Oct 17, 2024
Денес во село Белчишта свечено беше отворен Изложбениот центар за Белчишко Блато / Природнонаучна и етнолошка збирка. Изложбениот центар е дел од проектот “Подобрување на конзервацијата на приоритетните растенија во прекуграничната област”,conse-pp, проект кој општина Дебрца го имплементираше со своите партнери од Македонија и Грција,со средства обезбедени од ИПА програмата за прекугранична соработка Македонија-Грција и во чии рамки беше реконструиран и опремен стариот објект во центарот на село Белчишта,каде е сместен Изложбениот центар.
Во Центарот преку текстови, фотографии и примероци од растенија и животни прикажани се многу сегменти од флората и фауната, со кој располага Белчишкото Блато, најголемото блато, сочувано во неговата оригинерна форма
Градоначалникот Зоран Ногачески изрази голема благодарност до Делегацијата на ЕУ во Македонија,која финансиски ја помогна реконструкцијата и опремување на објектот, во кој е сместен Изложбениот центар како и US FOREST Service.
Градоначалникот Зоран Ногачески изрази благодарност и до Здружението за екологија и туризам “Екотуризам 2016”, Охрид,кое заедно со општината годиниве работеше на повеќе проекти за Белчишкото Блато, од кои најзначајни се тие за изготвување на целокупната документација за оправданоста за прогласување на Белчишкото Блато за заштитено подрачје,во категорија “Парк на природата”,постапка која е во тек. Тимот на “Екотуризам 2016”, на чело со Ѓоко Зороски и општинскиот тим се погрижија за креирање на сите содржини внесени во центарот.
Со отворањето на Центарот општина Дебрца добива уште еден атрактивен простор,преку кој се репрезентира дел од природното богатство на Дебрца,кое е дел од светското природно наследство.
Крајно, нашата заложба е Изложбениот центар да биде дел од промовирањето на Белчишкото Блато до сите засегнати чинители /туристи,посетители,ученици,стручна јавност/, а Белчишкото Блато да го добие заштитениот статус и по националната регулатива и како идно европско заштитено подрачје, во рамките на Натура 2000. Наша обврска останува да се обезбеди негово одржливо управување,зачувување на неговиот заштитен статус,но и негово искористување како атрактивна туристичка дестинација.
Изложбениот простор ќе може да се посети секој работен ден од 8:00 часот до 14:00 часот со предходна најава во општина Дебрца на телефон 046/286-855
Oct 16, 2024
Деновиве со општинската механизација се изврши ископ и затрпување на ров за поставување на црево за водоснабдување и кабел за електрична енергија до црквата “Св.Недела”, како и порамнување на стрмниот дел од патот до црквата “Св.Атанасије”,во село Лешани.
Oct 14, 2024
Општина Дебрца и Екотуризам 2016 Охрид работеа долги години на истражување и валоризација на Белчишкото Блато. После долги години труд и посветено работење, чест и задоволство ни е да Ви го испрезентираме сработеното.
По тој повод, Ве покануваме на свечено отворање на Изложбениот центар за Белчишко Блато.
Отворањето ќе се одржи на 17.10.2024 г. (четврток) во 12 часот наспроти зградата на Општина Дебрца во село Белчишта.
Креираме вредности кои ќе ги поттикнат младите и локалното население да земат активна улога во заштитување на овој прекрасен предел и да придонесат кон подобрување на своите заедници.
Прилог:
Покана
Oct 10, 2024
Со поставувањето на командната табла денес во функција ставена е новата вертикална центрифугална пумпа во пумпната станица за водоснабдување на село Мешеишта, а со цел да се обезбеди поекономично водоснабдување и помали трошоци за електрична енергија.
Инвестирани се 771.040 денари,обезбедени од Буџетот на општината за 2024 година.
Oct 8, 2024
Во село Лактиње завршена е реконструкцијата-поставување на нов асфалтен слој во центарот на селото, во површина од околу 1140 м2.
На активностите му предходеше отсранување на стариот оштетен асфалтен слој, поставување и припрема на теренот со нанесување на тампон набивање и валирање на теренот и поставување на асфалтен слој.
Исто така извршена е санација со асфалтен слој на мостот на патот за село Годивје,во површина од околу 120 м2.
Продолжуваме во село Велмеј, каде ќе се асфалтира една улица,во должина од 110 метри и реконструкција/поставување на нов асфалтен слој на спортското игралиште пред селскиот дом.
Oct 8, 2024
Во изминатиот период завршено е тампонирањето на повеќе пристапни и полски патишта и улички во општина Дебрца и тоа:
Во село Врбјани тампонирани се две улички, во должина од околу 120 метри.
Тампониран е патот во местноста “Средно Поле”, КО-Лешани,на потегот од асфалтираниот пат за село Грко Поле до поранешната воденица, во должина од околу 570 метри.
Во село Ново Село извршено е пробивање, чистење од околните дрвја,порамнување, валирање на подлото и тампонирање на патот од црквата Св.Богородица до изворите на блатото, во должина од околу 1 км.
Во село Волино тампониран е пристапен пат,
во должина од околу 750 метри, во местноста “Аџица”,со што се поврзуваат двете долномаалски улици во селото, односно патот во правец на село Ливада со патот во правец на село Мороишта.
Тампониран е патот од село Сошани до црквите “Св.Ѓорѓија” и “Св.Никола Талалеј “, во должина од 1 км
Тампониран е патот до црквата “Св.Атанасије”,село Сливово,во должина од околу 550 метри.
Во село Издеглавје со гребен асфалт тампониран е патот до црквата “Св.Димитрија”, во должина од 1 км.
Тампониран е полски пат од местноста “Врпче” до местноста “Ѓорамидница”, КО Волино, во должина од 1,1 км.
Со овие активности се обезбедува полесен пристап до верските објекти, земјоделското земјиште и Белчишкото Блато.
Вкупната вредност на работите изнесува 3.540.000 денари,а средствата се обезбедени од Буџетот на општината за 2024 година.
Работите ги изведе фирмата БИС дооел Охрид.
И во наредниот период ќе продолжиме со вакви активности,согласно потребите на граѓаните.
Macedonian
Albanian
Dutch
English
French
German
Greek
Polish
Serbian
Turkish