Sep 8, 2023
По повод 8-ми Септември, Денот на независноста на Република Македонија, градоначалникот на општина Дебрца Зоран Ногачески упати честитка до сите граѓани на Република Македонија, во која се вели:
Дозволете ми да Ви го честитам 8-ми септември, Денот на независноста, со желби за мирна и просперитетна иднина на сите граѓани.
На овој голем ден, пред точно 32 години на 8-ми септември 1991 година, граѓаните на Република Македонија на референдум јасно и недвосмислено ја изразија својата определба за независна, самостојна и суверена Република Македонија. Од тогаш Македонија гордо чекори по патот на независноста, самостојноста и сувереноста но надоградуваќи се и со меѓународните интеграции.
Денот на независноста e во колективаната меморија на Македонскиот народ како нераскинлив дел од сите нас за исполнување и продолжување на сонот и желбата на нашите предци за слободна, самостојна, суверена и независна Република Македонија.
Ја користам оваа прилика во мое лично име и името на вработените во општина Дебрца уште еднаш да ги повторам моите искрени желби за мир, стабилност, економски просперитет и општа благосостојба на сите граѓани и воедно Ви посакувам пријатно празнично расположение.
И нека ни е честит и вековит Денот на независноста на Република Македонија !
May 1, 2023
Почитувани сограѓани, почитувани работници !
Ви го честитам 1.Мај- Меѓународниот ден на трудот со желба за успех во работата, зачувување и унапредување на правата на работниците, достоинствен третман од општеството и заедницата кон вашиот труд и соодветна валоризација на истиот.
Работникот е нераскинлива алка во сите економски,стопански и општествени текови во општината и државата и затоа ја заслужувате сета почит, внимание и достоинствено вреднување на Вашиот труд.
Бидете секогаш горди и достинствени на тоа што го работите, но бидете сложни и истрајни за унапредување на Вашите работнички права.
Честит, 1.Мај – Меѓународниот ден на трудот
Apr 21, 2023
На сите верници од исламската вероисповед им го честитам големиот муслимански верски празник Рамазан Бајрам.
Рамазан Бајрам е радост за сите муслимански верници, вдахновение на љубовта, верноста, мирот, како и поттик за создавање на што подобри односи со блиските, пријателите и со сите луѓе со добра волја.
Нека овој Рамазански Бајрам уште еднаш нè потсети на трајноста на овие духовни вредности и дека со нивно негување, исполнетост со меѓусебно почитување, соживот и соработка, можеме да постигнеме темелен напредок во нашето општество.
Честит Рамазан Бајрам
Apr 15, 2023
Почитувани граѓани, православни христијани,
Во името на општина Дебрца и во мое име Ви го честитам најголемиот христијански празник, Воскресението Христово.
Празникот над празниците секогаш потсетува на трајните вредности на православната вера – љубов, толеранција, простување.
Христовото Воскресение, како најторжествен христијански празник, кога ја славиме победата на животот над смртта, нека Ви донесе радост, среќа, спокој и благосостојба во Вашите домови, како и здравје и хармонија во Вашите семејства.
Христос Воскресе !
Jan 6, 2023
Почитувани сограѓани, православни христијани,
Божик-Христовото раѓање е најрадосниот ден во христијанството, величествен ден за човештвото, празник на мирот и празник на радоста.
Господ Исус Христос во една прилика им порача на своите апостоли: „Мир ви испраќам од небото“.
Тој Мир посакувам да се всели во срцата и душите на сите Нас, да ги посети сите наши домови и тој Мир да ни даде сила во деновите кои доаѓаат, за да се справиме со сите искушенија и нека празникот на Христовото раѓање биде водилка за сите Нас, на патот на меѓусебното почитување, толеранција , љубов и разбирање.
Со желби, радоста на Божик Ви донесе среќа и благосостојба во Вашите домови и ги огрее срцата на сите луѓе со добра волја, Ве поздравувам со радосниот поздрав :
Мир Божји – Христос се роди !
Jan 1, 2023
Сакам најтопло да Ви ја честитам Новата година со најискрени желби.
Во новата година да го исполниме нашето секојдневие со љубов, верба и надеж и заеднички да продолжиме да ја градиме нашата и иднината на нашите деца.
Ви посакувам добро здравје и празнична топлина во Вашите домови.
Нека ни е среќна и бериќетна Новата 2023 -та година.
Macedonian
Albanian
Dutch
English
French
German
Greek
Polish
Serbian
Turkish