Jun 13, 2022
Денес во ООУ “Дебрца” градоначалникот Зоран Ногачески присуствуваше на предавањето на свидетелствата на учениците од IX одделение за завршено основно образование .
Градоначалникот на сите полуматуранти им го честиташе завршувањето на основното образование и им посакав многу успех во понатамошното образование.
На настанот, по предлог на наставниците, на ученикот Викториа Печоска, во име на општина Дебрца, и додели плакета за првенец на генерација , а на учениците Филип Донески, Ана Марија Маркоска, Христијан Ристоски, Славица Калоаноска и Марија Жилеска плакети за ученици на генерација .
На првенецот на генерација и учениците на генерација општината доделува и парична награда во износ од 5.000 денари.
Важно е да ги наградиме најдобрите и да ги мотивираме нашите ученици да продолжат така.
Општината и понатаму ќе биде поддршка за сите наши основци, средношколци и студенти на различни начини.
Наша обврска е да инвестираме во образованието, затоа што само на тој начин инвестираме во иднината на нашата општина и држава.
Feb 21, 2022
Комисијата составена од: Димитар Велјаноски како претседател-вработен во општина Дебрца, Билјана Суклоска како член-вработена во општина Дебрца и Даниел Паункоски како член-вработен во општина Дебрца, формирана со Решение бр. 09-2131/1 од 17.12.2021 година, изврши увид на поднесените документи од страна на кандидатите и согласно конкурсот за доделување стипендии на одлични ученици од општина Дебрца запишани на јавните и приватните средни училишта во Република Северна Македонија и конкурсот за доделување стипендии на редовни студенти запишани на додипломски студии од прв циклус на јавните и приватните универзитети и високообразовни установи во Република Северна Македонија за студиската 2021-2022 година, утврди дека се поднесени вкупно 44 пријави од кои 26 за средношколски, 18 за студентски стипендии.
По разгледување на документацијата доставена од кандидатите до општина Дебрца, Комисијата изврши проверка на поднесените пријави и утврди неправилности кај некои апликации за студентска стипендија. Имено, по доставено барање за информации, од Министерството за образование и наука добивме потврда дека некои од апликантите се веќе корисници на државна стипендија, што е спротивно на условите предвидени во овој конкурс. Поради горенаведеното, комисијата одлучи во целост да го поништи конкурсот за студентски стипендии и за учебната 2021/22 година да додели само средношколски стипендии.
До крајот на месец Февруари ќе биде објавен нов конкурс за студенски стипендии со корегирани критериуми.
Feb 21, 2022
Комисијата составена од: Димитар Велјаноски како претседател-вработен во општина Дебрца, Билјана Суклоска како член-вработена во општина Дебрца и Даниел Паункоски како член-вработен во општина Дебрца, формирана со Решение бр. 09-2131/1 од 17.12.2021 година, изврши увид на поднесените документи од страна на кандидатите и согласно конкурсот за доделување стипендии на одлични ученици од општина Дебрца запишани на јавните и приватните средни училишта во Република Северна Македонија за учебна 2021/2022.
