Jan 21, 2026
Почитувани сограѓани на Општина Дебрца, сакам да Ве известам дека општината е целосно исчистена од снежната покривка што нè затекна изминатата ноќ.
Уште од 3 часот наутро екипите беа на терен – подготвени, организирани и на нозе, како што доликува.
На осојничавите и критични места е фрлена сол и ризла, за поголема безбедност на патиштата.
Сепак, поради ниските температури, апелирам до сите граѓани да користат зимски гуми и да возат со прилагодена брзина.
Да се чуваме еден со друг – со малку внимание, зимата полесно се минува!
Jan 12, 2026
Завршен Базенот во с. Песочани, иако времето не нè послужи – ама кога се сака, сè се може.
Ни дожд, ни студ, ни лошо време не нè сопре да го довршиме започнатото. Оваа година, Светиот Крст во Песочани ќе се фрла во новиот базен.
Што сме ветиле – тоа и го правиме, зборот си е збор.
Кај нас нема „утре“ – се работи и делник и викенд, кога треба и како треба.
Продолжуваме понатаму со работа, уште многу работи нè чекаат.
Нека е за многу години – спремни сме за Водици во Песочани!
Jan 10, 2026
Поради обилните врнежи од дожд, денес повторно се интервенираше на критични места каде што имаше излевање на неколку речни корита.
Од денес воспоставуваме дежурство 24/7 со целокупната механизација со која располагаме, со цел навремено да го заштитиме имотот и безбедноста на граѓаните од поплави и слични појави.
Секаде каде што ќе се појави опасност, граѓаните да нѐ контактираат веднаш.
Контакт телефони:
078 822 122 – Златко Сиљаноски
071 334 801 – Иван Стрезоски
Jan 9, 2026
Вчера, заедно со екипите на ЈКП Дебрца и Општина Дебрца, бев на терен до доцните вечерни часови и лично ја следев состојбата на критичните локации.
Поради обилните врнежи, беа детектирани повеќе точки кои претставуваа сериозна опасност од поплави и загрозување на имотот и безбедноста на граѓаните.
Со навремена реакција и координиран ангажман, сите критични точки се успешно стабилизирани и ставени под контрола.
Екипите на ЈКП Дебрца и Општина Дебрца работеа неуморно и одговорно до доцна синоќа за да се надминат настанатите проблеми.
Благодарност до сите вклучени служби и работници за нивната посветеност, професионалност и пожртвуваност.
Ќе продолжиме со постојан мониторинг на состојбата и со навремено преземање мерки со цел целосна заштита и сигурност на нашата општина.
Dec 31, 2025
На дел од жителите во с. Мешеишта им обезбедивме полесен пристап до дома, со што конечно се надминува проблем кој со години наназад им го отежнуваше секојдневното движење, особено во врнежливи денови и во зимскиот период.
Иако се работи за само двајца жители, за нас тоа не е „само бројка“, туку човечки потреби и достоинствен живот.
Како Општина Дебрца, наша обврска е да создадеме подобри услови за секој жител, без исклучоци и без разлика каде живее.
Продолжуваме посветено да работиме и да одговараме на реалните потреби на граѓаните.
Ги повикуваме жителите да продолжат да ги споделуваат своите проблеми и предлози.
Секој жител за нас е важен.
Dec 29, 2025
Пробиен е патот до црквата „Св. Атанасиј“ во с. Лешани со сопствена механизација на Општина Дебрца, овој пат беше долгогодишно барање на жителите на с. Лешани и значително ќе го олесни пристапот до црквата.
Нашата цел е рационално и домаќинско управување со буџетските средства, со што директно се заштедуваат средства на граѓаните.
Продолжуваме со посветена работа во интерес на сите населени места во општина Дебрца.
Macedonian
Albanian
Dutch
English
French
German
Greek
Polish
Serbian
Turkish