Jan 9, 2026
Вчера, заедно со екипите на ЈКП Дебрца и Општина Дебрца, бев на терен до доцните вечерни часови и лично ја следев состојбата на критичните локации.
Поради обилните врнежи, беа детектирани повеќе точки кои претставуваа сериозна опасност од поплави и загрозување на имотот и безбедноста на граѓаните.
Со навремена реакција и координиран ангажман, сите критични точки се успешно стабилизирани и ставени под контрола.
Екипите на ЈКП Дебрца и Општина Дебрца работеа неуморно и одговорно до доцна синоќа за да се надминат настанатите проблеми.
Благодарност до сите вклучени служби и работници за нивната посветеност, професионалност и пожртвуваност.
Ќе продолжиме со постојан мониторинг на состојбата и со навремено преземање мерки со цел целосна заштита и сигурност на нашата општина.
Dec 31, 2025
На дел од жителите во с. Мешеишта им обезбедивме полесен пристап до дома, со што конечно се надминува проблем кој со години наназад им го отежнуваше секојдневното движење, особено во врнежливи денови и во зимскиот период.
Иако се работи за само двајца жители, за нас тоа не е „само бројка“, туку човечки потреби и достоинствен живот.
Како Општина Дебрца, наша обврска е да создадеме подобри услови за секој жител, без исклучоци и без разлика каде живее.
Продолжуваме посветено да работиме и да одговараме на реалните потреби на граѓаните.
Ги повикуваме жителите да продолжат да ги споделуваат своите проблеми и предлози.
Секој жител за нас е важен.
Dec 30, 2025
ЈП за комунална дејност “Дебрца” ги известува жителите на населените места Белчишта, Долно Средорече, Лешани и Велмеј дека поради неработниот ден 06.01.2026 Вторник (Бадник), комуналниот отпад ќе се подигне во Четврток на 08.01.2026г.
JП за комунална дејност “Дебрца” ги известува жителите на населените места Требеништа и Волино дека поради неработниот ден 07.01.2026 Среда (Божиќ), комуналниот отпад ќе се подигне во Петок на 09.01.2026г.
Dec 30, 2025
ЈП за комунална дејност “Дебрца” ги известува жителите на населените места Мешеишта и Климештани дека поради неработниот ден 01.01.2026 Четврток (Нова Година), комуналниот отпад ќе се подигне наредниот ден во Петок на 02.01.2026 година.
Dec 30, 2025
Се известуваат граѓаните дека Општина Дебрца на ден: 02.01.2026 и 05.01.2026 година нема да работи , поради спојување на верските празници.
Работата со странки ќе продолжи на: 08.01.2026 година.
Ви благодариме на разбирањето.
Општина Дебрца
Градоначалник,
Златко Силјаноски
Dec 30, 2025
Градоначалникот Златко Сиљаноски присуствуваше на предновогодишната приредба во централното училиште во с. Белчишта.
Во прекрасна празнична атмосфера, учениците и наставниците ни приредија исклучително убава и разиграна програма – со песна, рецитации, глума и многу детска радост.
Посебен впечаток остави и новогодишниот базар со креативни изработки, подготвени од учениците на предновогодишните работилници – доказ за нивната вредност, трудољубивост и талент.
Им благодарам на наставниците, учениците и родителите за поканата и топлиот пречек. На сите им посакувам многу здравје, радост и успех во Новата 2026 година!
Општина Дебрца секогаш ќе стои зад образованието и младите.
Macedonian
Albanian
Dutch
English
French
German
Greek
Polish
Serbian
Turkish