Feb 26, 2026
Општина Дебрца и градоначалникот Златко Сиљаноски се приклучуваат кон одбележувањето на 28 Февруари – Денот на ретките болести.
Со оваа симболична поддршка, Општината испраќа порака за солидарност, разбирање и инклузија на лицата кои живеат со ретки болести и нивните семејства.
Мотото на кампањата „Ретко е да си редок“ нè потсетува дека иако болестите се ретки, луѓето кои живеат со нив не се сами. Потребна е заедничка поддршка, подигнување на јавната свест и создавање општество со еднакви можности за сите.
„Редкоста не е недостаток – таа поврзува. Ретките болести нè обврзуваат како институции и како заедница да покажеме солидарност, разбирање и континуирана поддршка. Заедно градиме општество во кое секој живот е еднакво вреден, а секоја приказна заслужува внимание, грижа и надеж.“
Општина Дебрца останува посветена на промовирање на хуманост, еднаквост и грижа за секој граѓанин.
#RareDiseaseDay #РеткоЕДаСиРедок
Feb 25, 2026
Општина Дебрца ја информира јавноста дека во врска со информациите објавени на интернет порталите, поврзани со наводна пријава против наставник од ООУ „Дебрца“, од страна на училиштето е доставено писмено известување до Општината.
Согласно доставеното известување од Општинското основно училиште „Дебрца“, училиштето постапило веднаш согласно законските прописи и интерните процедури и спровело внатрешна проверка на наводите.
Врз основа на резултатите од спроведената проверка, констатирано е дека наставникот постапил правилно и професионално во сите околности.
Воедно, Општина Дебрца Ве информира дека комуникацијата со медиуми е во исклучива надлежност на раководството на училиштето.
Општина Дебрца ја следи состојбата и постапува во рамки на своите законски надлежности. Истовремено, апелираме на одговорно информирање и почитување на процедурите, со цел заштита на учениците, наставниот кадар и угледот на училиштето.
Општина Дебрца останува посветена на транспарентност, законитост и обезбедување безбедна и квалитетна воспитно-образовна средина.
Општина Дебрца
25.02.2026 година
Feb 25, 2026
Врз основа на член 39 став 2 од Законот за локалната самоуправа (“Службен весник на РМ”, број 5/2002) и член 22, став 2 од Статутот на општината Дебрца (“Службен гласник на општината Дебрца”, број 3/2005), донесувам:
Р Е Ш Е Н И Е
за свикување на 9-та седница на Советот на општината Дебрца
Ја свикувам 9–та седница на Советот на општината Дебрца. Седницата ќе се одржи на ден 27.02.2026 година (петок) , со почеток во 13.00 часот, салата за седници на Советот на општината Дебрца.
За седницата се предлага следниот:
Д Н Е В Е Н Р Е Д
- Усвојување на записник од 7-та седница на Советот на општина Дебрца
- Усвојување на записник од 8-та седница на Советот на општина Дебрца
- Предлог – Решение за именување командант, началник, помошници на началникот и помошен персонал на Штабот за заштита и спасување на општина Дебрца
- Предлог – Програма за спроведување на општите мерки за заштита на населението од заразни болести на територијата на општина Дебрца за 2026 година
- Предлог – Решение за именување член – претставник на општина Дебрца во Училишниот одбор на ОУ „Дебрца“ – Белчишта
- Предлог – Одлука за остварување на субвенции во линискиот превоз на патници, кој заеднички го организираат општина Дебрца и општина Охрид
- Предлог – Одлука за субвенционирање на Јавното претпријатие за комунална дејност „Дебрца“ – Белчишта
- Предлог – Одлука за донесување Правилник за изменување на Правилникот за критериумите и постапка за доделување еднократна парична помош на физички лица
- Предлог – Одлука за прифаќање донација на возило за собирање на комунален отпад
СОВЕТ НА ОПШТИНА ДЕБРЦА
Претседател,
Иван Стрезоски
Feb 16, 2026
Денес, во Виена градоначалникот на општина Дебрца ја подигна донацијата вредна 30.000 евра, камион MAN за собирање смет, кој ќе го користи ЈКП Дебрца.
