Daniel Risteski, Author at Општина Дебрца

Започна со чистење речното корито на Сатеска кај Бел Мост- Волино

Apr 2, 2026

Започнавме со чистење на речното корито на Сатеска кај Бел Мост, како дел од нашите континуирани активности за заштита од поплави.

Во тек е и расчистување на дивите депонии, кои со години претставуваат сериозен проблем и негативно влијаат врз животната средина.

Посебно внимание посветуваме на сите критични точки долж реката, со цел навремено да се спречи ризикот од прелевање и евентуални штети.

Нашата цел е чиста, безбедна и уредена општина Дебрца – место каде што природата се почитува и штити.

Апелираме до сите граѓани да бидат одговорни и заедно да придонесеме за почиста и поздрава околина.

Интензивно се работи на уредување на просторот кај изворите Горно Поле во Велмеј.

Mar 30, 2026

Интензивно се работи на уредување на просторот кај изворите Горно Поле во Велмеј.

Овој природен бисер на Дебрца добива нов сјај, со цел да стане уште попривлечно место за одмор, прошетка и уживање во природата.

Водата, зеленилото и мирот што го нуди оваа локација се непроценливо богатство кое го негуваме и го оставаме на идните генерации.

Со внимателно планирање и посветена работа, ја унапредуваме секоја педа од нашата општина.

Дадениот збор го претвораме во дела, чекор по чекор ја градиме поубавата Дебрца.

Делата зборуваат повеќе од зборовите!

Консултативни средби со граѓаните во рамки на подготовката на проектната документација за Коридор 8 – делница на автопат Требеништа – Ќафасан

Mar 27, 2026

ОГЛАС ЗА ЈАВНИ КОНСУЛТАТИВНИ СРЕДБИ

Се известуваат граѓаните дека во рамки на подготовката на проектната документација за Коридор 8 – делница на автопат Требеништа – Ќафасан, ќе се одржат јавни консултативни средби со цел обезбедување навремено, транспарентно и квалитетно вклучување на јавноста во процесот.

Целта на средбите е прибирање мислења, коментари и предлози од локалното население во рана фаза на подготовка на документацијата, со посебен осврт на:

социјалните аспекти поврзани со реализацијата на проектот;
идентификација, заштита и одржливо користење на културното наследство;
можностите за активно учество на граѓаните во процесите на информирање и донесување одлуки.

Термини на одржување:

Општина Дебрца: 31.03.2026 (вторник) во 10:00 часот, во просториите на старото Основно Училиште во с. Волино

Општина Струга: 31.03.2026 (вторник) во 12:00 часот

Средбите се однесуваат на жители од следните населени места:

Општина Струга: Мислешево, Мороишта, Драслајца, Враништа, Корошишта, Ливада, Заграчани, Шум, Вишни, Радолишта, Калишта, Франгово, Радожда, Делогожда

Општина Дебрца: Требеништа, Волино, Горенци

Се покануваат сите заинтересирани граѓани да присуствуваат и активно да се вклучат со свои мислења и предлози.

ПОКАНА за Јавна расправа по Нацрт на Закон за прогласување на Белчишко Блато за заштитено подрачје во категорија IV – Парк на природа

Mar 27, 2026

Министерството за животна средина и просторно планирање во соработка со општинa Дебрца, Ве поканува да присуствувате на јавна расправа по Нацрт Закон за прогласување на Белчишко Блато за заштитено подрачје во категорија IV – Парк на природа.

Јавната расправа ќе биде организирана на 07 Април 2026 (вторник), со почеток во 11:00 – 13:15 часот во сала на состаноци во општина Дебрца.

Нацрт Закон за прогласување на Белчишко Блато за заштитено подрачје во категорија IV – Парк на природа е објавен на Единствениот национален електронски регистар на прописи во Република Северна Македонија (www.ener.gov.mk) и на веб страната на Министерство за животна средина и просторно планирање (www.moepp.gov.mk).

Коментари/мислења/сугестии по Нацрт Закон за прогласување на Белчишко Блато за заштитено подрачје во категорија IV – Парк на природа може да доставите писмено до Министерство за животна средина и просторно планирање на следнaва поштенска адреса: Плоштад „Пресвета Богородица“ бр. 3, 1000 Скопје како и на следнава емаил адреса infoeko@moepp.gov.mk, најкасно 10 дена по одржување на јавната расправа.

Ве молиме Вашето учество на јавната расправа да го потврдите на следната електронска адреса: skj.mzspp@gmail.com или кај Дијана Соколовска на: +389 76 233 020.

Дневен ред

07 Април 2026

Сала за состаноци – Општина Дебрца

11:00- 11:15	Отварање на јавната расправа Модератор Даниел Ристески
11:15-11:25	Обраќање на висок претставник од Министерство за животна средина и просторно планирање
11:25:11:35	Обраќање на Градоначалник на Општина Дебрца Златко Сиљаноски
11:35:12:00	Природни вредности, категорија на заштита, предлог граници и предлог зони на Белчишко Блато за заштитено подрачје во категорија IV – Парк на природа Преставник од Здружение за екологија и туризам ЕКОТУРИЗАМ 2016 Ѓоко Зоровски –
12:00-12:20	Постапка за прогласување на Белчишко Блато за заштитено подрачје во категорија IV – Парк на природа и Нацрт на Белчишко Блато за заштитено подрачје во категорија IV – Парк на природа Претставник од Министерство за животна средина и просторно планирање
12:20- 13:00	Дискусија
13:00-13:15	Затварање на јавната расправа Модератор

Потпишан меморандум за соработка со Општина Колоња, Република Албанија, и Музејот,,д-р Никола Незлобински” од Струга за учество на проект во рамки на ИПА 3 програмата

Mar 26, 2026

Денес во Општина Корча, Република Албанија, заедно со Општина Колоња и Музејот „д-р Никола Незлобински“ од Струга, потпишавме значаен Меморандум за соработка.

Со заедничка проектна документација и партнерски пристап, ќе аплицираме за проект во рамки на ИПА 3 програмата, со цел да придонесеме кон унапредување на културниот развој на Општина Дебрца. Оваа иницијатива претставува важен чекор кон зајакнување на регионалната соработка и афирмација на нашето културно наследство.

Верувам дека преку вакви иницијативи ќе создадеме нови можности за развој, размена на искуства и збогатување на културниот живот за сите наши граѓани.

Продолжуваме посветено да работиме за напредокот на Дебрца.