Nov 17, 2025
Во текот на вчерашниот ден во Општина Дебрца остваривме значајна работна средба со соработниците од покраината Тирол (Р. Австрија), г-дин Петер Лотар и г-дин Јоханес Пап. Со особено задоволство ја примивме нивната вредна донација – противпожарно возило што значително ќе го засили капацитетот на општината и волонтерската противпожарна служба во справување со пожари и кризнични ситуации.
Заедно со командирот Борко Јанкулоски, главниот двигател и покровител на овој важен проект, разговаравме за продлабочување на меѓусебната соработка, како и за развој на нови иницијативи во областа на заштитата и спасувањето, волонтерството и модернизацијата на опремата.
Од страна на Општина Дебрца упативме искрена благодарност и надеж за натамошна поддршка и партнерство, кои директно придонесуваат за поголема безбедност и подобар квалитет на услугите за нашите граѓани. Средбата помина во конструктивна и пријателска атмосфера, со јасна заедничка заложба за понатамошно унапредување на соработката.
Дополнително, со задоволство информирам дека е договорено Општина Дебрца да добие уште две противпожарни возила. Со тоа, нашата општина ќе располага со вкупно три противпожарни возила – сериозен чекор напред во изградбата на побезбедна и поопремена општина.
Nov 14, 2025
Денес беше извршен официјален прием на новата машина за чистење и одржување на канализационите системи, наменета за потребите на општината и ЈКП ,,Дебрца”.
Приемот беше извршен од страна на градоначалникот Златко Сиљаноски и директорот на Центарот за Југозападен Плански Регион, Валон Каба и директорот на ЈКП,, Дебрца” ,Тино Секулоски.
Општината учествуваше на повик за доделување на средства за намалување на диспаритетите меѓу и во рамки на планските региони и зголемување на регионалната конкурентност за 2025 година,објавен од Министерството за локална самоуправа и преку Центарот за развој на Југозападниот плански регион аплицираше за набавка на опрема за чистење на канализациони системи.
Со одлука на Владата на Центарот за развој на Југозападниот плански регион се доделени 1.200.000 денари за набавка на наведената опрема за потребите на ЈПКД Дебрца Белчишта.
Набавката на оваа машина претставува значаен чекор во подобрување на комуналната инфраструктура и ефикасното одржување на канализационата мрежа. Новата механизација ќе овозможи побрзо и поквалитетно решавање на затнувањата и редовно одржување на системите за одводнување, со што директно ќе се подобри квалитетот на услугите кон граѓаните.
Општина ќе продолжи да вложува во модернизација на комуналниот сектор, со цел создавање подобри услови за живот и повисок степен на јавна услуга.
Nov 14, 2025
Денес започна со чистење на крајпатна вегетација на патниот правец село Белчишта-село Ново Село и во следните денови ќе се спроведува акција за чистење на крајпатната вегетација на повеќе локални делници.
Акцијата опфаќа:
- кастрење и косење на обрасната вегетација,
- отстранување на ниски и високи гранки кои ја намалуваат видливоста,
- уредување на приодите покрај патиштата.
Целта е да се зголеми безбедноста на сообраќајот и да се подобри уреденоста на јавните површини.
Ги замолуваме жителите за разбирање и внимателно движење покрај местата каде што ќе се изведуваат активности.
Oct 14, 2025
Пристигна противпожарното возило ,донација за општина Дебрца од тиролската противпожарна бригада, Република Австрија, а кое ќе биде дадено на користење на новоформираното Доброволно противпожарно друштво “Ентузијаст Дебрца.”
Градоначалникот на општина Дебрца Зоран Ногачески изразува особена благодарност до донаторот,Противпожарната бригада на Тирол, Сојузна покраина на Австрија и до командирот на ТППЕ Охрид,Борко Јанкулоски,кој со својот несебичен ангажман е најзаслужен за реализација на оваа донација,со што се создаваат почетни услови за остварување на противпожарната заштита во општина Дебрца на поорганизирано ниво,нешто што сите овие години наназад беше основна заложба на локалната самоуправа и воопшто на граѓаните на Дебрца.
Sep 24, 2025
Во текот на Вчерашниот ден се изврши и последната фаза од процесот на спроведување на програмата за заштита на населението од заразни болести, се изврши дератизација на канализационите системи во општината.
Во процесот на дератизација беа опфатени 920 шахти во населените места, Белчишта, Регионален колектор од село Мешеишта до Оровник, село Мешеишта, село Волино, Село Горенци и село Оровник.
Дератизацијата ја изврши Трули Нолен, Дооел Скопје, овластена компанија за дератизација,дезнисекција и дезинфекција под надзор на епидемиолог од Центар за јавно здравје – Охрид.
Дератизацијата се изврши со помош на специјални хемиски средства , со цел да се спречи ширењето на заразни болести.
Средствата се обезбедени од буџетот на општина Дебрца.
Sep 17, 2025
Здружението ЕКОТУРИЗАМ 2016, Охрид со учениците од прво до деветто одделение од Општинското основно училиште „Дебрца“ и со поддршка од Општина Дебрца, организираше едукативен настан посветен на запознавање на биолошката разновидност на Белчишко Блато.
Учениците имаа можност да се запознаат со дел од богатото био-разнообразие на блатото, да идентификуваат растенија и животни, а во вториот дел од настанот го посетија и Музејот на Белчишко Блато во с. Белчишта. Ден исполнет со нови знаења, дружење и љубов кон природата!
Настанот се реализира во рамките на проектот „Регионално партнерство за подобро спроведување на зелена агенда на локално ниво“, кој се спроведува од Центар за климатски промени во соработка со партнерите: Еко зелено движење, Геосфера, Екотуризам – 2016 Охрид, Креактив, Фондација за локален развој и развој на информатички технологии, Национален ромски центар и Еко екшон, со финансиска поддршка од Швајцарската Амбасада преку програмата Цивика Мобилитас.
Macedonian
Albanian
Dutch
English
French
German
Greek
Polish
Serbian
Turkish