Jul 25, 2019
Денес, во Охрид градоначалникот Ногачески оствари неформална средба со градоначалникот на Модра, Моравија, Република Чешка, Г-дин Мирослав Коварик.
На средбата разменија информации за своите општини, како и за воспоставување на поблиска соработка меѓу дваете општини, особено во областа на културата и туризмот.
Градоначалникот на Модра го запозна Ногачески со европски подржаниот проект за откривање и популаризација на патот на Светите Кирил и Методиј, во Моравската мисија и нивната намера со проектот да бидат опфатени сите градови и области , каде што Светите браќа Кирил и Методиј ја вршеле својата просветителска дејност и ја ширеле словенската писменост.
Средбата ја завршија со желба за понатамошна соработка и отворена покана од Ногачеаки за посета на општина Дебрца, односно од страна на Коварик за посета на општина Модра.
Jun 1, 2019
Градоначалникот Ногачески синоќа присуствува, на Собир со граѓаните на село Белчишта.
Транспарентно и отворено дебатиравме за тековните проблеми, планираните проекти, актуелниот проблем со кучињата на еден жител на селото, чистењето на одводните канали, доизградбата на фекалната канализација, реновирањето на големата сала во општинската зграда, реконструкцијата на објектот-изложбен центар на Белчишкото Блато, уредувањето на плоштадот и речното корито во центарот и други проблеми и проекти.
Транспарентна и отворена општина, за сите .
May 27, 2019
Денес градоначалникот Зоран Ногачески присуствуваше на презентацијата за проектот: “Одржлив и инклузивен рамномерен регионален развој, што го имплементира Министерството за локална самоуправа и Кабинетот на заменик претседателот на Владата, задолжен за економски прашања, а со поддршка на Швајцарската агенција за развој и соработка ( СДЦ ).
Во рамките на проектот има грантови шеми за инвестициски и иновативни проекти, за кои општините аплицираа преку Центарот за развој на Југозападниот плански регион.
Општина Дебрца аплицираше и доби средства во двете грантови шеми.
Во грантовата шема за инвестициски проекти аплициравме со проектот: “Уредување на атрактивни зони и патеки во Југозападниот плански регион” и со одобрените околу 20.000 CHF ќе внесеме нови туристички содржини на Слатинско Езеро ( со автохтон камен ќе се уреди пешачка патека во должина од 150 метри, ќе се изгради паркинг, три летниковци и ќе се постави урбана опрема), а новата патека ќе се постави на Андроид ГИС апликацијата SW Macedonia attractions.
Следна задача ќе ни биде да ги анимираме сите чинители, а особено АД “Водостопанство на Македонија”, кое стопанисува со овој воден ресурс, по завршената санација на браната да се изврши чистење на езерото од вегетацијата и да се врати неговата природна убавина.
Во грантовата шема за иновативни проекти аплициравме со проектот: “Визуелизација на туристички атракции во Југозападниот плански регион” и со одобрените средства ќе се набави инфо киоск, кој ќе се постави на инфо точка ( info touch panels ), пред општинсклата зграда, во село Белчишта, со текстови и фотографии на туристички атракции во општина Дебрца, со превод на содржините на англиски јазик, софтверско решение за презентација на туроистичките атракции, односно ќе се обезбеди достапност до информации преку инфо точките за граѓаните и туристите. За овој проект се обезбедени 38.980 CHF за 4 општини ( Дебрца, Дебар, Вевчани и Македонски Брод ).
May 24, 2019
Македонија денес го чествува ликот и делото на сесловенските просветители, светите Кирил и Методиј , кои оставија траен белег не само во македонската култура и историја, туку и во европската цивилизација.
Македонија е особено горда на фактот што искрата на сесловенското просветителство започна од тука. Светите Кирил и Методиј со своето лик и дело вечно ги задолжија сите словенски народи и воопшто, европската и светската култура и цивилизација.
Наша обврска и аманет е да го продолжиме нивното дело, да продолжиме да го негуваме и зачуваме нашиот јазик, традиција и идентитет и на тој начин да придонесуваме кон збогатување на културната ризница на Европа.
Нека ни е честит Денот и Големото дело на светите Кирил и Методиј .
May 9, 2019
Градоначалникот на општина Дебрца, Зоран Ногачески оствари средба со претставници од Ботаничкото друштво од Женева. Шеснаесет научници – ботаничари направија прошетка на Белчишко Блато и се воодушевија од богатството на растителен биодиверзитет. Градоначалникот ги запозна гостите со можностите кои ги нуди блатото како за научни истражувања, така и за развој на екотуризам и за плановите на Општина Дебрца за проекти поврзани со него.
Разгледот на блатото беше овозможен од проектот „Подобрување на управувањето и одржливо користење на Белчишко Блато (Сини Вирој)“, имплементиран од здружението „Екотуризам 2016“, и канцеларијата на UNDP, а финансиран од ЕУ, односно координаторот Ѓоко Зороски и проф. д-р Бојан Симовски од шумарскиот факултет, Скопје.
Задоволни од виденото, научниците ќе ги преточат своите впечатоци во статија во нивниот годишен журнал. Тоа ќе придонесе за промоција на блатото за швајцарските туристи како екотуристички локалитет и се отвора поле за соработка со општината.
Инаку, Ботаничкото друштво од Женева е угледна организација, основана во 1875 година која се занимава со проучување на флората од Европа, организира научни екскурзии и издава научни списанија.
Macedonian
Albanian
Dutch
English
French
German
Greek
Polish
Serbian
Turkish