Ве известуваме дека рокот за пријавување на материјални штети на земјоделските култури предизвикани од атмосферската непогода –град која ја зафати територијата на општината на ден 28.05.2022, наместо 14.06.2022 година ќе биде продолжен до, заклучно со 17.06.2022 (петок) .
Барањето за пријавување на штета на земјоделските култури може да се преземе на од веб страната на debrca.gov.mk и пополнето со бараните податоци се доставува до архивата на општина Дебрца.
Покрај барањето секој барател треба да достави:
копие од лична карта со изјава за користење на личните податоци потпишана од барателот;
копие од трансакциска сметка;
доказ за основ на користење на земјиштето за насадите ( копие од решение за запишување на земјоделско стопанство во Единствениот регистар на земјоделски стопанства издадено од МЗШВ; или копие од имотен лист; или копие од договор за закуп ).
За сите дополнителни информации може да се обратите на тел. 046 286 855.
Општина Дебрца како партнер-општина на Проектот на УСАИД за зајакнување на капацитетите за искористување на ресурсите се приклучува кон кампањата „Мојот данок, за мојата општина!“
Едукативната кампања „ Мојот данок, за мојата општина! “има за цел да ја информира јавноста дека плаќањето данок на имот е должност на секој граѓанин-даночен обврзник, но во исто време и придонес на поединецот за градење на подобра иднината на општината.
Доколку поседувате имот во одредена општина, тогаш автоматски сте даночни обврзници со законско право на даночно решение за вашиот имот, но, и законска обврска и лична должност за навремено подмирување на данокот.
Секој граѓанин-даночен обврзник треба да знае дека со навремено подмируваме на данокот на имот, го полни директно општинскиот буџет, преку кој се реализираат сите планирани јавни и инфраструктурни проекти. Со ова, едноставно кажано, секој од нас лично придонесува за развојот на општината, која во иднина ќе ја красат: нови градинки, нови игралишта, нови улици, нови училишта, ново осветлување, нови паркови, еколошки проекти, нови проекти за економски развој.
Оваа кампања оттаму, цели и да придонесе кон навремено и прецизно информирање на даночните обврзници за сите права и обврски, како и правата и обврските на општината поврзани со данокот на имот.
За да дознаете повеќе за данокот на имот погледнете го видеото во прилог и информирајте повеќе од летокот објавен на следниот линк.
Денес со потпишување на договорот помеѓу општина Дебрца и фирмата Али Фреш Фруит ДОО и официјално се отвори првиот откупен пункт за земјоделски производи/овошје во општина Дебрца.
Откупниот пункт ќе биде лоциран во село Требеништа, во големата сала на селскиот Задружен дом. Пред потпишувањето на договорот, за јавниот простор се спроведе постапка за јавно наддавање и издавање под закуп на деловниот простор за период од 15 години.
Според договорот, закупувачот е должен да инвестира во реконструкцијата и адаптацијата на деловниот простор согласно намената и инвестиционата програма.
Со оваа постапка правиме еден голем исчекор напред кон подобрување на квалитетот на услугите при откупот на земјоделските производи и промоција на производството во општина Дебрца, со што се отвораат и нови можности за иднини инвеститори.
Деновиве Јавното претпријатие “Дебрца” интензивно врши изведба на индивидуални приклучоци на новоизградената канализациона мрежа на заинтересирани граѓани/домаќинства во село Волино.
Сите заинтересирани за приклучок можат да се јават во Јавното претпријатие.
Изведбата се врши со сопствен или материјал набавен од Јавното претпријатие.
Приклучната такса изнесува 1700 денари.
Апелираме сите домаќинства да се приклучат на канализационата мрежа, бидејќи на тој начин даваме придонес за заштита на животната средина.
За целосно ставање во функција на канализационата мрежа преостанува изградбата на третата пумпна станица за објектите во местноста “Св.Петка”, кое се очекува да биде завршено во наредните месеци.
Општина Дебрца организира дводневна посета на 89-ти Меѓународен земјоделски саем “Нови Сад 2022”, Република Србија, кој ќе се одржи од 21-27 Мај 2022 година.
Меѓународниот земјоделски саем во Нови Сад е најголемиот саемски настан во Србија и еден од најголемите во Европа во областа на земјоделството. На него се претставуваат најзначајните компании во агроиндустријата, земјоделското производство, механизацијата, како и најдоброто во сточарството. Неодминливо место е за земјоделците и професионалната публика, на која земјоделството и е во фокусот на вниманието.
Општина Дебрца на земјоделците им обезбедува несекојдневна можност да бидат дел од овој настан.
Посетата на саемот е планирана за 25 и 26 Мај 2022 година, со едно ноќевање.
Трошоците за превоз се покриени од општината, а Ваше е да ги надоместите трошоците за ноќевањето ( околу 20-25 евра ноќевање со појадок ).
Од организациски причини ги замолуваме заинтересираните земјоделци и други граѓани, да се пријават најдоцна до 9 Април 2022 година, во архивата на општина Дебрца или на следниот контакт:
Телефон: 046/286-855 или е-маил contact@debrca.gov.mk
Општина Дебрца Ве поканува на консултативен состанок за нацрт-студијата за валоризација на Белчишко Блато (Сини Вирој). Добредојдени се сите коментари кои би сакале да ги споделите за време на состанокот кој ќе се одржи во Општина Дебрца на 9 март (среда) 2022 г. со почеток во 10.30 часот. На состанокот ќе може да се присуствува и преку Zoom – платформата на следниот линк
11.00 – 11.10. ч. Вовед во состанокот, Ѓоко Зороски, Здружение за екологија и туризам „Екотуризам 2016“, Охрид / поздравно обраќање, Зоран Ногачески, градоначалник на Општина Дебрца
11.10 – 11.30 ч. Презентација на нацрт Студијата за валоризација, Д-р Даниел Богнер, консултант (Zoom платформа) и Ѓоко Зороски, „Екотуризам 2016“, Охрид
Macedonian
Albanian
Dutch
English
French
German
Greek
Polish
Serbian
Turkish