Jul 6, 2026
Денес нашата Дебрца беше вистински центар на планинскиот велосипедизам!
Со огромно задоволство присуствував на „Бабин Срт МТБ авантура“, настан кој ја промовираше нашата прекрасна природа како врвна дестинација за авантуристички и еко-туризам.
Наместо очекуваните 100, пречекавме дури 178 велосипедисти од целата држава кои уживаа во возењето по патеката Лактиње – Годивје – Врбјани – Бабин Срт.
Како градоначалник и локална самоуправа, со гордост застанавме зад овој настан со целосна финансиска и техничка поддршка за негова беспрекорна и безбедна организација.
Бидејќи настанот немаше натпреварувачки карактер, главната цел ни беше заедничко дружење и испраќање силна порака за зачувување на природните богатства и одговорен однос кон животната средина.
Огромна благодарност до организаторите од Здружението за планински велосипедизам „Рупикапра МТБ“ Струга и до сите учесници кои ја направија оваа недела незаборавна.
Продолжуваме да ја градиме и промовираме Дебрца како зелена општина!
Jul 6, 2026
Почитувани сограѓани, споделувам уште една убава вест за нашата Дебрца!
Набавивме целосно ново комунално возило.
Овој модерен камион од денес му служи на ЈКП „Дебрца“.
Го решаваме предизвикот за поефикасно и побрзо собирање на отпадот.
Ова е директно исполнување на нашата заложба за нова комунална механизација.
Нашите села и природата заслужуваат највисоко ниво на хигиена.
Апелирам до секој од вас – да ја чуваме заедно животната средина.
Одиме понатаму, за модерна и чиста општина!
Jul 1, 2026
Во крајна фаза сме со комплетното уредување на дворот на црквата „Св. Петар и Павел“ во с. Брежани!
Со поставувањето на 260 м2 бекатон плочки, просторот околу храмот го добива својот вистински и достоен лик, токму во пресрет на празникот Петровден.
Продолжуваме да работиме и да градиме во секое населено место во нашата Дебрца.
Jun 30, 2026
ЈП за комунална дејност “Дебрца” ги известува жителите на населените места во општина Дебрца каде се врши подигнување на комунален одпад, Дека комуналниот отпад од 1ви јули ќе се подига од 06:00 часот (наутро).
Се замолуваат сите жителите навремено да го одлагаат отпадот и да ја почитуваат утврдената динамика, со цел непречено и ефикасно извршување на комуналните услуги.
Со Почит,
ЈКП,, Дебрца”
Jun 29, 2026
Врз основа на член 39 став 2 од Законот за локалната самоуправа (“Службен весник на РМ”, број 5/2002) и член 22, став 2 од Статутот на општината Дебрца (“Службен гласник на општината Дебрца”, број 3/2005), донесувам:
Р Е Ш Е Н И Е
за свикување на 14-та седница на Советот на општината Дебрца
Ја свикувам 14–та седница на Советот на општината Дебрца. Седницата ќе се одржи на ден 30.06.2026 година (вторник) , со почеток во 13.00 часот, салата за седници на Советот на општината Дебрца.
За седницата се предлага следниот:
Д Н Е В Е Н Р Е Д
- Усвојување на записник од 12-та седница на Советот на општина Дебрца
- Усвојување на записник од 13-та седница на Советот на општина Дебрца
- Предлог – Годишна програма за изменување и дополнување на Годишната програма за поддршка на локалниот економски развој на општина Дебрца за 2026 година
- Предлог – Годишна програма за изменување и дополнување на Годишната програма за реконструкција, модернизација, користење и одржување на јавното осветлување во општина Дебрца за 2026 година
- Предлог – Годишната програма за изменување на Годишната програма за изградба, реконструкција, одржување и заштита на општинските патишта и улици во општина Дебрца за 2026 година
- Предлог – Годишна програма за изменување на Годишната програма за развој на образованието во општина Дебрца за 2026 година
- Предлог – Годишна програма за изменување на Годишната програма за развој на спортот во општина Дебрца за 2026 година
- Предлог – Годишна програма за изменување на Годишната програма за социјална и здравствена заштита на општина Дебрца за 2026 година
- Годишна програма за измена и дополнување на Годишната програма за развој на Локалната инфраструктура и комуналните услуги на општина Дебрца за 2026 година
- Предлог – Годишна програма за изменување на Годишната програма за развој на културата во општина Дебрца за 2026 година
- Информација за потребата од обезбедување на соодветен објект и земјиште за потребите на Општина Дебрца и ЈП за комуална дејност „Дебрца“ с.Белчишта
- Предлог – Одлука за отпочнување на постапка за набавка на објект и земјиште за потребите на Општина Дебрца и ЈП за комунална дејност „Дебрца“ с.Белчишта
- Предлог – Одлука за поништување на Јавниот повик за пројавување на интерес за пријавување на кандидати за избор на членови во Управен одбор на ЈПКД „Дебрца“ с.Белчишта
- Предлог – Одлука за распишување на Јавен повик за пројаввуање на интерес за пријавување на кандидати за избор на членови во Управен одбор на ЈПКД „Дебрца“ с.Белчишта
СОВЕТ НА ОПШТИНА ДЕБРЦА
Претседател,
Иван Стрезоски
Jun 29, 2026
Синоќа во Галеријата „Ѓорѓија Целески“ во Белчишта свечено го отворивме 41-то издание на Интернационалната уметничка колонија „Дебрца“.
Како најстара ликовна колонија во Македонија, оваа година твориме под моќното мото „Од камен до код – ехо на земјата, глас на иднината“, покажувајќи дека иднината се гради врз темелите на минатото.
Во моето обраќање пред присутните, со гордост истакнав дека веќе 41 година ова место е светол пример како уметноста ги спојува луѓето, културите и времињата.
Посебно сакам да им се заблагодарам на домашните и странските уметници кои со својот талент го прават Белчишта вистински космополитски центар на уметноста.
Годинава нашето уметничко семејство се зголеми, па искрено го поздравувам новиот бран на млади креативци кои носат свежи идеи и нови светогледи.
Претседателката на здружението, Мартина Целеска, одлично поентираше дека Дебрца одамна прерасна во духовен простор, потсетувајќи не дека галеријата денес чува над 700 уметнички дела што е наше непроценливо богатство.
Оваа година ни гостуваат реномирани автори од Македонија, Србија, Словачка и Велика Британија, предводени од почесниот гостин, истакнатиот македонски уметник Јордан Манасиески.
Свеченото отворање го збогатија младата гитаристка Георгина Јанкоска, фолклорниот ансамбл „Св. Петар и Павле“ од Мешеишта и познатиот гајдаџија Целе Блажески.
Нека ни е успешна и плодна 41-та ликовна колонија, продолжувајќи ја визијата на нејзиниот основач!
Анамарија Момироска
Macedonian
Albanian
Dutch
English
French
German
Greek
Polish
Serbian
Turkish