Со право на стипендија во групата стипендисти запишани во јавните и приватните средни училишта во Република Северна Македонија за учебната 2021-2022 година се стекнаа следните ученици:
- Јана Владо Дуклеска
-комплетна документација и исполнети услови согласно објавениот конкурс
- Емилија Илија Целакоска
-комплетна документација и исполнети услови согласно објавениот конкурс
- Николина Димитрија Бутеска
-комплетна документација и исполнети услови согласно објавениот конкурс
- Јана Александар Сиљаноска
-комплетна документација и исполнети услови согласно објавениот конкурс
- Ивана Разме Скоклеска
-комплетна документација и исполнети услови согласно објавениот конкурс
- Тамара Дончо Бујароска
-комплетна документација и исполнети услови согласно објавениот конкурс
- Вера Панче Жилеска
-комплетна документација и исполнети услови согласно објавениот конкурс
- Бобан Петар Мијаковски
-комплетна докуемнтација и исполнети услови согласно објавениот конкурс
- Александар Љупчо Ѓорески
-комплетна документација и исполнети услови согласно објавениот конкурс
- Марија Страшо Јосифоска
-комплетна документација и исполнети услови согласно објавениот конкурс
- Оливер Никола Бутески
-комплетна документација и исполнети услови согласно објавениот конкурс
- Христина Драган Николоска
-комплетна документација и исполнети услови согласно објавениот конкурс
- Кристијан Стојмир Велјановски
-комплетна документација и исполнети услови согласно објавениот конкурс
- Тео Златко Јолакоски
-комплетна документација и исполнети услови согласно објавениот конкурс
- Илина Иљо Нечкоска
-комплетна документација и исполнети услови согласно објавениот конкурс
- Кристина Миле Јорданоска
-комплетна документација и исполнети услови согласно објавениот конкурс
- Александар Драган Дуклески
-комплетна документација и исполнети услови согласно објавениот конкурс
- Филип Науме Вичароски
-комплетна документација и исполнети услови согласно објавениот конкурс
- Климентина Сашо Бујароска
-комплетна документација и исполнети услови согласно објавениот конкурс
20. Дамјан Милан Цветкоски
-комплетна документација и исполнети услови согласно објавениот конкурс
Комисија за спроведување на конкурсот
За доделување на ученички и студентски
стипендии
Димитар Велјаноски, претседател__________
Билјана Суклоска, член______________
Даниел Паункоски, член ____________________
Dec 29, 2021
Последните денови од годината вообичаено се прави ретроспектива на тоа што сме оствариле во годината што изминува.
Наша констатација е дека голем дел од планираните проекти успешно ги реализиравме.
Дел од проектите останаа незавршени поради се уште присутната ковид криза и фактот што во последниот квартал од годината беше изборната кампања и локалните избори.
Преглед на дел од реализираните проекти во 2021 година:
санација на балон салата во село Требеништа и изработка на акрилна подлога на тениското игралиште -175.000 денари, буџет на општина,
санација на внатрешниот дел од старата училишна зграда во село Песочани (замена на старите прозори и врати со ПВЦ столарија, малтерисување на оштетените делови од внатрешните ѕидови, молерисување, поставување на ламинат, електрична инсталација, санација на влезна скала), вредност 303.897,00 денари, Буџет на општината,
монтажа на нов котел за парно греење во ПОУ с.Лешани, донација на фирмата Милкуз Дооел Охрид,
изведба на индивидуални приклучоци на канализационата мрежа во село Волино, вредност 2.360.000 денари, буџет на општина Дебрца,
санација на дел од старата училишна зграда во село Слатино (санација на кровната конструкција, три простории во објектот, надворешната врата и прозорци и предната надворешна фасада) и отворање на Спомен соба за Игор Костески, македонски бранител, припадник на Баталјонот за специјални намени „Волци“ при АРМ, учесник во воениот конфликт во Македонија во 2001 година, вредност, буџет на општина,
комплет спортска опрема и фудбалски топки за ФК Слатино, вредност 60.000 денари, буџет на општина,
набавена е приклучна механизација – мулчер, кој се приклучува на ровокопач и првенствено ќе се користи за чистење на вегетацијата околу општинските и пристапните патишта, вредност 355.950,00 денари , Буџет на општината
набавено е специјално возило за комунален отпад, вредност 1.180.000 денари, буџет на општина,
реконструкција и пренамена на старата училишна зграда во с. Брежани во планинарски дом, вредност 80.000 евра, ИПА Програма за прекугранична соработка Македонија-Албанија,
