Животна Средина Archives - Page 29 of 34

Проектот „Подобрување на конзервацијата на приоритетните растенија во меѓу-граничната област – CONSE PP“ во финалната фаза на имплементација

Dec 21, 2020

Назив на проект: Подобрување на конзервацијата на приоритетните растенија во меѓу-граничната област – CONSE PP

Партнери во проектот: Општина Дебрца, Јавно претпријатие за управување и заштита на повеќенаменска област – ЈАСЕН, Факултет за шумарски науки, пејзажна архитектура и екоинженеринг – ХАНС ЕМ, Универзитет Св. Кирил и Методиј во Скопје

Проектот е кофинансиран од Европска Унија и Националните фондиви на земјите кои учествуваат во програмата Interreg IPA CBC Programme “Greece – Republic of North Macedonia 2014- 2020”

Со гордост изјавуваме дека проектот „Подобрување на конзервацијата на приоритетните растенија во меѓу-граничната област – CONSE PP“ влегува во финалната фаза на имплементација. Главната цел на проектот е Заштита и конзервација на загрозени и автохтони видови флора во меѓу-граничната област, која ќе биде постигната преку приоритизација и конзервација на загрозените видови флора, развивање на структури за конзервација вклучувајќи и дигитални апликации и инфраструктури, како и подигнување на свеста со цел пошироко разбирање на важноста на одделните видови флора и нивниот биодиверзитет. Во овој контекст, проектот објавува дека Општината Дебрца е во финална фаза на реконструкција на изложбен центар за презентирање на локалната флора околу Белчишкото Блато (слика 1), Јавното претпријатие за управување и заштита на повеќенаменска област – ЈАСЕН имплементираше систем за рана детекција на пожар со цел рана превенција на пожари и заштита на биодиверзитетот (слика 2), додека пак експертите од Факултетот за шумарски науки, пејзажна архитектура и екоинженеринг – ХАНС ЕМ, собраа повеќе од 114 растителни видови и ги подготвија за понатамошна пропагација (слика 3). Сите овие активности се дел од развивањето на мерки за конзервација и конзервациски инфраструктури со цел заштита на биодиверзитетот во меѓу-граничната област.

Градоначалникот Ногачески одржа јавна презентација на предлог програмите и буџетот за 2021 година

Dec 11, 2020

Почитувани граѓани,

Тргнувајќи од мојата заложба во изминативе три години од мандатот, за подигнување на нивото на транспарентност во работата на Општина Дебрца и со цел вие да станете активни чинители и активно да се вклучите во дебати кои директно влијаат на вашите индивидуални, групни и колективни интереси, оваа година поради Ковид 19 кризата одлучивме предлог програмите и предлог-буџетот на Општина Дебрца за 2021 година да го презентираме online преку платформите ZООМ и Facebook.

Презентацијата се одржа во четврток (10.12.2020 година) со почеток во 11:00 часот.

Вашите разумни предлози беа земени предвид, ќе се разгледаат и според можностите ќе бидат внесени во предлог-буџетот на Општината за 2021 година, кој ќе биде доставен до Советот на Општина Дебрца за усвојување.

Со почит,

Зоран Ногачески

Градоначалник на Општина Дебрца

https://www.facebook.com/nogaceskizoran/videos/197857208622600/

Врачени првите решенија за регистрација на фотоволтаични соларни системи преку проектот (МСИП)

Nov 1, 2020

Во Општина Дебрца, Директорот на АЕРСМ, г-дин Нехри Емрула ги предаде првите решенија за регистрација на фотоволтаични соларни системи кој се реализира преку Министерството за финансии со грант средства од Европската комисија во рамките на ИПА фондот за рурални инвестиции на Европската комисија за реконструкција и развој за Проектот за подобрување на општинските услугите (МСИП) и дел од добиените средства од овој грант ги искористи за: Проектирање и изградба на фотоволтаични соларни системи во рурални општини.

Решенијата ги примија Градоначалникот на Општина Дебарца, г-дин Зоран Ногачески и Директорката на ОУ Дебарца с. Белчишта, г-ѓa Билјана Славевска.

Успешно реализирана јавната расправа за “Проектот за поврзување на локални патишта во РСМ”

Oct 1, 2020

Со цел презентирање на главните наоди од подготвениот документ “План за управување со животната средина и социјалните аспекти”, како и запознавање со проектните активности Министерството за транспорт и врски заедно со Општина Дебрца организираа јавна расправа која поради ситуацијата со COVID 19 успешно се одржа преку видео конференција на ден 01 Октомври (четврток) 2020 со почеток во 10.00 часот.

