Oct 1, 2021
Во недела, 3 октомври, пред Спомен домот, местото и објектот каде, во 1943 година, Главниот штаб на НОВ и ПО на Македонија, го објавија Манифестот до македонскиот народ за целите на анти-фашистичката војна, воедно и патронат на Општина Дебрца, во селото Црвена Вода, со почеток во 10 часот, предвидено е положување на свежо цвеќе од страна на преставници на Општина Дебрца, Сојузот на борци и граѓани продолжувачи на традицијата на Охрид и Дебарца, АРМ и МЗ Црвена Вода.
Поради состојбата со Covid 19 – и оваа година настанот се одбележува со помал број на присутни делегации почитувајќи ги здравствените протоколи.
Sep 22, 2021
Утрово бев во посета на свињарската фарма Папу, која е лоцирана на влезот од селото Белчишта.
Во придружба на домаќинот на фармата, имав можност од блиску да ги видам новите производствени капацитети кои се изградени по најсовремени стандарди, со кои сега оваа свинарска фарма го проширува производствениот капацитет на 72 мајки.
Базата за успехот и профитабилноста на оваа свињарска фарма лежи во одгледувањето на товенци со висок генетски потенцијал каде се запазани сите стандарди на GGP-GP.
Ваквиот тип на инвестиции се од особено значење за Локално -Економски развој на општина Дебрца.
Sep 9, 2021
Во име на Општина Дебрца и во мое име, сакам да изразам искрено
сочувство до семејствата и роднините на жртвите кои несреќно ги загубија животите во страшната несреќа која се случи синоќа во Тетово.Во овој тажен момент, нашите мисли се со сите нив. На сите повредени во несреќата им посакуваме брзо закрепнување.
Aug 28, 2021
Почитувани верници од православна вероисповед.
Ви упатувам искрени честитки по повод големиот христијански празник Успение на Пресвета Богородица.
На овој празничен ден да испратиме порака дека како што се воздигнала Богородица и се искачила кај своето чедо Исус Христос, така заедно сите да се воздигнеме во вредностите кои се наше секојдневие – да бидеме добри луѓе, да подадеме рака, да помагаме, да се сакаме, да се почитуваме.
За многу години!
Aug 25, 2021
Согласно Законот за заштита на населението од заразни болести ( Сл. весник на РМ 66/2004, 139/2008 и 99/2009, 149/2014 ,150/2015 и 37/2016), а врз основа на одлуката на Советот на Општина Дебрца за спроведување на превентивна систематска дезинсекција на територијата на општина Дебрца како општа противепидемиска мерка ЈЗУ Центар за јавно здравје Охрид го издава следното соопштение:
Се известуваат граѓаните кои одгледуваат пчели на подрачјето на општина Дебрца дека на ден 27.08.2021 год. (петок ) екипите на Центар за јавно здравје Охрид ќе спроведат теристичка (од земја ) дезинсекција со цел уништување на комарците. Запрашувањето ќе се врши во период од 21.00 до 06.00 часот со апарат за УЛВ ладно запрашување .
Со дезинсекцијата ќе бидат опфатени зелените површини во Општината, подрачјето на река Сатеска, локалитетите со застојни водени површини, урбани населби и локалитети предвидени во планот и програмата.
Се молат пчеларите и пчеларските задруги да ги превземат соодветните мерки за заштита на на пчелите.
Во случај на појава на неповолни временски услови (ветар, дожд) дезинсекцијата се одложува за следниот поволен ден.
За сите информации и прашања отворен телефон за контакт во Центар за јавно здравје Охрид е 231 881: 230 231.
Со почит,
Одделение за епидемиолошка дејност
Охрид
25.08.2021 година
Aug 3, 2021
Деновиве сме сведоци на значително зголемени температури, зголемена фреквенција на посетители и зголемена опасност од пожари, а во некои делови од државата и од ширење на веќе активни пожари. На територија на општина Дебрца сме биле сведоци на повеќе пожари од ваков тип
Заради тоа, а со цел заштита на личната безбедност на посетителите и граѓаните, како и заради заштита од горенаведените опасности, општина Дебрца ја информира јавноста за одлуката на Владата за целосна забрана за движење низ шумските подрачја.
Одлуката од страна на Владата стапува на сила од денес, 3 август, а ќе трае до одповикување на истата.
Да покажеме поголема одговорност во заштитата на природата и безбедноста по човековото здравје,
Ви благодариме!
Macedonian
Albanian
Dutch
English
French
German
Greek
Polish
Serbian
Turkish