Jan 22, 2026
Денес во Битола се одржа првата работна седница на Меѓуопштинскиот одбор за управување со отпад (МОУО) за Пелагонискиот и Југозападниот регион, со што започна оперативната фаза и исполнувањето на обврските од регионалниот систем за управување со отпад.
На седницата, на која учествуваа сите 18 градоначалници од двата региони во својство на членови на Одборот, како и претставници на Министерството за животна средина и просторно планирање и меѓународните партнери, беа разгледани клучните активности што ќе го одбележат периодот што следи и ќе го насочат понатамошниот развој на регионалниот систем.
На состанокот беше истакнато дека воспоставувањето на МОУО е резултат на повеќегодишна координирана работа на општините од двата региона, институциите и меѓународните партнери, и претставува важен чекор кон создавање модерен, ефикасен и одржлив систем за управување со отпад.
Во рамки на седницата беше презентирана и новата веб-платформа „Регион без отпад“, која е во изработка, а која ќе служи како централно место за информации, координација и транспарентна комуникација со јавноста, како и за следење на работата на МОУО и напредокот на регионалниот систем.
Посебен акцент беше ставен на планираните активности за првата половина на 2026 година, меѓу кои се изградбата на претоварни станици и набавка на возила и опрема, изработката на новиот Регионален план за управување со отпад, формирање на регионалното комунално претпријатие, зајакнување на комуникацијата со граѓаните, собирање и управување со податоци за отпадот, како и јасно дефинирање на обврските на општините во процесите.
Членовите на Одборот истакнаа дека наредниот период ќе биде клучен за поставување стабилни основи за функционален систем кој ќе обезбеди подобри и поефикасни услуги за граѓаните, поголема заштита на животната средина и зголемена институционална одговорност.
Со оваа седница, МОУО ја потврди својата улога како клучно тело за координација, планирање и надзор на реформите во управувањето со отпад во двата региони, со јасна заложба за транспарентност, соработка и вклучување на јавноста во процесите што следуваат.
Работата на Меѓуопштинскиот одбор за управување со отпад е поддржана од проектот „Одржливо управување со отпад на локално ниво“, финансиран од Шведска и имплементиран од SALAR International, во соработка со општините и националните институции.
Jan 14, 2026
И Оваа година Василица по традиција беше одбележана во општината Дебрца, најсреќен меѓу нас беше Даниел Паункоски кај кого заврши паричката – знак на среќа, здравје и бериќет.
Со тоа, тој го презеде кумството од поранешниот кум,а од целиот колектив доби пригодни подароци како знак на почит и чест.
Му честитаме од срце и му посакуваме здравје, успех и радост, а кумството да му донесе само убавини.
За многу години Свети Василиј – Василица!“
Dec 30, 2025
Денес Дедо Мраз под елката ни остави многу пакетчиња и донесе радост за сите најмлади во Дебрца!
Насмевки, радост и среќа за најмладите жители, кои уживаа во секој момент.
Ресторан Орфеј ни донираше 250 пакетчиња за дечињата, со љубов и внимание.
Ова е уште еден доказ дека заедно можеме да создадеме убави и топли моменти за нашите најмали.
Голема благодарност до Ресторан Орфеј за поддршката и грижата кон нашите деца.
Ви посакуваме среќни празници, исполнети со радост и насмевки!
Dec 30, 2025
Градоначалникот Златко Сиљаноски присуствуваше на предновогодишната приредба во централното училиште во с. Белчишта.
Во прекрасна празнична атмосфера, учениците и наставниците ни приредија исклучително убава и разиграна програма – со песна, рецитации, глума и многу детска радост.
Посебен впечаток остави и новогодишниот базар со креативни изработки, подготвени од учениците на предновогодишните работилници – доказ за нивната вредност, трудољубивост и талент.
Им благодарам на наставниците, учениците и родителите за поканата и топлиот пречек. На сите им посакувам многу здравје, радост и успех во Новата 2026 година!
Општина Дебрца секогаш ќе стои зад образованието и младите.
Dec 22, 2025
Вечерва бев во Мешеишта, – деца полни со енергија, идеи и љубов кон нашата традиција.
Разговаравме отворено, слушнавме искрени желби и убави замисли. Им посакавме многу здравје и успех, а како мало празнично внимание им подаривме пакетчиња, со желба овие денови да им бидат исполнети со радост и насмевки.
Им ветивме поддршка и тоа ветување ќе го исполниме. Знаеме дека условите во кои тренираат не се соодветни и тоа е обврска што сериозно ја преземаме. Ќе работиме на нивно подобрување и ќе вложуваме уште повеќе во младите.
Среќни празници и уште многу успеси!
Dec 11, 2025
Врз основа на член 39 став 2 од Законот за локалната самоуправа (“Службен весник на РМ”, број 5/2002) и член 22, став 2 од Статутот на општината Дебрца (“Службен гласник на општината Дебрца”, број 3/2005), донесувам:
Р Е Ш Е Н И Е
за свикување на 5-та седница на Советот на општината Дебрца
Ја свикувам 5–та седница на Советот на општината Дебрца.Седницата ќе се одржи на ден 12.12.2025 година (петок) , со почеток во 11.00 часот, салата за седници на Советот на општината Дебрца.
За седницата се предлага следниот:
Д Н Е В Е Н Р Е Д
- Нацрт – Годишна програма за активностите на општина Дебрца во областа на социјалната и здравствената заштита во 2026 година (Т1)
- Нацрт Годишна програма за еднакви можности меѓу жените и мажите во општина Дебрца за 2026 година
- Нацрт – Годишна програма за зимско одржување на општинските патишта и улици во општина Дебрца во зимската сезона 2025/2026 година
- Нацрт – Годишна програма за изградба, реконструкција, одржување и заштита на општинските патишта и улици во општина Дебрца за 2026 година
- Нацрт – Годишна програма за развој на локалната инфраструктура и комуналите услуги во општина Дебрца за 2026 година
- Нацрт – Годишна програма за реконструкција, модернизација, користење и одржување на јавното осветлување во општина Дебрца за 2026 година
- Нацрт – Годишна програма за развој на културата во општина Дебрца за 2026 година
- Нацрт – Годишна програма за поддршка на локалниот економски развој на општина Дебрца за 2026 година
- Нацрт – Годишна програма за одбележување годишнини на значајни настани и личности во општина Дебрца во 2026 година
- Нацрт – Годишна програма за развој на образованието во општина Дебрца за 2026 година
- Нацрт – Годишна програма за активностите на општина Дебрца во областа на односите со јавноста, комуникациите и меѓународната соработка во 2026 година
- Нацрт – Годишна програма за развој на спортот во општина Дебрца за 2026 година
- Нацрт – Буџет на ЕЛС Дебрца за 2026 година
СОВЕТ НА ОПШТИНА ДЕБРЦА
Претседател,
Иван Стрезоски
Macedonian
Albanian
Dutch
English
French
German
Greek
Polish
Serbian
Turkish