Aug 9, 2023
На ден 10 август 2023 година во организација на Здружението за екологија и туризам “Екотуризам 2016” ќе се одржи работилница: ЕКОСИСТЕМСКИ УСЛУГИ – СНАБДУВАЧКИ УСЛУГИ ОД БЕЛЧИШКО БЛАТО И НАЧИНИ ЗА НИВНА ПРОЦЕНКА
Работилницата е во рамките на проектот „Екосистемски услуги од Белчишко Блато и еколошка едукација“ (Belchishta Wetland Ecosystem Services & Environmental Education (BW-ESEE)“, кој започна на 1 декември 2022 г. и ќе трае до 1 октомври 2023 г.
Целта на проектот е да ги идентификува најзначајните екосистемски услуги кои се добиваат од блатото, за да се интегрираат во донесувањето одлуки за негово управување и заштита. Проектот е финансиран од Партнерскиот фонд за критични екосистеми (Critical Ecosystem Partnership Fund (CEPF), кој го препозна блатото како вреден и најзачуван блатен екосистем на територијата од нашата држава.
Прилог
Агенда
Aug 9, 2023
Деновиве започна санацијата на кровната конструкција на домот во село Врбјани
Со санацијата е предвидено појачување на кровната конструкција, замена на летви и замена на ќерамиди.
Вкупната вредност на работите изнесува 432.470 денари, а средствата се обезбедени од буџетот на општина Дебрца за 2023 година.
Aug 5, 2023
Вечерва свечено беше отворена Интернационалната Ликовна колонија “Дебрца” – Белчишта, нејзиното 38 мо издание, кое оваа година е посветено во сеќавање на Ѓорѓија Целески, основоположникот на ликовната колонија.
Градоначалникот Ногачески поздравувајќи ги учесниците на Ликовната колонија и присутните гости истакна дека 38–те години творештво на колонијата покажуваат дека Ликовната колонија “Дебрца” не е обичен културен настан, туку највисок културен дострел на Белчишта , како седиште на општината и на општина Дебрца.
Основоположниците на колонијата пред 40 тина години можеби и самите не биле свесни дека создале културна рожба , која денес е блескаво културно наследство и уметничките дела создадени на Ликовната колонија не се само наследство на Дебрца и Македонија, туку се светско културно наследство.
Општина Дебрца останува партнер на новото раководство на уметничката колонија во нејзините заложби да се врати стариот сјај на една од најстарите ликовни колонии во Македонија.
Aug 4, 2023
Центарот за граѓански комуникации го објави извештајот за активна транспарентност на 98 јавни институции за 2023 година.
Активната транспарентност на општина Дебрца во 2023 година изнесува 89,9 % (од можни 100 %) со што општината се наоѓа во групата институции со ’многу добра‘ активна транспарентност (исполнување на обврските од 80 % до 100 %).
Со овие бодови, општината се наоѓа на 27-та позиција од вкупно 98 рангирани институции, со што го исполнивме она што ни беше цел-општината да влезе во групата на институции со ’многу добра‘ активна транспарентност.
За потсетување, според Индексот на активна транспарентност 2017, општина Дебрца го зазеде 86-то место од вкупно 97 институции, со резултат од 16,4 % остварени позитивни показатели, со оценка “многу слаба транспарентност”.
Од сосема нетранспарентна и затворена општина стигнавме до препознатлива и отворена општина.
https://www.aktivnatransparentnost.mk/opshtini.html…
Aug 2, 2023
Во чест на празникот Илинден во село Лактиње, Градоначалникот Зоран Ногачески и претседателот на советот на општина Дебрца Илчо Алексоски како и претставници на Сојузот на борците од НОАВМ Охрид и Дебрца, Месната заедница, политички партии и граѓани положија цвеќе и се поклонија пред Спомен обележјата од Илинденското востание и од НОБ.
Воедно денес со свечена литургија се одбележа стогодишнината од изградбата на црквата “Св.Пророк Илија”, во село Лактиње.
Илинден е симбол на вечниот стремеж за слобода и за самостојност на македонскиот народ, темел на нашата државност, потврда за нашиот идентитет, нашата историја, јазик и култура и постојан патоказ за нашата иднина.
Дебрца е нераскинливо втемелена и во двата Илиндена.
Честит празник Македонијо и за многу години .
Macedonian
Albanian
Dutch
English
French
German
Greek
Polish
Serbian
Turkish