Apr 7, 2025
Поради интензивните врнежи од снег Општина Дебрца и Јавното претпријатие за комунални дејности „Дебрца“ веднаш излегоа на терен со лесна механизација за чистење на снег се вложија надчовечки напори до 01:40 после полноќ, но секое село беше прочистено доколку дополнително е потребно ќе се приклучат и останатите екипи и останатата механизација.
Тимовите на терен работеа на расчистување на патните правци во Горниот дел на општината, со цел да се обезбеди непречено движење на возилата и безбедноста на сите граѓани.
Активностите на терен продолжуваат и денес на расчистување на патните правци во Горниот дел на општината особено за селата Мраморец и Турије и онаму каде што е потребно, со цел да се обезбеди непречено движење на возилата и безбедноста на сите граѓани.
Апелираме до жителите да бидат внимателни и да ја прилагодат брзината според условите на патот !!!
Apr 4, 2025
Во пресрет на второто издание на Турнирот во мал фудбал “Св.Никола Требеништа 2025” ги подобруваме условите за сите посетители на оваа спортска манифестација,односно на источната страна од балон салата изградена е триредна трибина,во должина од 36 метри.
Вкупната вредност на работите изнесува 1.121.180 денари,а средствата се обезбедени од Буџетот на општина Дебрца за 2025 година.
И оваа година општината како генерален покровител ќе го помогне турнирот во мал фудбал “Св.Никола Требеништа 2025” со 80.000 денари,согласно Годишната програма за развој на спортот во општина Дебрца за 2025 година.
Feb 28, 2025
Привршуваат работите на реконструкција на локалниот пат село Злести-село Белчишта врска со регионален пат Ботун- Брежани. За реализација на проектот од Владата,преку Министерството за транспорт и врски на општина Дебрца се одобрени 8.627.682 денари, а 1.617.654 денари се обезбедени од Буџетот на општината за 2025 година.
Во активностите за реконструкција беше извршено прочистување на вегетација, геодетско обележување на траса, ископ, поставување на тампон, поставување на цевки за одводнување ископ на канали за одводнување, поставување на асфалт и банкини.
Реконструкцијата на овој локален пат ќе допринесе за побрз прокток на возила и поврзување на двете села со што се олеснува пристапот до село Злести.
Feb 7, 2025
Општина Дебрца, во соработка со ЈПКД-Дебрца, започнаа со поставување на нов водоводен крак во должина од 600 метри во село Сливово. Овој проект има за цел да го подобри снабдувањето со вода за пиење и да го зголеми квалитетот на животот на жителите на ова село. Работите се во тек, а завршувањето на проектот се очекува во најскоро време.
Jan 27, 2025
Со задоволство ја објавуваме нашата поддршка за кампањата „Општина на дланка“, иницијатива која има за цел да ја зголеми транспарентноста и отчетноста во локалната самоуправа преку подобрена употреба на општинските веб-страници.
Кампањата е подготвена од Проектот на УСАИД за зајакнување на капацитетите за искористување на ресурсите во соработка со Министерството за локална самоуправа. Нашата општина активно соработува со овој проект со цел:
- Подобрување на управувањето со општинските јавни финансии;
- Поефикасно планирање и извршување на буџетот;
- Зголемување на фискалната транспарентност и отчетност;
- Унапредување на прибирањето приходи од сопствени извори;
- Поголем пристап до надворешни извори на финансирање;
- Создавање услови за вклучување на приватниот сектор.
Целта на кампањата „Општина на дланка“ е да ги информира граѓаните и бизнисите за нивните права и обврски, како и да им обезбеди полесен пристап до општинските услуги.
Во рамките на кампањата, редовно ќе ги ажурираме нашите комуникациски канали со нови информации во надлежност на општината кои ќе ги поттикнат граѓаните да учествуваат во процесите на одлучување и да бидат активно информирани за функционирањето на општината.
Ги покануваме сите граѓани и заинтересирани страни да се приклучат на оваа иницијатива и да ја поддржат кампањата, која ќе ја зголеми транспарентноста и отчетноста во локалната самоуправа.
Посетете ја веб-страницата на општината, пребарајте и добијте ги потребните информации.
Вклучете се во креирање на транспарентна општина.
Дознајте повеќе за:
Општина на дланка (мк)
Jan 24, 2025
Започна реализацијата на проектот за реконструкција на општинскиот пат село Злести- село Белчишта / делница 1 /,во должина од 1400 метри.
За реализација на проектот од Владата,преку Министерството за транспорт и врски на општина Дебрца се одобрени 8.627.682 денари а дел од потребните средства ќе се дообезбедат од Буџетот на општината за 2025 година.
Ги информираме граѓаните,особено оние кои имаат недвижен имот покрај патниот правец,дека трасата утврдена со проектот поминува исклучиво по имот на Република Македонија и затоа проектираната траса на одредени делови не се поклопува,односно отстапува од постојната траса/ која во одредени делови поминува низ приватен имот /.
Отстапувањата од постојната траса претежно се од десната страна,кога се движите од Белчишта кон Злести.
Тоа е направено така со цел да се избегнат долгите постапки за експропријација и да не се оддолжува имплементацијата на проектот.
Macedonian
Albanian
Dutch
English
French
German
Greek
Polish
Serbian
Turkish