Jun 29, 2026
Иднината ја градиме заедно – со визија, знаење и храброст!
Денес во салата на Општина Дебрца имав извонредна средба со младите од иницијативата „За доброто на Дебрца“. Кога младите преземаат одговорност, резултатот не е само дебата, туку јасен план за акција.
Заедно со Вахид Мемед и младинскиот лидер Ивана Левеска, ги мапиравме клучните столбови на кои силно ќе работиме:
Остануваме дома – Создаваме реални услови за младите луѓе да ја градат својата иднина овде, во Дебрца.
Туризам со полн капацитет – Координаторот Билјана Стефаноска ги презентираше нашите неискористени потенцијали кои ќе ги претвориме во нови економски шанси.
Развој преку лесна индустрија – Инвестираме во одржливи проекти како силна поддршка за локалната економија.
Дебрца „Чувар на природата“ – Секој економски прогрес мора и ќе оди рака под рака со еколошката одговорност.
Вратите на општината се секогаш отворени за вакви иницијативи. Како градоначалник, младите идеи за мене се врвен приоритет и секогаш ќе ја имаат мојата максимална институционална поддршка.
Не зборуваме само за проблеми – создаваме конкретни решенија за подобра иднина на нашиот заеднички дом!
Активноста е реализирана во рамки на проектот „Youth-4-Democracy Laboratory“, имплементиран од Здружението за меѓународна младинска соработка ИНТЕРАКТИВ – Битола, со поддршка од National Endowment for Democracy.
Jun 5, 2026
Работиме неуморно низ целата општина: Денешниот фокус е на Злести!
Денес завршивме уште еден важен дел од нашиот годишен план за асфалтирање.
Комплетно е реконструирана главната улица во село Злести, на потегот од сретселото до крстосницата за Белчишта и Лешани.
Со оваа инвестиција значително ја подобруваме патната инфраструктура, придонесувајќи за поголема безбедност во сообраќајот и полесно секојдневие на мештаните.
Продолжуваме посветено да работиме на терен и да ги исполнуваме барањата на граѓаните.
Чекор по чекор, заедно градиме поубава и модерна Дебрца!
Jun 4, 2026
Заедно со министерот за култура и туризам, Зоран Љутков, и директорот на НУ Завод за заштита на спомениците на културата и Музеј – Охрид, Горан Патчев, го посетивме идниот промотивно-изложбен центар во с. Требеништа, со цел согледување на можностите за негов развој и унапредување.
Центарот ќе има значајна улога во презентацијата и промоцијата на богатото културно-историско наследство на Општина Дебрца, придонесувајќи за негова поголема видливост, зачувување и афирмација.
Jun 3, 2026
Денеска ми претставуваше особена чест и задоволство во работна посета на Општина Дебрца да ги пречекам министерот за култура и туризам, Зоран Љутков, и директорот на НУ Завод за заштита на спомениците на културата и Музеј – Охрид, Горан Патчев.
На остварената средба разговаравме за огромниот културен и туристички потенцијал што го поседува нашиот регион.
Посебен акцент ставивме на проектот за изградба на културно-изложбен центар во с. Требеништа, кој значително ќе придонесе за промоција на локалното наследство и развојот на туризмот.
Заедно со гостите го посетивме и Изложбениот центар за Белчишко Блато во Белчишта, простор кој на уникатен начин ги претставува богатствата на флората, фауната и нашето природното наследство.
Работната посета ја продолживме со посета на Интернационалната ликовна колонија „Дебрца“ во Белчишта, која минатата година одбележа 40-годишен јубилеј и е една од најстарите и најзначајните ликовни колонии во Македонија.
Горди сме на оваа културна манифестација која со децении го збогатува уметничкото наследство на Дебрца, а соработката и поддршката од овие институции ни е од огромно значење.
Инвестициите во културата и туризмот се вистински инвестиции во иднината!
Jun 3, 2026
Известување до жители на с.Мешеишта
Поради предизвикан дефект на главната водоводна цевка од страна на изведувачи при изградба на автопатот, ќе има прекин на водоснабдувањето денес ( 03.06.2026 година) од 16 часот до санирањето на дефектот.
ЈП за комунална дејност Дебрца
Macedonian
Albanian
Dutch
English
French
German
Greek
Polish
Serbian
Turkish