Jul 14, 2025
JПКД „Дебрца“, во соработка со Општина Дебрца, испрати механизација во селото Лешани, во близина на црквата „Св. Недела“. Целта на активноста е изградба на потпорен ѕид кој ќе придонесе за заштита и стабилизација на теренот во овој дел од селото.
Ова е уште еден пример за нашата континуирана посветеност кон подобрување на инфраструктурата и безбедноста во руралните средини на општина Дебрца.
Заедно создаваме подобри услови за живот!
ЈПКД „Дебрца“, во координација со Општина Дебрца, успешно интервенираше на водоводната мрежа кај локацијата спроти аеродромот во село Горенци, каде што беше евидентиран дефект настанат при изведба на градежни активности од страна на фирмата „Синохидро“ за потребите на изградбата на автопатот.
При изведбата беше оштетен еден водоводен приклучок, со што привремено без вода остана едно домаќинство.
Интервенцијата е успешно завршена, приклучокот е саниран и редовното водоснабдување е целосно воспоставено
ЈПКД „Дебрца“, во соработка со Општина Дебрца, успешно го санираше дефектот на водоводната мрежа во село Горенци, кој настана при изведба на градежни активности од страна на фирмата „Синохидро“ за изградба на автопатот.
При изведбата беа оштетени три водоводни приклучоци, со што без вода останаа три домаќинства.
Интервенцијата е завршена, приклучоците се санирани и повторно е воспоставено редовно водоснабдување.
ЈПКД „Дебрца“, во соработка со Општина Дебрца, успешно изврши чистење на дивата депонија месност Бучишта во Велмеј.
ПКД „Дебрца“, во соработка со Општина Дебрца, денес 10.072025 изврши чистење и проширување на патот кај селото Горенци, под аеродромот во правец кон Мишелчево.
Со оваа интервенција се овозможува полесен пристап до нивите во овој дел, за нашите земјоделци да можат без проблем да пристапат со комбајни и механизација, особено сега во сезоната на жетва.
Продолжуваме со активности за подобрување на локалната инфраструктура и поддршка на земјоделството!
ЈПКД „Дебрца“, во соработка со Општина Дебрца, успешно го отстрани дефектот на водоводната мрежа во село Горенци, настанат при изведба на градежни активности од страна на фирмата „Синохидро“ за изградба на автопатот.
Поради дефектот, без вода останаа три домаќинства.
Интервенцијата е завршена, водоводниот крак е саниран, и нормализиран е протокот на вода.
ЈПКД „Дебрца“, во соработка со Општина Дебрца, успешно го отстрани дефектот на водоводната мрежа во село Оровник во непосредна близина кај пиланата ДрвоПром. Благодарение на брзата и ефикасна интервенција, испораката на вода е нормализирана и навремено е спречено жителите да останат без вода.
Продолжуваме со посветена работа во интерес на сите жители на општината.
Jul 10, 2025
Во моментов најзначајниот спортски настан во општина Дебрца е турнирот во мал фудбал “Петровден 2025”, во село Мешеишта,неговото јубилејно 50 то издание.
Општина Дебрца и оваа година како генерален покровител ја помогна оваа спортска манифестација со 80.000 денари.
Согласно Годишната програма за спорт се и ќе бидат поддржани и други спортски манифестации во текот на 2025 година.
И во иднина максимално ќе ги помагаме спортските клубови, спортските манифестации и талентираните спортисти од општината.
Jul 8, 2025
Деновиве интензивно се работи на проектот “Модернизација на јавното осветлување во општина Дебрца.”
Во оваа фаза ќе бидат демонтирани старите улични светилки и поставени нови лед светилки, вкупно 1.200,од кои 1100 од 30 вати, 50 од 50 вати и 50 од 70 вати.
Започнавме од село Оровник и одиме по ред.
Вкупната вредност на проектните активности за набавка на светилките,демонтажа на старите и монтажа на новите светилки изнесува 5.852.918 денари ,а средствата се обезбедени од Буџетот на општината за 2025 година.
Со овој проект на примена на нови технологии придонесуваме за поекономично трошење на електричната енергија и поквалитетно јавно осветлување.
Jul 8, 2025
По поднесените проектни апликации за инфраструктурни проекти од страна на општина Дебрца Владата со одлуката за користење на средства за капитални дотации до единиците на локалната самоуправа за инфраструктурни проекти од областа на транспортот за 2025 година,за имплементација ги одобри следните инфраструктурни проекти:
Реконструкција на локален пат село Мешеишта-село Волино,проектна вредност 15.463.596 денари,
Реконструкција на улица во село Оровник,проектна вредност 10.341.614 денари и
Реконструкција на локален пат село Злести- црква Св.Богородица,одобрени средства 5.071.787 денари.За овој патен правец општината ќе дообезбеди/кофинансира уште 3.358.516 денари.
По завршувањето на постапките за јавни набавки за избор на најповолни понудувачи ќе започне реализацијата на инфраструктурните проекти.
Jul 4, 2025
Градоначалникот на Општина Дебрца Зоран Ногачески изврши прием на најдобрите ученици, односно првенецот на генерација Анастасија Тупанческа и учениците на генерација Рената Јолакоска и Стефани Николоска за учебните 2021-2025 година од ООУ “Дебрца” Белчишта.
Честитајќи им го постигнатиот успех и им посака успех и во средното и натамошното образование.
На најдобрите ученици им додели пригодни плакети и парични награди, на првенецот на генерацијата 15.000 денари,а на учениците на генерација по 7.500 денари.
Исто така, на сите завршени полуматуранти општината ќе им додели еднократна парична помош од по 5.000 денари.
Како општина остануваме посветени на поддршката на сите ученици,а особено на учениците кои покажале одлични и особени резултати во образовниот процес.
Jun 23, 2025
Согласно Годишната програма за развој на спортот во општина Дебрца за 2025 година, општината нарача изработка на техничка документација,Основен проект за реконструкција на отвореното спортско игралиште за мали спортови во село Мешеишта.
Со проектот се планира поставување на нов асфалтен слој и слој од тартан со д=1,3 см,демонтажа на постојната и изградба на нова ограда околу полигонот,нови стативи,нови табли и обрачи за кошовите,санација на надворешните санитарии, репарација на постојната трибина и фарбање на столчињата ,а во северниот дел плато за фитнес опрема и детски реквизити .
По завршувањето на проектот и ревизијата на истиот и обезбедување на одобрение за реконструкција од страна на општината проектот ќе биде аплициран за обезбедување финансиски средства во Министерството за спорт,од каде се очекува да биде одобрен.
Проектот го изработува проектантското друштво “Параметар” Скопје, а средствата за изработка на проектот и ревизијата, во износ од 1.507,491 денари се обезбедени од Буџетот на општината за 2025 година.
Macedonian
Albanian
Dutch
English
French
German
Greek
Polish
Serbian
Turkish