Sep 17, 2025
ДПД Ентузијаст/Volunteer fire association Enthusiast Ohrid во текот на вчерашниот ден превзеде две противпожарни возила заедно со братското волонтерско здружение ДПД Ентузијаст Дебрца/Volunteer fire association Enthusiast Debrca .
Ентузијаст прераснува во сериозна волонтерска организација во југозападниот регион на Македонија
На свечената церемонија организирана во Тирол, Ентузијаст прими вредна донација од две противпожарни возила и со самото тоа се зајакнуваат капацитетите на противпожарната заштита во Општина Охрид и Општина Дебрца, на настанот присуствуваа членовите на ДПД Ентузијаст Дебрца/Volunteer fire association Enthusiast Debrca, членовите на ДПД Ентузијаст/Volunteer fire association Enthusiast Ohrid и преставници на ТППЕ Охрид – Пожарна предводени од Командирот Борко Јанкулоски
Волонтерската организација ,,Ентузијаст” и Општина Дебрца упатува благодарност до главниот двигател на волонтерските здруженија, Командирот на ТППЕ Охрид – Пожарна , Борко Јанкулоски
Sep 12, 2025
Во Општина Дебрца се одржа работилница во рамки на проектот EcoFire Youth Ambassadors, реализирана во партнерство со Доброволните противпожарни организации од Охрид и Дебрца и со активно учество на локални чинители.
Проектот е финансиран преку Landscape Fire Management in the Western Balkans Programme (LFMWB), имплементиран од Farmahem, а негов носител е Здружението за екологија ЕКОМЕНЛОГ – Охрид. ЕКОМЕНЛОГ, основано во 2015 година, е препознатливо по својата мисија за заштита на природата и подигнување на еколошката свест во регионот на Охридското Езеро преку научни истражувања, образовни програми и активно вклучување на заедницата.
📅 Проектот трае 14 месеци (ноември 2024 – февруари 2026) и има за цел да зајакне капацитети за превенција и управување со пожари, преку изградба на растителни противпожарни појаси, обука на млади амбасадори, интеграција на традиционални практики и примена на иновативни технологии.
Почетокот на активностите симболично беше означен со расчистување на дивата депонија која ќе биде дел од зафатот на кој ќе се простира растителниот противпожарен појас
Ќе се изврши и набавка на противпожарна опрема која ќе биде ставена во функција на ДПД,,Ентузијаст”-Дебрца.
🤝 Работилницата ја потврди заедничката посветеност за градење поотпорен регион, каде што традицијата и иновацијата се надополнуваат за одржлива иднина на Охридското Езеро и Дебрца.
Jul 24, 2025
JПКД Дебрца, во соработка со Општина Дебрца, изврши чистење и уредување на спортската сала „Аминта Трети“ во село Требеништа, по иницијатива и барање на жителите.
Со оваа активност се овозможуваат подобри услови за користење на салата и се придонесува за поквалитетен спортски и општествен живот во заедницата.
Голема благодарност до мештаните за нивната проактивност!
Продолжуваме заедно да работиме за поубава и поуредена Дебрца!
Интервенција на водоводната мрежа во Охридски аеродром
Екипите на ЈПКД „Дебрца“, во соработка со Општина Дебрца, денес успешно интервенираа на дефект на водоводната мрежа (цевка Ф140) во Охридски Аеродром.
Дефектот е отстранет
Водоснабдувањето е нормализирано
По завршувањето на спортскиот турнир во село Мешеишта, Јавното претпријатие за комунални дејности – ЈПКД Дебрца, во соработка со Општина Дебрца, спроведе активности за темелно чистење и уредување на јавниот простор село Мешеишта.
Се изврши целосно чистење на централниот дел на селото, како и на спортското игралиште каде се одржуваа натпреварите, при што отпадот беше соодветно отстранет, зелените површини расчистени, а целиот простор вратен во својата првобитна и уредна состојба. Овие активности се дел од нашата заложба за одржување на хигиената, безбедноста и естетиката на јавните простори во секое населено место од нашата општина.
По пријава за проблем во водоводната мрежа во село Оровник, екипите на ЈПКД „Дебрца“ во координација со Општина Дебрца веднаш излегоа на терен и ја завршија санацијата на дефектот во рекордно време. Интервенцијата беше изведена во близина кај игралиштето каде што беше забележано истекување на вода.
Снабдувањето со вода сега е целосно нормализирано, а системот функционира без пречки.
САНИРАН ДЕФЕКТ НА ВОДОВОДОТ ВО С. ГРКОПОЛЕ
Екипите на ЈПКД „Дебрца“, во координација со Општина Дебрца, успешно интервенираа и го санираа дефектот на водоводната мрежа во село Гркополе. Интервенцијата беше извршена во близина на локалната патна мрежа, со што беше спречено прекинување во снабдувањето со вода.
JПКД „Дебрца“, во соработка со Општина Дебрца, спроведе итна интервенција на главната водоводна линија во село Горенци, во близина на надвозникот, каде што беше предизвикано сериозно оштетување на цевка со димензија 6/4 цола, која ја поврзува мрежата со локалниот резервоар.
До прекинот на водоснабдувањето дојде поради градежни активности изведени од компанијата „Синохидро“, ангажирана на терен како изведувач на инфраструктурни проекти.
Во координација со Општина Дебрца, ЈПКД „Дебрца“ успешно изврши инсталација на текомати на цевка Ф110, со цел трајно решавање на проблемот со водоснабдување дел од Подмоље и околината на „Макпетрол“, вклучително и неколку правни објекти зад објектот на „Макпетрол“.
