Со цел да се излезе во пресрет на барањата на земјоделците се известуваат дека рокот за поднесување на пријави на штетите на земјоделските култури предизвикани од атмосферската непогода – град која ја зафати територијата на општина Дебрца на ден 24 Јуни 2023 година се продолжува до 14.07.2023 година.
ОПШТИНА ДЕБРЦА
Комисија за проценка на штети
Последниве неколку месеци сведоци сме на неконтролирано депонирање на инертен отпад/градежен шут на секаде, и на места кои во изминативе години на трошок на Општина Дебрца по неколку пати биле чистени, со што директно се загрозува природната и животната средина.
Како детектирани места каде се одлага градежниот шут се :
-Кај мостот на патот Волино Требеништа и покрај старото корито на река Сатеска, во местноста Аџица, село Волино,
-Во непосредна близина на каптажите за вода,кај Св.Мартинија,село Требеништа,
-Под поранешното фудбалско игралиште,село Оровник ,
-Црвени Брегови,село Мешеишта
-На влезот во село Грко Поле,
-Кај фудбалското игралиштето,село Лешани,
-Кај Царо Поле,село Ново Село,
-Долж патот од Белчишта кон Сини Вирој.
Сите овие локации во изминатиот период општината ги има повеќекратно чистено.
90% од прекршителите се детектирани и на сите ќе им бидат доставени записници и задолженија во најкраток рок да ги санираат локациите или отстранат отпадот.
Во спротивно,ќе бидат поднесени пријави, за кои согласно законот се изрекуваат високи глоби.
Согласно член 54 од Законот за управување со отпад инертниот отпад се депонира на депонии за кои општината има добиено согласност од Министерството за животна средина. Бидејќи општина Дебрца нема таква депонија инертниот отпад треба се депонира кај овластени собирачи на таков отпад,за што се плаќа одреден надоместок.
Сите прекршители кои нема да постапат по задолжението на општината ќе бидат и јавно објавени.
Ги повикуваме граѓаните до општината да го пријавуваат секој ваков случај.
Нула толеранција за дивите депонии.
Денес во Канцеларијата на УНДП ( Програмата за развој на Обединетите нации ) за Македонија, во Скопје, се изврши потпишување на договорот за изградба на детско игралиште во село Требеништа , хортикултурно уреден простор, во склоп на спортското игралиште.
Проектот се реализира во рамките на програмата “Зајакнување на општинските совети – фаза 2”, која ја финансираат Швајцарската влада и Министерството за локална самоуправа, а ја кофинансира и спроведува Програмата за развој на Обединетите нации (УНДП) во соработка со национални и локални партнери.
Вкупната вредност на проектот изнесува 2.605.212 мкд, од кои 70% или 1.953.909 мкд се грант на донаторот, а 30% или 651.303 мкд се учество на општина Дебрца.
По регистрација на проектот во Секретаријатот за европски прашања ( СЕП ) и Управата за јавни приходи за ослободување на проектните активности од ДДВ и спроведување на тендерската постапка ќе се пристапи кон имплементација на проектот.
Во рамки на “Проектот за енергетска ефикасност во јавниот сектор во РСМ” кој се реализира од страна на Единицата за спроведување на проектот при Министерството за финансии со финансиска поддршка од Светска Банка, Општина Дебрца аплицираше со под-проект за „Енергетска ефикасност за улично осветлување за општина Дебрца“.
Согласно Рамката за животна средина и социјални работи изготвена врз основа на барањата на Светска Банка беше подготвен документ “План за намалување на влијанијата врз животната средина и социјалните работи” во кој се анализирани влијанијата врз животната средина и социјалните работи кои ќе произлезат од планираните активности на под-проектот. Овој документ е поставен за јавен увид на официјалните веб страници на:
Министерството за финансии (Под-проекти за енергетска ефикасност во единиците на локална самоуправа – finance.gov.mk) и на:
Општина Дебрца: www.debrca.gov.mk
Вашите коментари може да ги доставите во рок од 30 дена од поставување на документот на веб страна, преку пополнување на формуларот кој е достапен на веб страната на општина Дебрца
Во текот на периодот наменет за јавни консултации за ПУЖССР, ќе се одржи и јавна расправа за документот, на 10.07.2023 (понеделник) со почеток во 12.00 часот во просториите на општина Дебрца, со следниот дневен ред:
Формулар за поднесување коментари за ПУЖССР на подпроекти на општините
ПУЖССР – Контролна листа – за подпроект за улично осветлување – општина Дебрца
Известување-и-Дневен-ред-за-јавни-консултации-на-ПУЖССР-подпроект-општина-Дебрца
Датум на објава: 30.06.2023
Министерство за финансии
Единица за спроведување на проектот и
Општина Дебрца
Деновиве интензивно се работи на решавање на уште еден проблем во врска со водоснабдувањето во општината, проектот за реконструкција и санација на каптажата и дел од водоводната мрежа во село Сливово.
Се извршува целосна реконструкција на каптажата и поставување на HDPE водоводно црево фи 63, во должина од 400 метри.
Вкупната вредност на работите изнесува 468.608 денари, а средствата се обезбедени од буџетот на општина Дебрца за 2023 година.
Следна активност е изградба на нов водоводен крак, во должина од 1 км, во село Арбиново.
Ставена е во функција пумпната станица ” Св.Еразмо”.
Со демонтажа на постоечките метални водоводни цевки ф315 мм и замена со полиетиленска HDPE цевка ф315 PN 16 во должина од 180м како и замена на фасонските елементи кои се составен дел од овој водводен систем, решена е една од најкритичните точки од водоводниот систем, на потегот каде што поради застареност и корозираност на цевките се појавуваа многу чести дефекти и испади на целиот водоводен систем од “Св.Еразмо.”
Вкупната вредност на работите изнесува 3.782.826 денари, средства обезбедени од буџетот на општината за 2023 година.
Macedonian
Albanian
Dutch
English
French
German
Greek
Polish
Serbian
Turkish