уредување на дел од централното подрачје во село Оздолени (санација на просторот околу споменикот во центарот, санација на постоечки бетонски скали и парапети, спомен обележјето, поставување на 60 м2 бекатон плочки, поставување на метална настрешница ), вредност 327.500 денари, Буџет на општината,
реконструкција на кровот на селскиот дом во село Лактиње, вредност 549.750 денари, Буџет на општина Дебрца,
реконструкција на кровот на објект на месна заедница село Ново Село, вредност 412.480 денари, Буџет на општина Дебрца,
Санација на спомен обележјето во центарот на селото. Лактиње, вредност 30.000 денари, буџет на општина,
изградба на доводниот цевковод во должина од 730 метри, набавка и монтажа на пумпна станица, електрична енергија и ставање во функција на новиот извор-бушотина за водоснабдување во село Требеништа, вредност 2.824.211 денари, буџет на општина,
уредување на улица во село Белчишта- изградба на тротоар со ширина од 1, 5 метри, на влезната улица во село Белчишта, на потегот од мостот на Голема Река до центарот на селото, во должина од 470 метри, вредност 1.559.706 денари, Програма за развој на села,
доизградба на фекална канализација за село Волино, во должина од околу 500 метри,вредност 2.608.375, Програма за развој на подрачја со специфични развојни потреби,
санација на спомен чешмата во Сливовски Анови, вредност, 235.762 денари, буџет на општина,
тампонирање на пат до црква Св.Петка, во село Требеништа, во должина од 1 км, вредност 944.000 денари, буџет на општина,
тампонирање на пат во местност Рибница, во село Оровник, во должина од 1 км, вредност 1.161.665 денари, АФПЗРР,Буџет на општина,
завршени се најголемиот дел од индивидуални водоводни приклучоци за домаќинствата во Слатински Чифлик, вредност 162.000, буџет на општина,
партерно уредување на платото пред црквата “Св.Никола” во село Брежани ( поставени 200 м2 бекатон плочки, 40 метри рабници и бетонски плочки над камена ограда, во должина од 67 метри) и уредување на платото пред црква Св.Јован Крстител, село Белчишта, 240 м2 бекатон плочки, вредност 468.637 денари, буџет на општина,
зафаќање на вода за наводнување и уредување на каналот за наводнување во село Годивје ( изграден зафат на устието на каналот за наводнување, поставени се 140 метри цевки и изграден канал со решетки, во должина од 30 метри, вредност 700.000 денари, буџет на општина,
осветлување на центарот со лед рефлектори и проширување на јавното осветлување во село Злести, вредност 50.000 денари, буџет на општина,
уредување и чистење на диви депонии ( кај фудбалското игралиште во село Лешани,кај мостот на реката Сатеска,на патот Волино-Требеништа и патот Волино-Мешеишта, во местност Селиште, Белчишта) ,
изградба на одводни канали и пропусти на улици во село Арбиново и село Велмеј,
Ставено во функција осветлувањето на новоизграденото спортско игралиште во село Лешани,
Континуирано чистење на крајпатната вегетација и снег на општинските патишта и улици,
чистење на централното речно корито во село Требеништа,
обезбедување на електрична енергија до местноста “Св.Варвара”,село Требеништа, каде е поставено православното обележје-крст и проширување на јавното осветлување во повеќе населени места,
пробивање и чистење на речното корито на т.н. “Средна Река” село Белчишта до вливот во Матицата на Белчишкото Блато и чистење на речното корито во центарот на селото,
Започнавме со реконструкција на фудбалското игралиште во с.Мешеишта,вредноста на договорот е 1.359.537 денари, а средствата се обезбедени од буџетот на општината,
извршивме осветлување на црква Св.Илија, село Лактиње,
се реализира проектот: “Дебрца-неизгаснати огништа” ( изготвени 6 документарно-патописни репортажи под рaботен наслов „Патуваме низ Славна Дебрца“, документарен филм за Дебрца и романизирана историска повест / книга, вредност 180.000 денари, буџет на општина.
Dec 24, 2021
На денешната 3-та седница, Советот на Општина Дебрца, со 10 гласа “за” го донесе Буџетот на општина Дебрца за 2022 година и Годишните развојни програми на општината за 2022 година.
.На изготвувањето на буџетот претходеше транспарентна постапка во која граѓаните, месните заедници, здруженијата на граѓани и други заинтересирани страни можеа да дадат свои предлози во поглед на креирање на буџетот за 2022 година.
Вкупниот буџет на општина Дебрца за 2022 година е проектиран на износ од 112.000.000 денари.
Основната цел на буџетот е да ги намали непродуктивните трошоци и да обезбеди простор за реализација на повеќе проекти.
На тој начин ќе се обезбеди простор за мерки и проекти кои што ќе значат зајакнување на социјалната кохезија помеѓу граѓаните и зголемување на квалитетот на живот во општината.
