Aug 14, 2024
Центарот за граѓански комуникации го објави извештајот за активна транспарентност на јавни институции за 2024 година.
Активната транспарентност на општина Дебрца во 2024 година изнесува 94,2 % (од можни 100 %) со што општината се наоѓа во групата институции со ’многу добра‘ активна транспарентност (исполнување на обврските од 80 % до 100 %). Со овие бодови, општината се наоѓа на 18-та позиција од вкупно 98 рангирани институции. На ниво на Југозападен регион Општина Дебрца од трето место се искачи на второто со што општината континуирано ја подобрува својата активна транспарентност од 2017 година наваму, достигнувајќи ја највисоката позиција токму во 2024 година.
https://www.aktivnatransparentnost.mk/opshtini.html?opstina=debrca&fbclid=IwAR0TWhTTNS_q1Tr9IUa5KI1U-xsLHV1_fHApUZXfUiXfkDNUQPDrSXTE3ys
И во наредниод период ќе продолжиме со активности за подобрување на транспарентност на јавните институции под надлежност на општината и транспарентноста на работењето на самата општина.
Aug 12, 2024
Денес во општина Дебрца се оствари средба на Градоначалникот Зоран Ногачески со Г- дин Зоран Ќосески,почесен конзул на Македонија во Перт,Австралија.
Г динот Ќосески на повеќе пати организира македонски бизнисмени во Австралија,преку кои се даваат донации за општината,особено за учениците од ,,ООУ Дебрца”.
Конзулот потсети и на можноста да се користат и некои мали грантови кои ги дава Австралиската влада.
Од страна на Градоначалникот е изразена благодарност за поддршката која се дава на Општина Дебрца.
Aug 10, 2024
Во село Злести, со пригодна свеченост, во организација на гостопримливите злестовци,со ревијален натпревар и сечење на лента се пушти во употреба новиот мултифункционален спортски полигон,изграден во центарот на селото на местото од руината на дел од селскиот дом.
Вкупната вредност на работите изнесуваше 3.998.672 денари,од кои 2.500.000 ги обезбеди Бирото за регионален развој,Програма за развој на подрачја со специфични развојни потреби, а 1.498.672 денари се обезбедени од Буџетот на општина Дебрца за 2024 година.
Нека е аирлија и со здравје да се користи,исполнет со поголем број на дечиња и секако за рекреација и на повозрасните.
Jul 26, 2024
Врз основа на член 39 став 2 од Законот за локалната самоуправа (“Службен весник на РМ”, број 5/2002) и член 22, став 2 од Статутот на општината Дебрца (“Службен гласник на општината Дебрца”, број 3/2005), донесувам:
Р Е Ш Е Н И Е
за свикување на 35-та седница на Советот на општината Дебрца
Ја свикувам 35–та седница на Советот на општината Дебрца.
Седницата ќе се одржи на ден 31.07.2024 година (среда), со почеток во 10.00 часот, салата за седници на Советот на општината Дебрца.
За седницата се предлага следниот:
Д Н Е В Е Н Р Е Д
- Усвојување на записник од 34-та седница на Советот на општина Дебрца
- Предлог – Одлука за издавање согласност за формирање чисти паралелки од I до IX одделение под 20 ученици во основното училиште „Дебрца“ – Белчишта за учебната 2024/2025 година
- Предлог – Одлука за давање согласност за формирање комбинирани паралелки од I до V одделение под 10 ученици во основното училиште „Дебра“ – Белчишта за учебната 2024/2025 година
- Предлог – Одлука за давање согласност на Програмата за работа и развој за 2024 година на ЈПКД „Дебрца“ – Белчишта
- Предлог – Одлука за давање согласност на Кварталниот извештај за работењето на ЈП за комунална дејност „Дебрца“ за период од 01.07.2023 година – 30.09.2023 година
- Предлог – Одлука за давање согласност на кварталниот извештај за работењето на ЈП за комунална дејност „Дебрца“ за период од 01.102023 година – 31.12.2023 година
- Предлог – Одлука за давање согласност на Годишниот извештај за работењето на ЈП за комунална дејност „Дебрца“ за период од 01.012023 година – 31.12.2023 година
- Предлог – Одлука за давање согласност на Кварталниот извештај за работењето на ЈП за комунална дејност „Дебрца“ за период од 01.01.2024 година – 31.03.2024 година
Советнички прашања
СОВЕТ НА ОПШТИНА ДЕБРЦА
Претседавач,
Крсте Јорданоски
Jul 24, 2024
Денес на иницијатива на СВР Охрид во просториите на општина Дебрца се одржа состанок за заштита од пожари на отоврен простор, каде покрај претставници на СВР Охрид присуствуваа и претставници на месните заедници во општината, членови на Штабот за заштита и спасување во општина Дебрца како и претставници на ЈП ,, Национални Шуми” подружница ,, Галичица”.
На координативниот и советодавен состанок беше анализиран степенот на загрозеност на шумите на подрачјето на општина Дебрца како и шумски предели и необработливо земјоделско земјиште од пожари како и превенција за рана детекција на пожар на отворен простор.
Од страна на претставници на СВР Охрид присутните беа известени за формирање на мобилни тимови составени од надлежни служби кои, ќе вршат патрола на територија на општина Дебрца за избегнување на пожар на отворен простор.
Воедно присутните беа известени и за забраната за движење во шуми и шумски предели без согласност издадена од ЈП ,, Национални Шуми” подружница ,, Галичица” да не се движат во шумите и истата треба да се почитува и подлежи на санкции.
Од страна на претставници на општина Дебрца беше истакнато дека општината ќе ја прошири и подобрува соработката со сите надлежни институции особено во делот за заштита од пожари на отворено.
Воедно упативме апел до претставниците на месните заедници за соработка со мобилните тимови како и соработка со СВР Охрид се со цел избегнување на пожари, како и да ги почитуваат насоките издадени од страна на надлежните институции во Република Македонија.
Jul 11, 2024
Согласно Законот за заштита на населението од заразни болести ( Сл. весник на РМ 66/2004, 139/2008 и 99/2009, 149/2014 ,150/2015 и 37/2016), а врз основа на одлуката на Советот на Општина Дебрца за спроведување на превентивна систематска дезинсекција на територијата на општина Дебрца како општа противепидемиска мерка , Општина Дебрца го издава следното соопштение:
Се известуваат граѓаните кои одгледуваат пчели на подрачјето на општина Дебрца дека на ден 16.07.2024 год. (вторник) ќе спроведе теристичка (од земја ) дезинсекција со цел уништување на возрасни комарци.
Запрашувањето ќе се врши во период од 20.00 до 06.00 часот со апарат за УЛВ ладно запрашување .
Со дезинсекцијата ќе бидат опфатени зелените површини во Општината, подрачјето на река Сатеска, локалитетите со застојни водени површини, урбани населби и локалитети предвидени во планот и програмата.
Се молат пчеларите и пчеларските задруги да ги превземат соодветните мерки за заштита на на пчелите.
Во случај на појава на неповолни временски услови (ветар, дожд) дезинсекцијата се одложува за следниот поволен ден.
За сите информации и прашања отворен телефон за контакт во Општина Дебрца 046-286-855
Macedonian
Albanian
Dutch
English
French
German
Greek
Polish
Serbian
Turkish