Select Page
Посета на општина Дебрца од страна на учесницте во проектот Fast Forward – младинска размена од Еразмус проект

Посета на општина Дебрца од страна на учесницте во проектот Fast Forward – младинска размена од Еразмус проект

Dec 4, 2024

Во текот на Вчерашниот ден во посета на Општина Дебрца беа учесниците во Еразмус проектот наречен Fast Forward, каде што особен акцент се става на целите на одржливоста и климатските промени.

Учесниците  беа од повеќе земји како: Македонија, Албанија,Косово, Босна и Шпанија.

Учеснците беа во посета на Белчишкото блато (Сини Вирој), Општина Дебрца и Изложбениот центар на Белчишкото блато.

Учесниците беа примени од страна на Градоначалникот Зоран Ногачески каде ја истакна заложбата на Општината за зачувување на Белчишкото Блато (Сини Вирој) како и негово прогласување за парк на природата и преземените активности на општината за промоција на истото, како и можностите за зголемен Економски развој од еко-туризмот.

Во училишната зграда во село Оровник во тек е монтирање на централно топловодно греење

Во училишната зграда во село Оровник во тек е монтирање на централно топловодно греење

Dec 3, 2024

Во училишната зграда во село Оровник во тек е монтирање на централно топловодно греење.

Ќе биде монтирана топлинска пумпа 34 kW и 21 челични панелни радијатори.

Средствата се обезбедени од Буџетот на општината за 2024 година, Програма за основно образование, средства од сметката на ООУ Дебрца.

Претходно со топловодно греење беа обезбедени училиштата во село Мешеишта и село Требеништа.

Со ваквите проекти ги подобруваме условите за учење не само на сегашните,туку и на идните генерации.

 

ОДОБРЕНА ЕДНОКРАТНА ФИНАНСИСКА ПОМОШ ЗА ЛЕКУВАЊЕ НА МАЛАТА ТЕОДОРА

ОДОБРЕНА ЕДНОКРАТНА ФИНАНСИСКА ПОМОШ ЗА ЛЕКУВАЊЕ НА МАЛАТА ТЕОДОРА

Nov 28, 2024

На Вчерашната седница на советот на општина Дебрца беа усвоени дополнувањата на Правилникот за доделување на еднократна парична помош, со што се создаде можност на предлог на Комисијата за финансирање и буџет градоначалникот на општината да донесе решение за доделување на еднократна парична помош, во износ од 30.000 денари, за лекувањето на малата Теодора Петреска.

Посакуваме Теодора да се излекува и да биде како сите други дечиња, да има среќно и безгрижно детство.

Завршена е првата фаза од уредувањето на детското рекреативно катче, кај селската чешма во Оровник

Завршена е првата фаза од уредувањето на детското рекреативно катче, кај селската чешма во Оровник

Nov 27, 2024

Во село Оровник завршена е првата фаза од уредувањето на детското рекреативно катче, кај селската чешма.

Во оваа фаза се изврши заградување на просторот со нова метална ограда,поставување на летниковец,санација на постојните клупи ,поставување на детски реквизит-клацкалица и поставување на 6 канделабри за јавно осветлување.

Во втората фаза,за која тендерската постапка е завршена наместо песокот поставен кај детските играчки, ќе се постави бетонска основа,на која ќе има слој од гумена подлога,во површина од 50 м2,а дополнително ќе се постави уште една детска играчка-лизгалка,поставување на камени плочи на влезните скали,корпи за отпадоци и засадување на садници.

Средствата се обезбедени од Буџетот на општината за 2024 година.

 

ВКЛУЧИ СЕ – ГРАЃАНСКИ БУЏЕТ 2025

ВКЛУЧИ СЕ – ГРАЃАНСКИ БУЏЕТ 2025

Nov 15, 2024

Почитувани граѓани,

 

Општина Дебрца го започнува процесот на креирање на новиот Буџет за 2025 година.

Партиципативното буџетирање и вклучувањето на граѓаните и граѓанските организации при креирање на Буџетот е наш приоритет.

Ве повикуваме да се вклучите, со вашите идеи, предлози и сугестии, пополнувајќи го соодветниот формулар во прилог на овој текст.

Посочете ги клучните проблеми и предлози за вашата месна заедница, со цел, локалната самоуправа да добие појасна претстава за потребите на граѓаните во сите месни заедници.

Во рамките на процесот ќе биде одржан и отворен ден (25/11/2024, Понеделник) со почеток во 10:00 часот во сала на совет на Општина Дебрца, каде  поканети се сите граѓани на општина Дебрца, да дадат свој предлог, идеа, мислење.

Секој пополнет формулар и секоја идеа ќе биде темелно прегледан од нашите вработени и предлозите за нови проекти ќе бидат земени во предвид при креирање на буџетските програми и Буџетот за 2025 година.

ВКЛУЧИ СЕ – ГРАЃАНСКИ БУЏЕТ ДЕБРЦА 2026

    Ве молиме изберете во која област припаѓа вашиот предлог/идеја.
  • Ве молиме во кратки црти објаснете ја вашата предлог идеја/проект
  • Доколку сакате нашите служби да ве контактираат, ве молиме оставете ваш контакт број.
  • Доколку сакате нашите служби да ве контактираат, ве молиме оставете ваша е-маил адреса

Тимот на проектот “ЕУ поддршка за Граѓанскиот ресурсен центар” организира отворен ден со граѓаните и граѓанските организации во општина Дебрца

Тимот на проектот “ЕУ поддршка за Граѓанскиот ресурсен центар” организира отворен ден со граѓаните и граѓанските организации во општина Дебрца

Nov 12, 2024

Почитувани,

 

Тимот на проектот “ЕУ поддршка за Граѓанскиот ресурсен центар” организира отворен ден со граѓаните и граѓанските организации  во општина Дебрца на 19ти ноември 2024 година со почеток во 11:00 часот, во просториите на Општина Дебрца.  Оваа средба, која што е дел од Мобилниот ресурсен центар, планирано е да трае околу 1 час.

Целта на средбата е да се информираат локалните организации за актуелните случувања на национално ниво за развој на граѓанското општество, можностите за финансирање и јакнење на граѓанските организации, можностите што ги нуди Граѓанскиот ресурсен центар, ЕУ агендата и други теми и прашања кои се од интерес за функционирањето на организациите на локално ниво. Покрај граѓанските организации на настанот поканети се и претставници на општинската администрација, млади активисти и волонтери и претставници на бизнис заедницата што соработуваат со граѓанските организации.

Ве молиме да го потврдите вашето учество на: marija@adi.org.mk и/или 071 865-053.

Проектот ЕУ поддршка за Граѓански ресурсен центар – фаза 2 е финансиран од Европската Унија а го спроведува Фондацијата Граѓански ресурсен центар, Македонски центар за меѓународна соработка, Асоцијација за демократски иницијативи од Гостивар и Медиа плус, Штип.

 

Со почит,

Тимот на Граѓански ресурсен центар

mk Macedonian
sq Albaniannl Dutchen Englishfr Frenchde Germanel Greekmk Macedonianpl Polishsr Serbiantr Turkish
Accessibility by WAH