May 8, 2026
Општина Дебрца, ЈКП ,Дебрца” и ООУ ,,Дебрца” успешно ја спроведоа акцијата ГЕНЕРАЛКА ВИКЕНД, за собирање и чистење на отпад Во организација на “МЕН EНД МАУНТЕН.
Aкција се одржа во Училишниот двор на ООУ,, Дебрца”- село Белчишта, Административната зграда на Општина Дебрца и изложбениот центар на Белчишко Блато, група составена од Учениците на ООУ,, Дебрца” Наставниците техничкиот пероснал на ООУ,,Дебрца” и Дел од Аминистрацијата на Општина Дебрца заеднички пристапија на чистење на центарот во село Белчишта, полигонот за спорт, училишниот двор како и паркот пред училишниот двор на ООУ ,, Дебрца” и паркот пред изложбениот центар за ,,Белчишко Блато”.
Учениците соодветно го собираа одпадот со што воедно се запознаа и со можностите за негова селекција.
Собраниот одпад е соодветно складиран и истиот ќе биде подигнат од страна на ЈКП ,, Дебрца “ и соодветно депониран.
Општината и понаката ќе ги подржува ваквите акции бидеќи Грижата за животната средина е наша обврска !!!.
May 6, 2026
Се известуваат граѓаните дека патниот правец на релација с.Мешеишта – с.Волино и обратно, привремено ќе биде затворен за сообраќај поради поставување на електричен кабел и изведување на градежни работи.
Затворањето ќе се изврши на 07.05.2026 година се до завршување на работите, во временски интервал од 9:00 часот до 17:00 часот
Се замолуваат сите учесници во сообраќајот да ги користат алтернативните патни правци и да ја почитуваат поставената сообраќајна сигнализација.
Ви благодариме за Разбирањето
Општина Дебрца
May 5, 2026
Книга за секое дете, сталак за секоја нота – ја градиме иднината преку знаење и уметност во Општина Дебарца.
Денес присуствував на значајна донаторска акција во Основното училиште во с. Белчишта, каде што под еден покрив се споија литературата, музиката и образованието.
Во духот на соработка, СОС Балкан Медија Охрид и д-р Лили Бошевска донираа вредни материјали за нашите ученици и наставници.
Особено ме радува што хорот при училиштето доби 10 професионални сталаци за петолиние, со што директно се поддржува музичкото образование.
Училиштето беше збогатено и со значајна колекција книги од авторката, наменети за учениците, наставниците и библиотеката.
Заедно со присутните ја истакнавме важноста од континуирано вложување во образованието и културниот развој.
Како градоначалник, останувам посветен на поддршка на вакви иницијативи кои носат вистинска вредност за младите.
Верувам дека ваквите дела се доказ дека заедницата расте кога знаењето и уметноста имаат свое место во секое училиште.
„Книгата е прозорец кон светот, а музиката е јазикот со кој тој свет пее.“
Apr 30, 2026
Денес во месноста Српница оддадовме почит и положивме цвеќе во спомен на паднатите борци и невини жртви од трагичните настани.
Со длабока почит се поклонивме пред нивната жртва – жртва вградена во темелите на нашата слобода и нашата државност. Српница засекогаш ќе остане симбол на непокорот, храброста и достоинството на Дебрца.
Настанот беше достоинствено одбележан и збогатен со настапот на оркестарот при ОУ Дебрца, кој даде посебна тежина и емоција на овој чин на сеќавање.
Нашата обврска е да паметиме и да го чуваме споменот на хероите, но и да продолжиме да ја градиме и развиваме Дебрца со истата љубов и посветеност со која тие ја бранеа.
Нека им е вечна слава на паднатите борци и жртвите од Српница!
Apr 28, 2026
Се известуваат жителите на село Требеништа, Волино и Мешеишта и сите учесници во сообраќајот дека поради воспоставување на автопатско решение прилазите, односно влезовите и излезите од селата кои се приклучуваат на автопатот Охрид–Кичево,почнуваќи од 29.04.2026 година се затвораат за сообраќај.
Се замолуваат жителите и сите возачи, за пристап до селата да го користат алернативниот пат кој води на клучката „Аеродром“ како единствена сообраќајна врска.
Се апелира до сите учесници во сообраќајот да ја почитуваат новата сообраќајна сигнализација.
Ви благодариме за разбирањето.
Apr 27, 2026
Врз основа на член 39 став 2 од Законот за локалната самоуправа (“Службен весник на РМ”, број 5/2002) и член 22, став 2 од Статутот на општината Дебрца (“Службен гласник на општината Дебрца”, број 3/2005), донесувам:
Р Е Ш Е Н И Е
за свикување на 11-та седница на Советот на општината Дебрца
Ја свикувам 11–та седница на Советот на општината Дебрца. Седницата ќе се одржи на ден 30.04.2026 година (четврток) , со почеток во 13.00 часот, салата за седници на Советот на општината Дебрца.
За седницата се предлага следниот:
Д Н Е В Е Н Р Е Д
- Усвојување на записник од 9-та седница на Советот на општина Дебрца
- Усвојување на записник од 10-та седница на Советот на општина Дебрца
- Предлог – Одлука за усвојување на Годишниот извештај за реализација на Програмата за развој на Југозападниот плански регион за 2025 година
- Предлог – Одлука за усвојување на Завршни сметки за 2025 година за Центарот за развој на Југозападен плански регион и шест сметки за реализираните проекти во 2025 година
- Предлог – Годишна програма за изменување на Годишната програма за развој на спортот во општина Дебрца за 2026 година
- Предлог – Одлука за престанок на важење на Одлуката за утврдување на висината на надоместокот на претседателот на комисијата за процена и утврдување на висината на штета настаната од природни непогоди, епидемии, епизотии, епифитотии и други несреќи во општина Дебрца
- Предлог – Одлука за утврдување на висината на надоместокот на членовите на комисијата за процена и утврдување на висината на штета настаната од природни непогоди, епидемии, епизотии, епифитотии и други несреќи во општина Дебрца, кои не се од редот на административните службеници во општинската администрација
- Предлог – Статутарна Одлука за изменување на Статутот на општина Дебрца
- Предлог – Одлука за спроведување на постапка за јавно наддавање за издавање под закуп на планинска куќа с.Брежани
СОВЕТ НА ОПШТИНА ДЕБРЦА
Претседател,
Иван Стрезоски
Macedonian
Albanian
Dutch
English
French
German
Greek
Polish
Serbian
Turkish