Упатство за имателите на недвижни културни добра во Охридскиот регион – Светско наследство на УНЕСКО

Jan 15, 2024

Ве информриаме дека Управата за заштита на културното наследство согласно мерките за рехабилитација содржани во Стратегискиот план за рехабилитација на природното и културното наследство на Охридскиот регион и Заклучокот од Сто осумдедест и седмата седница на Владата на Република Северна Македонија (бр. 41-9086/4 од 26 септември 2023 год.), изработи ,,Упатство за имателите на недвижни културни добра во Охридскиот регион – Светско наследство на УНЕСКО“,  достапно за слободно преземање во електронска форма од  веб-страна на Управта за заштита на културното наследство: https://bit.ly/41UWkEg

На следниот линк може да пристапите до Соопштението за јавноста за изготвување на Упатството: https://bit.ly/3RU49p5 

Како локална самоуправа која се наоѓа во границите на заштитениот  регион, упатуваме на можноста да извршите информирање за Упатството кое е прикачено на  официјална веб-страна на Управта за заштита на културното наследство со цел поголема достапност и преземање од страна на секој заинтересиран чинител. На тој начин навремено ќе ги информираме и ќе им помогнеме на имателите на недвижни културни добра во навигацијата низ законските обврски пред да преземат каква било интервенција врз заштитените добра.

Божиќна честитка на градоначалникот Ногачески

Jan 6, 2024

Почитувани сограѓани, православни христијани,

Божик-Христовото раѓање е најрадосниот ден во христијанството, величествен ден за човештвото, ден кога се здогледа големиот сјај и се означи зачетокот на славењето на љубовта кон Бога.

Божик е празник на мирот и празник на радоста.

Господ Исус Христос при една прилика им порача на своите апостоли: „Мир ви испраќам од небото“.

Тој Мир посакувам да се всели во срцата и душите на сите Нас, да ги посети сите наши домови и тој Мир да ни даде сила во деновите кои доаѓаат, за да се справиме со сите искушенија и нека празникот на Христовото раѓање биде водилка за сите Нас, на патот на меѓусебното почитување, толеранција , љубов и разбирање.

Со желби, радоста на Божик Ви донесе среќа и благосостојба во Вашите домови и ги огрее срцата на сите луѓе со добра волја, Ве поздравувам со радосниот поздрав :

Мир Божји – Христос се роди!