Ова е само првиот чекор на нашата соработка со Општина Виена. Дебрца денес има уште еден голем пријател!
Градоначалникот на општина Дебрца Златко Сиљаноски искажа Благодарност до градоначалникот на Виена, Михаел Лудвиг и неговата администрација за оваа вредна донација. Ова возило ќе направи голем напредок во одржувањето на чистотата во нашите села.
Воедно искажа и Благодарност до општинската администрација која аплицираше за ова возило во 2024 година.
Ова е само почеток на многу нови проекти и соработка помеѓу нашите општини.
Feb 13, 2026
Ја информираме јавноста дека е во тек постапка за донесување на закон и официјално прогласување на Белчишко Блато (Сини Вирој) за заштитено подрачје во категорија IV- Парк на природата.
Овој значаен природен локалитет претставува едно од ретките зачувани блатни подрачја во државата, со богата биолошка разновидност, специфичен екосистем и големо значење за заштита на птици, растителни видови и водни живеалишта. Со прогласувањето за парк на природата ќе се обезбеди долгорочна заштита, унапредување и одржливо управување со просторот, во интерес на сегашните и идните генерации.
Постапката се спроведува во согласност со важечките законски прописи, при што ќе бидат вклучени релевантни институции, стручна јавност и локалната заедница. Целта е да се воспостави јасна рамка за заштита, контрола на активности и поттикнување на еколошки одржлив туризам.
Со овој чекор се прави значаен придонес кон зачувување на природното наследство и унапредување на еколошката свест.
Во постапката поврзана со изработка на предлог Законот се предвидени следните активности:
Јавно известување кое се објавува на интернет страната на Министерството за животна средина и просторно планирање (
www.moepp.gov.mk) и на ЕНЕР – Единствен национален електронски регистар на прописи на РСМ Македонија http: //www.ener.gov.mk
Рокот за јавни консултации со засегнатите страни и граѓаните на Република Северна Македонија за доставување на коментари, мислења и предлози трае 20 дена од денот на објавувањето на содржината на предлог на законот на веб страната на Единствениот национален електронски регистар на прописи.
Во текот на постапката може да бидат организирани директни консултации и состаноци со засегнатите страни како и јавна расправа доколку е потребно.
Вашите забелешки, мислења и предлози за предлог текстот на Законот може да ги доставите електронски на следниот e-mail:
Билјана Тешева Ѓорѓиевска: b.tesheva@moepp.gov.mk,
Влатко Трпески: v.trpeski@moepp.gov.mk и
Кузман Куновски: k.kunovski@moepp.gov.mk .
Воедно, забелешките, мислењата и предлозите по предлог текстот на Законот може да се дадат и на веб порталот ЕНЕР (http: //www.ener.gov.mk/).
Учеството на јавноста е од особено значење за обезбедување квалитетна и одржлива заштита на Белчишко Блато, која ќе ги земе предвид природните вредности, но и интересите на локалното население.
Министерството ги охрабрува сите засегнати страни да се вклучат и да придонесат кон заедничка цел – зачувување на природното наследство за сегашните и идните генерации.
