секојдневие на мештаните.
Продолжуваме посветено да работиме на терен и да ги исполнуваме барањата на граѓаните.
Чекор по чекор, заедно градиме поубава и модерна Дебрца!
По цели две години празни ветувања и мачење на граѓаните да патуваат со километри за еден леб, ставаме крај на изолацијата – со конкретна акција на терен започнавме со комплетно уредување на простор за нов маркет во село Лешани!
Доста беше само зборување, Општина Дебрца премина на дела и со силна финансиска инјекција од 10.000 денари субвенција секој месец директно ги мотивира претприемачите да инвестираат и да отвораат нови дуќани во нашите села!
Пронајдовме модел, создадовме услови и веднаш по завршување на градежните работи распишуваме јавен повик за закуп за сите кои сакаат да работат, докажувајќи на дело дека општината е вистински, силен партнер кој работи исклучиво за интерес на својот народ! 
Macedonian
Albanian
Dutch
English
French
German
Greek
Polish
Serbian
Turkish