Sep 10, 2025
Ја поздравувам секоја активност за пуштање на Автопатот А2 во функција.
Меѓутоа,со оглед на тоа да автопатот во најголем дел поминува низ нашата општина,со секое пуштање на делница од Автопатот се создаваат проблеми за граѓаните кои живеат во селата покрај Автопатот.
Проблемите се поради недоизградените или несоодветно изградените пристапни патишта и немањето соодветни приклучни места за селата на Автопатот.
Такви проблеми прво се јавија за селата Песочани,Ново Село,Црвена Вода,а сега за Оровник и Горенци,а исти проблеми ќе бидат и за Мешеишта,Волино и Требеништа.
Изградениот пристапен пат за клучката кај Аеродромот е вон сообраќајните стандарди и несоодветен за поголемиот дел од селата кои гравитираат во тој дел.Изминативе денови сме сведоци на многу проблеми,а најмногу во одвивањето на општинскиот линиски превоз на патници.
Како општина,со повеќе барања сме обратени до ЈП за државни патишта со кои се бара решенија за сите села,за нивно безбедно и најекономично приклучување на Автопатот.
И во оваа прилика ги повикувам најодговорните за изградба на Автопатот да најдат сообраќајни решенија по нашите барања.
Автопатот е повеќе од потребен,но во никој случај не смее да биде пречка за нормалното функционирање на нашите граѓани и населени места.
Sep 9, 2025
Се поставени бекатон плочки, 330 м2,травертин 35 м2, треба да се доизградат 3 канделабри, пет клупи,садници.
Вкупната вредност на работите изнесува 1.164.170 денари, а средствата се обезбедени од Буџетот на општината за 2025 година.
Sep 9, 2025
Во двата мандати градоначалник на општина Дебрца потрошив вкупно нула денари општински средства:
- За репрезентација на градоначалникот вкупно нула денари,
- За патни торшоци вкупно нула денари.
Не Вработив членови на потесното семејство-ниту еден, сами си најдоа работа во приватни фирми.
Многумина ќе речете дека никој нема да ми рече фала,а јас искрено мислам дека така треба да функционира секоја нормална власт и држава.
Горното не го напишав за да се пофалам,туку да демантирам поединци,кои како се приближуваат изборите ми пишуваат разно-разни текстови на мојот профил.
Sep 1, 2025
За почетокот на новата учебна 2025/2026 година –Градоначалникот Зоран Ногачески им приреди свечен прием за 20 те првачиња од ООУ Дебрца.
Посакувајќи им топло добредојде во светот на знаењата, на првачињата им додели училишен прибор, кој традиционално го донира фондацијата „Капинков“ на Драган Капинков, бизнисмен од Перт, Австралија, родум од битолското село Цапари.
Пред првачињата и родителите уште еднаш ја потенцира заложбата дека како локална самоуправа, постојано ќе вложуваме во училишната инфраструктура, во наставниот кадар и мотивирани ученици, се со цел учениците во општина Дебрца да бидат меѓу најдобрите.
И оваа година општина Дебрца на сите првачиња ќе им додели еднократна парична помош од по 5.000 денари.
И во оваа прилика изразувам благодарност до фондацијата „Капинков“ на Драган Капинков и до почесниот конзул на Република Македонија во Перт, Г дин Зоран Ќосески , по чија иницијатива фондацијата од 2013 година непрекинато пред почетокот на секоја учебна година доделува училишен прибор за првачињата од општина Дебрца.
Оваа година подароци за првачињата донираа и Министерството за образование и наука и Комерцијална банка АД Скопје.
Добредојдовте и среќно првачиња!
Aug 26, 2025
Деновиве започна изградба на пристапниот пат од село Ботун до манастирската црква “Св.Богородица”,во должина од 1.3 км.
Средствата се обезбедени од Буџетот на општина Дебрца.
Исто така, со министерството за транспорт и врски е потпишан договор за користење на средства за проектот “реконструкција на патот од село Злести до црква “Рождество на Пресвета Богородица”, односно негово асфалтирање, со кој се обезбедени 5.071.787 денари од Министерството за транспорт и врски,а преостанатите 3.358.516 денари се обезбедени од општината.
И за овој проект тендерот е објавен, со што ќе биде исполнето уште едното дадено ветување пред граѓаните.
Macedonian
Albanian
Dutch
English
French
German
Greek
Polish
Serbian
Turkish