Feb 12, 2026
Врз основа на член 48 став (4) од Закон за административни службеници („Службен весник на РМ“ бр. 27/14, 199/14, 48/15, 154/15, 5/16, 80/16,127/16,142/16,2/17,16/17, 11/18 и Сл.Весник на РСМ бр. 275/19,14/20,215/21 , 99/22,208/24,259/24,144/25,252/25 и266/25) и Правилникот за формата и содржината на интерниот оглас, начинот на поднесување на пријавата за унапредување, начинот на спроведување на административната селекција и интервјуто, како и начинот на нивното бодирање и максималниот број на бодови од постапката за селекција, во зависност од категоријата на работното место за кое е објавен интерниот оглас („Службен весник на РМ“ бр. 11/15 , 35/18 и 303/20), а согласно Правилникот за систематизација на работни места во општинската администрација во општина Дебрца бр.09-2129/1 од 27.10.2022, 01-1293/1 од 30.10.2023 година,и 01-851/1 од 11.07.2024 општина Дебрца објавува:
ИНТЕРЕН ОГЛАС БРОЈ – 1/2026 за унапредување на 1 административен службеник во општинската администрација на општина Дебрца
Општина Дебрца објавува интерен оглас за унапредување административен службеник 1(еден) извршители и тоа:
1.УПР 01 01 Б04 000 Раководител на одделение за правни прашања и општи работи, Одделени за правни прашања и општи работи – 1(еден) извршител;
Општи услови:
- да е државјанин на Република Северна Македонија
- активно да го користи македонски јазик
- да е полнолетен
- да има општа здравствена способност за работното место и
- со правосилна судска пресуда да не му е изречена казна забрана на вршење професија, дејност или должност
Посебни услови предвидени за работното место под точка 1 утврдени со актот за систематизација се:
- ниво на стручни квалификации VI А според македонската рамка на квалификации
и стекнати најмалку 240 кредити според ЕКТС или завршен VII/1 степен, Научно истражувачко подрачје:Општествени науки Научно истражувачко поле:Правни науки.
работно искуство, и тоа: најмалку четири години работно искуство во струката од кои најмалку една година на работно место во јавен сектор, односно најмалку шест години работно искуство во струката од кои најмалку две години на раковнодно работно место во приватен сектор;
- потребни општи работни компетенции на напредно ниво:
- учење и развој
- решавање проблеми и одлучување за работи од својот делокруг
- комуникација
- остварување резултати
- работење со други/тимска работа
- стратешка свест
- ориентираност кон странките/засегнати страни
- раководење и финансиско управување;
- Посебни работни компетенции:
- активно познавање на компјутерски програми за канцелариско работење
- активно познавање на еден од трите најчесто користени јазици на ЕУ(англиски, француски и германски)
- потврда за положен испит за административно управување;
На интерниот оглас може да се јави административен службеник вработен во општина Дебрца кој ги исполнува општите и посебните услови пропишани за работното место како и:
- да е оценет со оцена „А“ или „Б“ при последното оценување,
- да е на работно место на непосредно пониско ниво или на работно место во рамките на истата категорија во која е работното место за кое е објавен интерниот оглас,
- да поминал најмалку две години на тековното работно место и
- да не му е изречена дисциплинска мерка во последната година пред објавувањето на интерниот оглас.
Кон пријавата можат да се приложат и други докази:
- потврди за успешно реализирани обуки и
- потврди за успешно реализирано менторство.
Рокот за пријавување на интерниот оглас е 5 (пет) дена од денот на објавувањето.
Заинтересираните административни службеници, поднесуваат пополнета пријава и докази за податоците содржани во пријавата преку архивата на Општина Дебрца и до службената електронска адреса: contact@debrca.gov.mk.
Пријавените административни службеници ќе бидат известени за времето и местото на одржување на секоја фаза од постапката на веб станата на општина Дебрца и тоа:
Фаза 1 – административна селекција се спроведува најдоцна 15 дена од денот на истекот на рокот за пријавување.
Фаза 2 –интервју се спроведува во рок од 5 дена од завршување на фаза 1.
Дневното и неделното работно време е од 07:30 часот до 15:30 часот, од понеделник до петок, 40 работни часа неделно.
Платата за работно место под точка 1 е во паричен нето износ од 40.289,00 денари.
НАПОМЕНА:
Административниот службеник кој внел лажни податоци во пријавата се дисквалификува од натамошна постапка.
Пролог:
Пријава
Со почит, Градоначалник на Општина Дебрца
Златко Сиљаноски
Macedonian
Albanian
Dutch
English
French
German
Greek
Polish
Serbian
Turkish