Со реконструкцијата се изврши промена на кровот,промена на старата дрвена дограма со нова ПВЦ дограма, изградба на санитарни чворови, промена на електрична и водоводна инсталација,поставување на ново осветлување во објектот, целосно уредување на внатрешните простории и подови.
Вкупната вредност на работите изнесуваше 2.022.225 денари, кои се обезбедија од Буџетот на општината за 2024 година.
Во село Годивје завршена е реконструкцијата на кровната конструкција на Селскиот дом,во површина од 360 м2.
Вкупната вредност на работите изнесуваше 751.778 денари, а средствата се обезбедени од Буџетот на општината за 2024 година.
Во тек е имплементација на проектот ,,Патеки на откривање” кој го спроведува здружението за планински велосипедизам Рупикапра МТБ со поддршка на општина Дебрца,а проектот е целосно финансиран од Амбасадата на Сојузна Република Германија.
Целта на проектот е развивање на одрлжлив еко-туризам и унапредување и заштита на животната средина.Со овој проект ќе се овозможи маркација и унапредување на планинските велосипедски патеки во општина Дебрца.
Општината располага со уникатни живописни планински предели кои се предуслов за развој на алтернативните форми на Туризам како и развојот на Планински велоспиедизам.
Пред почетокот на новата учебна 2024/2025 година денес се приреди свечен прием за 18 те првачиња од ООУ “Дебрца”.
Градоначалникот Зоран Ногачески Посакувајќи им топло добредојде во светот на знаењата, на првачињата им додели училишен прибор, кој традиционално го донира фондацијата „Капинков“ на Драган Капинков, бизнисмен од Перт, Австралија, родум од битолското село Цапари.
Пред првачињата и родителите уште еднаш ја потенцира заложбата дека како локална самоуправа, постојано ќе вложуваме во училишната инфраструктура, во наставниот кадар и мотивирани ученици, се со цел учениците во општина Дебрца да бидат меѓу најдобрите.
И оваа година општина Дебрца на сите првачиња ќе им додели еднократна парична помош од по 5.000 денари.
И во оваа прилика изрази благодарност до фондацијата „Капинков“ на Драган Капинков и до почесниот конзул на Република Македонија во Перт, Г дин Зоран Ќосески , по чија иницијатива фондацијата од 2013 година непрекинато пред почетокот на секоја учебна година доделува училишен прибор за првачињата од општина Дебрца
Се интензивираат работите на реконструкцијата на административната зграда на општина Дебрца, во село Белчишта/ 2 фаза.
Во оваа фаза ќе се реконструира големата сала,која ќе се преуреди во мултифункционален простор за одржување на собири,трибини,свечености и други настани.
Ќе се реконструираат долниот спрат и санитарните чвори,административните простории,како и фасадата од северната и западната страна и други активности.
Вредноста на работите изнесува околу 5,5 милиони денари, а средствата се обезбедени преку Центарот за развој на Југозападниот плански регион,Програма за рамномерен регионален развој за 2024 година.
Во текот на Вчерашниот ден градоначалникот на Општина Дебрца ги прими учесниците на шестото издание на Балканскиот поетски камп за млади „Ванчо Николески“,кој е во организација на Друштвото за литература и култура „Мацково.
Од страна на организаторот и учесниците е информиран дека годинава, како плод на воспоставената прекугранична соработка со Организацијата за литературно и културно активирање, од Корча, Албанија, Кампот внесува нова содржина, со тоа што учесниците и организаторите ќе ја посетат и Мала Преспа, Албанија.
Од страна на градоначалникот е истакнато дека ние сме посебно горди што основоположникот на македонската литература за деца и млади, Ванчо Николески е родум од Црвена Вода,Дебрца и дека со одржувањето на Кампот се оддава посебен пиетет на неговото дело.
Сите ние како ученици образованието сме го започнувале со неговите дела.
Општината секоја година финансиски го поддржува Кампот,а така ќе биде и во иднина.
Macedonian
Albanian
Dutch
English
French
German
Greek
Polish
Serbian
Turkish