Во рамки на “Проектот за поврзување на локални патишта во РСМ” кој се реализира од Министерството за транспорт и врски со финансиска поддршка од Светска Банка, а со цел подобрување на локалната патна инфраструктура, Општина Дебрца аплицираше со проект за надградба на локален пат од н.м. Злести до н.м. Белчишта (Секција 1 и 2), Општина Дебрца.

Согласно барањата на Светска Банка беше подготвен документ “План за управување со животната средина и социјалните аспекти” во кој се анализирани влијанијата врз животната средина и социјалните аспекти кои ќе произлезат од реализацијата на проектот.

Документот “План за управување со животната средина и социјалните аспекти” беѓе ставен на јавен увид на веб страните на: Министерството за транспорт и врски (http://www.mtc.gov.mk) и на Општина Дебрца (https://debrca.gov.mk/) на 24 Септември 2020.

Сите заинтересирани странки имаа можност своите коментари да ги достават во рок од 14 дена од поставување на документот на веб страна.

Градоначалникот Ногачески упати благодарност до сите присутни на состанокот, особено честитка за одличната организација до Министерството за транспорт и со поддршка од Светска Банка.

ИЗВЕСТУВАЊЕ за достапност на документ и одржување на јавна расправа/видео консултација

Sep 24, 2020

Во рамки на “Проектот за поврзување на локални патишта во РСМ” кој се реализира од Министерството за транспорт и врски со финансиска поддршка од Светска Банка, а со цел подобрување на локалната патна инфраструктура, Општина Дебрца аплицираше со проект за надградба на локален пат од н.м. Злести до н.м. Белчишта (Секција 1 и 2), Општина Дебрца.

Согласно барањата на Светска Банка беше подготвен документ “План за управување со животната средина и социјалните аспекти” во кој се анализирани влијанијата врз животната средина и социјалните аспекти кои ќе произлезат од реализацијата на проектот.

Документот “План за управување со животната средина и социјалните аспекти” ќе биде ставен на јавен увид на веб страните на: Министерството за транспорт и врски (http://www.mtc.gov.mk) и на Општина Дебрца (https://debrca.gov.mk/) на 24 Септември 2020.

Вашите коментари може да ги доставите во рок од 14 дена од поставување на документот на веб страна.

Со цел презентирање на главните наоди од подготвениот документ “План за управување со животната средина и социјалните аспекти”, како и запознавање со проектните активности Министерството за транспорт и врски заедно со Општина Дебрца ќе организираат јавна расправа која поради ситуацијата со COVID 19 ќе се одвива преку видео конференција на ден 01 Октомври (четврток) 2020 со почеток во 10.00 часот.

Сите заинтересирани лица нека достават барање за учество по е-маил на следнава адреса: irena.paunovikj.piu@mtc.gov.mk најкасно до 30 Септември (среда) 2020, до 15.00 часот. Ве молиме да се регистрирате/поврзете на линкот кој ќе Ви биде доставен на вашата е-маил адреса за учество на настанот. Ве молиме да се регистрирате/поврзете на линкот кој ќе Ви биде доставен за учество на настанот.

Министерството за транспорт и врски

Дневен Ред

Формулар за коментар

ЕСМП - EN

ЕСМП - MKD

Потпишан Меморандумот за соработка на проектот: “ Зачувување на Белчишко Блато со ангажирање на општина Дебрца и локални чинители

Aug 7, 2020

Успешната соработка со Здружението за екологија и туризам “Екотуризам 2016”, Охрид продолжува.

Денес проектниот координатор Ѓоко Зороски и градоначалникот Зоран Ногачески го потпишааа Меморандумот за соработка на проектот: “ Зачувување на Белчишко Блато со ангажирање на општина Дебрца и локални чинители”, финансиран од Критичниот еколошки партнерски фонд ( Critical Ekosystem Partnership Fund-CEPF ).

Во рамките на проектот ќе се изготви Студија за валоризација на природните и социо-економските вредности на Белчишкото Блато, поставување на туристичка инфраструктура и организирање на обуки и настани за подигнување на свеста за заштита на Белчишкото Блато.

Крајната цел е отпочнување на постапка за прогласување на Белчишкото Блато за заштитено подрачје.