Select Page
Започна санацијата на колекторскиот систем на Охридското езеро

Започна санацијата на колекторскиот систем на Охридското езеро

Денес во Охрид градоначалникот  Зоран  Ногачески присуствуваше на пригодната свеченост, со која беше означен почетокот на работните активности за санација на Колекторскиот систем на Охридското Езеро.

Со санацијата на Колекторскиот систем се исполнува една од најважните препораки на Комитетот за заштита на светско културно и природно наследство на УНЕСКО и претставува значаен чекор во заложбите за зачувување на статусот на светско природно наследство кој го поседува овој регион.

Санацијата на Колекторскиот систем е од особено значање и за граѓаните на Дебрца, бидејќи изградените фекалните канализации во село Мешеишта, село Горенци, село Оровник, фекалната канализација во село Волино, која е во изградба и фекалните канализации кои треба да ги изградиме во наредниот период за селата Климештани и Требеништа како рецепиент ( ќе ) го користат Колекторскиот систем.

Проект за подобрување на општинските услуги (MSIP)

Проект за подобрување на општинските услуги (MSIP)

Република Северна Македонија

 

Проект за подобрување на општинските услуги (MSIP)

 

 MSIP-SHMUN-DEB-01-19

  1. Овој Повик за поднесување на понуди ја следи општата објава за набавки за овој проект објавена во изданието на UN Development Business со бр. 767 од 31 јануари, 2010 година (печатено издание) и електронски објавена на 06 јануари, 2010 година.

Република Северна Македонија доби грант средства од Европската комисија во рамките на ИПА фондот за рурални инвестиции на Европската комисија за реконструкција и развој за Проектот за подобрување на општински услугите (МСИП) и има намера дел од добиените средства од овој кредит да ги искористи за плаќања по договор за: Подобрување на општинските услуги преку набавка на нова IT опрема

  1. Општина Дебрца ги повикува соодветните и квалификувани Понудувачи за набавка на добра – IT опрема да ги достават своите запечатени понуди.

  1. Поднесувањето понуди ќе се спроведе преку процедури за купување како што е специфицирано во Упатството на Светска банка: Набавка со средства добиени од IBRD заеми и IDA кредити од јануари 2011 година, и е отворен за сите Понудувачи од квалификуваните држави како што е дефинирано во тендерската документација.

  1. Заинтересираните Понудувачи може да добијат дополнителни информации на наведената адреса од 08:00 до 16:00 часот.

Општина Дебрца

Адреса: с. Белчишта бб, 6344

До:  Ангел Секулоски

e-mail: asekuloski@gmail.com

Тел: +38946286855; +38978236060

  1. Заинтересираните Понудувачи бесплатно ќе ја добијат комплетната тендерска документација по поднесувањето на писмена апликација на горенаведената адреса.

  1. Понудите мора да се достават на горенаведената адреса до 12:00, пладне на 30/12/2019. Електронско доставување на понуди не е дозволено. Задоцнетите понуди ќе бидат одбиени.

Градоначалник на Општина Дебрца

Зоран Ногачески

Завршува чистењето на дивата депонија кај Царо Поле

Завршува чистењето на дивата депонија кај Царо Поле

Завршуваме со чистење на најголемата депонија во општина Дебрца, просторот во м.в.”Царo Поле”, помеѓу патниот правец село Ново Село – село Белчишта и течението на реката Сатеска, кај село Ново Село. Простор на околу 8 хектари, со години деградиран со најразличен вид на отпад ( комунален, инертен и градежен шут ).

До сите граѓани апелирам да се воздржат од активности со кои ќе продолжи загадувањето на овој и сите други простори кои ќе бидат исчистени во наредниот период.

Ќе воведеме засилен инспекциски надзор и крајно против сите прекршители ќе преземеме со закон пропишани санкции.

Дебрца мора да остане чиста и незагадена, со заштитено природно наследство.