Во буџетот за 2022 година предвидено е реализација на капитални инфраструктурни проекти, проекти од областа на образованието, културата, социјалата, спортот, животната средина, руралниот туризам и други.
Dec 15, 2021
Врз основа на член 50, став 1 од Законот за локалната самоуправа („Службен весник на Република Македонија“ бр 5/02) Градоначалникот на општина Дебрца објавува:
КОНКУРС
за доделување стипендии на одлични ученици од општина Дебрца запишани на јавните и приватните средни училишта во Република С. Македонија за учебната 2021/2022 година
I.ВОВЕД
Општина Дебрца за учебната 2021/2022 година ќе додели стипендии на одлични ученици од општина Дебрца, запишани на јавните и приватните средни училишта во Република С. Македонија.
- II. УСЛОВИ ЗА ДОДЕЛУВАЊЕ НА СТИПЕНДИЈА
Право на стипендија имаат кандидатите кои учат во јавните и приватните средни училишта во Република С. Македонија, а ги исполнуваат следните услови:
- Да се редовни ученици од I година, кои во текот на основното образование постигнале континуиран одличен успех;
- Да се редовни ученици од II, III и IV година, кои во текот на средното образование постигнале континуиран одличен успех;
3. Да не повторувале година во текот на образованието;
- Да имаат континуирано примерно поведение;
- Да не се корисници на стипендија од други институции или фирми;
- Да се државјани на Република С. Македонија и жители на општина Дебрца.
Критериум за доделување на стипендиите се:
-остварениот успех,
-освоени награди на меѓународни/државни натпревари освоени во текот на претходните две учебни години за учениците од прва година, односно во текот на претходната учебна година за учениците од II, III и IV година.
III.НАЧИН НА ПРИЈАВУВАЊЕ
Учениците кои се пријавуваат но конкурсот, треба да го пополнат потребниот образец за пријава поставен на интернет страната www.debrca.gov.mk.
Со Пријавата потребно е да се достават следните документи:
- 1. Потврда за е редовен ученик во учебната 2021/2022 година;
- Фотокопии од свидетелствата за завршени претходни години на образованието (кандидатите од I година доставуваат свидетелства од VI-IX одделение);
- Фотокопии од дипломи за освоени награди на државни и/или меѓународни натпревари;
- Изјава потпишана од родител-старател дека кандидатот не е корисник на друга стипендија;
- Изјавапотпишана од родител-старател дека доставените документи се вистинити и податоците во нив се идентични со оние податоци внесени во пријавата;
- 6. Изјава потпишана од родител-старател за користење и обработка на личните податоци на кандидатот , со која се сложува Општина Дебрца по службена должност да ги обезбеди потребните документи од јавни институции со кои има склучено договори за соработка.
Потребните документи може да ги спуштите со кликање тука
- IV. МЕСТО И РОК ЗА ПОДНЕСУВАЊЕ НА ДОКУМЕНТИ
Пријавата со потребните документи, учениците треба да ги достават во рок од 15 дена, а најдоцна до 30.12.2021 година, на адреса: Општина Дебрца, 6344 село Белчишта, во затворен плик, со назнака: „За Комисијата за спроведување на Конкурсот за доделување ученички и студентски стипендии“.
- ВИСИНА НА СТИПЕНДИЈАТА
Висината на стипендијата ќе изнесува 1.500,00 денари месечно, за девет месеци во текот на учебната година.
VI.ЗАВРШНИ ОДРЕДБИ
Пријавите нема да бидат разгледувани доколку доставената документација е:
-некомплетна и/или
-ненавремено доставена.
Списокот со избраните кандидати ќе бидe објавен најдоцна до 15.01.2022 година на интернет страницата на Општина Дебрца.
Учениците кои ќе добијат стипендија ќе склучат договор со општина Дебрца со кој ќе се уредат меѓусебните права и обврски.
ОПШТИНА ДЕБРЦА
Градоначалник
Зоран Ногачески
Macedonian
Albanian
Dutch
English
French
German
Greek
Polish
Serbian
Turkish