Оваа интервенција е дел од нашите континуирани напори за подобрување на водоводната и комуналната инфраструктура на територијата на општината.
ЈПКД „Дебрца“, во координација со Општина Дебрца, успешно интервенираше на водоводната мрежа кај локацијата под пиланата ДрвоПром во село Оровник, каде што беше евидентиран дефект настанат при изведба на градежни активности од страна на фирмата „Ад Илинден“ за потребите на изградбата на автопатот.
При изведбата беше оштетен еден водоводен приклучок, со што привремено без вода остана едно Правно Лице
Jul 14, 2025
JПКД „Дебрца“, во соработка со Општина Дебрца, испрати механизација во селото Лешани, во близина на црквата „Св. Недела“. Целта на активноста е изградба на потпорен ѕид кој ќе придонесе за заштита и стабилизација на теренот во овој дел од селото.
Ова е уште еден пример за нашата континуирана посветеност кон подобрување на инфраструктурата и безбедноста во руралните средини на општина Дебрца.
Заедно создаваме подобри услови за живот!
ЈПКД „Дебрца“, во координација со Општина Дебрца, успешно интервенираше на водоводната мрежа кај локацијата спроти аеродромот во село Горенци, каде што беше евидентиран дефект настанат при изведба на градежни активности од страна на фирмата „Синохидро“ за потребите на изградбата на автопатот.
При изведбата беше оштетен еден водоводен приклучок, со што привремено без вода остана едно домаќинство.
Интервенцијата е успешно завршена, приклучокот е саниран и редовното водоснабдување е целосно воспоставено
ЈПКД „Дебрца“, во соработка со Општина Дебрца, успешно го санираше дефектот на водоводната мрежа во село Горенци, кој настана при изведба на градежни активности од страна на фирмата „Синохидро“ за изградба на автопатот.
При изведбата беа оштетени три водоводни приклучоци, со што без вода останаа три домаќинства.
Интервенцијата е завршена, приклучоците се санирани и повторно е воспоставено редовно водоснабдување.
ЈПКД „Дебрца“, во соработка со Општина Дебрца, успешно изврши чистење на дивата депонија месност Бучишта во Велмеј.
ПКД „Дебрца“, во соработка со Општина Дебрца, денес 10.072025 изврши чистење и проширување на патот кај селото Горенци, под аеродромот во правец кон Мишелчево.
Со оваа интервенција се овозможува полесен пристап до нивите во овој дел, за нашите земјоделци да можат без проблем да пристапат со комбајни и механизација, особено сега во сезоната на жетва.
Продолжуваме со активности за подобрување на локалната инфраструктура и поддршка на земјоделството!
ЈПКД „Дебрца“, во соработка со Општина Дебрца, успешно го отстрани дефектот на водоводната мрежа во село Горенци, настанат при изведба на градежни активности од страна на фирмата „Синохидро“ за изградба на автопатот.
Поради дефектот, без вода останаа три домаќинства.
Интервенцијата е завршена, водоводниот крак е саниран, и нормализиран е протокот на вода.
ЈПКД „Дебрца“, во соработка со Општина Дебрца, успешно го отстрани дефектот на водоводната мрежа во село Оровник во непосредна близина кај пиланата ДрвоПром. Благодарение на брзата и ефикасна интервенција, испораката на вода е нормализирана и навремено е спречено жителите да останат без вода.
Продолжуваме со посветена работа во интерес на сите жители на општината.
Jul 8, 2025
Деновиве интензивно се работи на проектот “Модернизација на јавното осветлување во општина Дебрца.”
Во оваа фаза ќе бидат демонтирани старите улични светилки и поставени нови лед светилки, вкупно 1.200,од кои 1100 од 30 вати, 50 од 50 вати и 50 од 70 вати.
Започнавме од село Оровник и одиме по ред.
Вкупната вредност на проектните активности за набавка на светилките,демонтажа на старите и монтажа на новите светилки изнесува 5.852.918 денари ,а средствата се обезбедени од Буџетот на општината за 2025 година.
Со овој проект на примена на нови технологии придонесуваме за поекономично трошење на електричната енергија и поквалитетно јавно осветлување.
Jun 2, 2025
Согласно Законот за заштита на населението од заразни болести ( Сл. весник на РМ 66/2004, 139/2008 и 99/2009, 149/2014 ,150/2015 и 37/2016), а врз основа на одлуката на Советот на Општина Дебрца за спроведување на превентивна систематска дезинсекција на територијата на општина Дебрца како општа противепидемиска мерка , Општина Дебрца го издава следното соопштение:
Се известуваат граѓаните кои одгледуваат пчели на подрачјето на општина Дебрца дека на ден 04.06.2025 год. (среда) ќе спроведе теристичка (од земја ) Ларвицидна дезинсекција со цел уништување на возрасни комарци и ларви од комарци.
Запрашувањето ќе се врши во период од 19.00 до 06.00 часот со апарат за УЛВ ладно запрашување .
Со дезинсекцијата ќе бидат опфатени зелените површини во Општината, подрачјето на река Сатеска, локалитетите со застојни водени површини, урбани населби и локалитети предвидени во планот и програмата.
Се молат пчеларите и пчеларските задруги да ги превземат соодветните мерки за заштита на на пчелите.
Во случај на појава на неповолни временски услови (ветар, дожд) дезинсекцијата се одложува за следниот поволен ден.
За сите информации и прашања отворен телефон за контакт во Општина Дебрца (046-286-855)
Macedonian
Albanian
Dutch
English
French
German
Greek
Polish
Serbian
Turkish