Тековна реализација на реализирани градежни зафати

Тековна реализација на реализирани градежни зафати

Во изминатиот период градежната механизација на општината и јавното комунално претпријатие секојдневно е на терен и во оваа прилика ќе потенцирам повеќе, од интерес на граѓаните, завршени активности :

– во село Белчишта, чистење на одводен канал во место викано “Чунејнца”, во должина од околу 400 метри, чистење на речното корито на Голема Река, на делниците: Манастир “Св.Атанасије” – Д.Средорече ( околу 400 метри ) и Манастир “Св.Атанасије”-селска воденица ( 500 метри ), пробивање на пристапен пат и чистење на простор кај Црква “Св.Јован” ( во изградба );

– во село Оровник, чистење и уредување на речно корито, кај новоуредениот простор во селото;

– во село Оздолени, ископ и затрпување на канал за поставување на црево за водоснабдување;

– во село Мешеишта,чистење на дива депонија во “Копрнички Дол” ;

– во село Климештани, чистење на простор кај црква “Св.Климент Охридски”;

– -во село Сливово, чистење на простор во дворно место на црква Св.”Варвара”;

– во село Црвена Вода, чистење и уредување на простор во центар на селото;

– во село Горенци, ископ и затрпување на канал за поставување на црево за водоснабдување на црква “Св.Атанасије” ( околу 350 метри );

– во село Лешани,чистење на дива депонија;
– во село Злести,чистење на дива депонија.

Интензивно се расчистуваат дивите депонии на територија на општина Дебрца

Интензивно се расчистуваат дивите депонии на територија на општина Дебрца

Општина Дебрца започнав со интензивно расчистување на дивите депонии, со што ќе бидат опфатени сите јавни простори во општината, натрупани со комунален и друг вид на отпад и градежен шут.

Започнавме со чистење на една од најголемите депонии, просторот во м.в.”Царo Поле”, помеѓу патниот правец село Ново Село – село Белчишта и течението на реката Сатеска, кај село Ново Село. Простор кој со години е деградиран со најразличен вид на отпад.
По завршувањето на чистењето на депониите ќе спроведеме широка акција за јакнење на еколошката свест на граѓаните, а потоа засилен инспекциски надзор и крајно против сите прекршители ќе преземеме со закон пропишани санкции.
Ветивме нула толеранција за дивите депонии и затоа апелирам до сите граѓани да дадеме придонес Дебрца да остане чиста и незагадена, со заштитено природно наследство. – потенцираше градоналаникот Ногачески.

 

Се реализираат низа градежни проекти низ општина Дебрца

Се реализираат низа градежни проекти низ општина Дебрца

Изминативе неколку недели па се до крајот на 2019 година, се реализираат неколку клучни градежни поректи.

Официјално започнавме со реализацијата на уште еден значаен инфраструктурен проект, со што исполнуваме уште едно дадено ветување -изградба на доводен цевковод за водоснабдување на селото Слатински Чифлик, единственото село во Дебрца кое нема водоснабдителен систем.

Проектот предвидува изградба на доводен цевковод од село Издеглавје до село Слатински Чифлик, во должина од 2586,60 метри, при што ќе бидат поставени полиетиленски водоводни цевки, PE 100 од 10 bari со DN 90, а ќе бидат изградени и шест ревизиони шахти.

Градежните работи ги изведува фирмата “Маркоски К73” ,од Струга, а средствата , во износ од 3.491.010 денари се обезбедени од Бирото за регионален развој, Програмата за финансирање на проекти за развој на подрачја со специфични развојни потреби за 2019 година.

Деновиве преку Министерството за транспорт и врски ќе биде објавен и тендерот за изградба на резервоар за водоснабдување на село Издеглавје, со што конечно ќе биде решен проблемот со водоснабдувањето на двете села.

Во Лешани по завршувањето на сезоната за наводнување продолживме со изградбата/регулацијата на канал за наводнување во должина од 500 метри.

Во Оровник работите на хортикултурното уредување на просторот кај јарболот со државното знаме влегуваат во завршна фаза.

Работиме во горниот / стариот дел на село Требеништа.
Го уредуваме просторот околу чешмата кај црквата “Св.Мартинија”.
Работиме на решавање на одводот на атмосферските води, а набргу ќе извршиме и тампонирање на патот до црквата “Св.Петка”, во должина од 1 км.

Продолжуваме да гадиме по План-от.

Големина на Фонт
Контраст