Apr 28, 2026
25 години од Вејце – 25 години сеќавање, почит и обврска да не заборавиме.
Денеска во с. Слатино, со длабока почит им се поклонивме на загинатите бранители од 2001 година, меѓу кои и Игор Костески од с. Слатино – млад човек кој својот живот го положи за Македонија.
Со особено чувство на гордост и одговорност, ја откривме бистата во негова чест. Овој спомен не е само белег на минатото, туку жив повик да ја чуваме вистината, достоинството и слободата што ни се оставени како аманет.
Ја посетивме и спомен-собата на Игор Костески, место кое тивко, но силно сведочи за неговиот живот, неговата храброст и големината на неговата жртва.
Достоинството на денешниот настан беше збогатено со настапот на оркестарот при ОУ „Дебрца“, кој со својата изведба внесе дополнителна емоција и почит кон овој значаен ден.
Присуството на припадниците на Армијата, ветераните и жителите на Слатино беше силна потврда дека споменот за нашите херои не бледнее – туку живее во нашата заедничка свест и одговорност.
Нека Слатино биде чувар на ова сеќавање, а бистата на Игор – вечен сведок на храброста и љубовта кон татковината.
Вечна му слава на Игор Костески!
Нека му е лесна земја!
Apr 27, 2026
Известување до населени места Ботун, Злести, Ново Село и Песочан за распоред за подигање на комунален отпад поради неработен ден Петок 01.05.2026 година
ЈП за комунална дејност “Дебрца” ги известува жителите на населените места Ботун, Злести, Ново Село и Песочан дека поради неработниот ден 01.05.2026г Петок (државен празник 1ви Мај – Ден на трудот), комуналниот отпад ќе се подигне во Четврток на 30.04.2026г.
Apr 23, 2026
Се известуваат граѓаните дека патниот правец на релација с.Мешеишта – с.Волино и обратно, привремено ќе биде затворен за сообраќај поради поставување на електричен кабел и изведување на градежни работи.
Затворањето ќе важи во периодот од 24.04.2026 година во деновите кои следат се до завршување на работите, во временски интервал од 8:00 часот до 17:00 часот
Се замолуваат сите учесници во сообраќајот да ги користат алтернативните патни правци и да ја почитуваат поставената сообраќајна сигнализација.
Ви благодариме за Разбирањето
Општина Дебрца
Apr 11, 2026
Во пресрет на најголемиот христијански празник Велигден, денес извршивме уредување на неколку патишта во општина Дебрца.
Со ангажман на механизација и екипите на терен, се интервенираше на делови каде беше потребно подобрување на проодноста и пристапот.
Посебно внимание беше посветено на дворните места околу верските објекти, со цел тие да бидат уредени и пристапни за сите граѓани.
Целта на овие активности е да се овозможи побезбедно движење и полесен пристап во деновите на празнување.
Како локална самоуправа, продолжуваме со посветена работа на подобрување на условите во секое населено место.
Велигден е празник на мирот, надежта и заедништвото, и токму во тој дух ги реализираме овие активности.
На сите граѓани на општина Дебрца им посакуваме среќен и благословен Велигден, во здравје, мир и радост.
Apr 7, 2026
Во организација на Министерството за животна средина и просторно планирање во соработка со општинa Дебрца, се одржа јавна расправа по Нацрт Закон за прогласување на Белчишко Блато за заштитено подрачје во категорија IV – Парк на природа
На расправата присуствуваа Градоначалникот на општина Дебрца, претставници од Министерството за животна средина и просторно планирање, Како и Ѓоко Зороски од Здружението за еко туризам,,Еко туризам 2016 “, заедно со заинтересирани граѓани,стручна јавност и претставници на невладиниот сектор. Предлог-законот, неговото значење за заштита на природните вредности на Белчишкото Блато, како и можностите за одржлив развој на регионот преку еко-туризам и заштита на биодиверзитетот. Присутните имаа можност активно да се вклучат со свои предлози, мислења и забелешки.
Сите изнесени ставови и предлози ќе бидат разгледани и земени предвид во понатамошната постапка за донесување на законот, со цел да се обезбеди транспарентен и инклузивен процес кој ќе ги штити интересите на локалната заедница и природната средина.
Коментари/мислења/сугестии по Нацрт Закон за прогласување на Белчишко Блато за заштитено подрачје во категорија IV – Парк на природа може да доставите писмено до Министерство за животна средина и просторно планирање на следнaва поштенска адреса: Плоштад „Пресвета Богородица“ бр. 3, 1000 Скопје како и на следнава емаил адреса infoeko@moepp.gov.mk, најкасно 10 дена по одржување на јавната расправа.
Организаторите се заблагодаруваат на сите учесници за нивното активно учество и придонес кон унапредување на процесот.
Macedonian
Albanian
Dutch
English
French
German
Greek
Polish
Serbian
Turkish