Nov 12, 2024
Почитувани,
Тимот на проектот “ЕУ поддршка за Граѓанскиот ресурсен центар” организира отворен ден со граѓаните и граѓанските организации во општина Дебрца на 19ти ноември 2024 година со почеток во 11:00 часот, во просториите на Општина Дебрца. Оваа средба, која што е дел од Мобилниот ресурсен центар, планирано е да трае околу 1 час.
Целта на средбата е да се информираат локалните организации за актуелните случувања на национално ниво за развој на граѓанското општество, можностите за финансирање и јакнење на граѓанските организации, можностите што ги нуди Граѓанскиот ресурсен центар, ЕУ агендата и други теми и прашања кои се од интерес за функционирањето на организациите на локално ниво. Покрај граѓанските организации на настанот поканети се и претставници на општинската администрација, млади активисти и волонтери и претставници на бизнис заедницата што соработуваат со граѓанските организации.
Ве молиме да го потврдите вашето учество на: marija@adi.org.mk и/или 071 865-053.
Проектот ЕУ поддршка за Граѓански ресурсен центар – фаза 2 е финансиран од Европската Унија а го спроведува Фондацијата Граѓански ресурсен центар, Македонски центар за меѓународна соработка, Асоцијација за демократски иницијативи од Гостивар и Медиа плус, Штип.
Со почит,
Тимот на Граѓански ресурсен центар
Nov 7, 2024
Деновиве во село Арбиново се работи на проширување на уличната водоводна мрежа,односно изградба на доводен крак / ископ на каналски ров и монтажа на полиетиленско црево за водоснабдување ф 63 /, во должина од 900 метри, со што со вода за пиење од водоводниот систем ќе се обезбедат и домаќинствата во долниот дел на селото, односно до автопатот во изградба.
Работите ги изведува ЈПКД “Дебрца”- Белчишта,а средствата се обезбедени од Буџетот на општината за 2024 година
Nov 1, 2024
Како локална самоуправа деновиве исполнуваме едно дадено ветување,еден своевиден аманет, односно започнавме со уредување на поширокиот простор околу црквата“Св.Вартоломеј” село Годивје, со поставување на бекатон , на површина од 950 м2.
Тоа е еден наш мал придонес кон ова свето место.
Nov 1, 2024
Во село Мешеишта продолжуваме со доизградбата на канализациониот систем, во деловите/улиците кои не беа опфатени со првичниот проект од пред неколку години.
Општината издвои дополнителни средства од Буџетот за 2024 година , во износ од 4.188.420 денари за доизградба на уште шест канализациони краци, во вкупна должина од 750 метри и 25 ревизиони шахти.
Претходно, оваа година беа изградени 7 секундарни краци, во должина од 590 метри, и 16 ревизиони шахти, а за што беа инвестирани 2.614.262 денари,од кои 2.500.000 беа обезбедени од Министерството за животна средина и просторно планирање,Програма за животна средина за 2024 година, а 114.262 денари се од Буџетот на општината за 2024.
Според тоа,во текот на оваа година за доизградба на канализационата мрежа во село Мешеишта општината инвестира вкупно 6.802.682 денари или околу 110.000 евра.
Општината ќе издвои дополнителни средства и во Буџетот за 2025 година за доизградба на преостанатите неколку канализациони краци.
Oct 28, 2024
Вчера во Владата Градоначалникот Зоран Ногачески присуствуваше на склучување на договор за користење на финансиски средства од Програмата на Владата за финансирање на инфраструктурни проекти во општините.
Во рамките на Јавниот повик на Владата општина Дебрца аплицираше со проектот за реконструкција на општинскиот пат село Злести- село Белчишта / делница 2 /,во должина од 1400 метри.
За реализација на проектот од Владата,преку Министерството за транспорт и врски на општина Дебрца се одобрени 8.627.682 денари.
По спроведување на тендерската постапка проектот ќе се имплементира.
Oct 17, 2024
Денес во село Белчишта свечено беше отворен Изложбениот центар за Белчишко Блато / Природнонаучна и етнолошка збирка. Изложбениот центар е дел од проектот “Подобрување на конзервацијата на приоритетните растенија во прекуграничната област”,conse-pp, проект кој општина Дебрца го имплементираше со своите партнери од Македонија и Грција,со средства обезбедени од ИПА програмата за прекугранична соработка Македонија-Грција и во чии рамки беше реконструиран и опремен стариот објект во центарот на село Белчишта,каде е сместен Изложбениот центар.
Во Центарот преку текстови, фотографии и примероци од растенија и животни прикажани се многу сегменти од флората и фауната, со кој располага Белчишкото Блато, најголемото блато, сочувано во неговата оригинерна форма
Градоначалникот Зоран Ногачески изрази голема благодарност до Делегацијата на ЕУ во Македонија,која финансиски ја помогна реконструкцијата и опремување на објектот, во кој е сместен Изложбениот центар како и US FOREST Service.
Градоначалникот Зоран Ногачески изрази благодарност и до Здружението за екологија и туризам “Екотуризам 2016”, Охрид,кое заедно со општината годиниве работеше на повеќе проекти за Белчишкото Блато, од кои најзначајни се тие за изготвување на целокупната документација за оправданоста за прогласување на Белчишкото Блато за заштитено подрачје,во категорија “Парк на природата”,постапка која е во тек. Тимот на “Екотуризам 2016”, на чело со Ѓоко Зороски и општинскиот тим се погрижија за креирање на сите содржини внесени во центарот.
Со отворањето на Центарот општина Дебрца добива уште еден атрактивен простор,преку кој се репрезентира дел од природното богатство на Дебрца,кое е дел од светското природно наследство.
Крајно, нашата заложба е Изложбениот центар да биде дел од промовирањето на Белчишкото Блато до сите засегнати чинители /туристи,посетители,ученици,стручна јавност/, а Белчишкото Блато да го добие заштитениот статус и по националната регулатива и како идно европско заштитено подрачје, во рамките на Натура 2000. Наша обврска останува да се обезбеди негово одржливо управување,зачувување на неговиот заштитен статус,но и негово искористување како атрактивна туристичка дестинација.
Изложбениот простор ќе може да се посети секој работен ден од 8:00 часот до 14:00 часот со предходна најава во општина Дебрца на телефон 046/286-855
Macedonian
Albanian
Dutch
English
French
German
Greek
Polish
Serbian
Turkish