Oct 2, 2020
Во сабота, 3 октомври, пред Спомен домот, местото и објектот каде, во 1943 година, Главниот штаб на НОВ и ПО на Македонија, го објавија Манифестот до македонскиот народ за целите на анти-фашистичката војна, воедно и патронат на Општина Дебрца, во селото Црвена Вода, со почеток во 10 часот, предвидено е положување на свежо цвеќе од страна на преставници на Општина Дебрца, Сојузот на борци и граѓани продолжувачи на традицијата на Охрид и Дебарца, АРМ и МЗ Црвена Вода.
Поради состојбата со Covid 19 – оваа година настанот се одбележува со помал број на присутни делегации почитувајќи ги здравствените протоколи.
Oct 1, 2020
Денес во ООУ “Дебрца” започна новата учебна година.
Во сите училишта наставата е со физичко присуство на учениците, освен во ПУ Мешеишта и ПУ Требеништа, во кои за учениците од шесто до деветто одделение наставата се спроведува онлајн. Во сите училишта се применуваат здравствените протоколи за заштита од ковид 19 вирусот. На сите ученици, а посебно на првачињата им посакав успех во учењето. – изјави градоначалникот Ногачески во рамките на посетата.
Претходно, според одлуката на Советот, воспитно-образовниот процес ќе се реализира согласно Планот за одржување на наставата во основните и средните училишта во учебната 2020/2021 година и Протоколот за постапување на основните училишта за реализација на воспитно-образовниот процес со физичко присуство на учениците во учебната 2020/2021 година, донесени од Владата.
Барањето за настава со физичко присуство на учениците, со образложение за исполнетоста на условите и критериумите од Планот и Протоколот, изготвено од ООУ„Дебрца“, Белчишта беше проследено до Комисијата формирана од Владата за разгледување на поднесени барања за организирање на настава со физичко присуство, и истата доби согласност од Владата за организирање на наставата со физичко присуство на учениците во училиштето.
Sep 10, 2020
Советот на општина Дебрца на вчерашната седница донесе одлука воспитно-образовниот процес во ООУ “Дебрца” – Белчишта во учебната 2020/2021 година, а во услови на КОВИД 19 да се реализира со физичко присуство на учениците од I ( прво ) одделение до IX ( деветто ) одделение.
Воспитно-образовниот процес ќе се реализира согласно Планот за одржување на наставата во основните и средните училишта во учебната 2020/2021 година и Протоколот за постапување на основните училишта за реализација на воспитно-образовниот процес со физичко присуство на учениците во учебната 2020/2021 година, донесени од Владата .
Барањето за настава со физичко присуство на учениците, со образложение за исполнетоста на условите и критериумите од Планот и Протоколот, изготвено од ООУ “Дебрца”-Белчишта ќе се проследи до Комисијата формирана од Владата за разгледување на поднесени барања за организирање на настава со физичко присуство, а за добивање согласност од Владата за организирање на наставата со физичко присуство на учениците во училиштето.
Sep 1, 2020
Први Септември е ден кој е почеток на новата учебна година и секако најрадосниот ден за најмладите ученици, првачињата, кои за првпат седнуваат во училишните клупи.
За жал, оваа година поради новонастанатата состојба со светската пандемија предизвикана од Ковид 19 вирусот, наставната година не започнува денес.
И покрај тоа во ОУ “Дебрца” го одбележавме почетокот на новата учебна 2020/2021 година, со свечен прием за првачињата.
Посакувајќи им топло добредојде во светот на знаењата изразив надеж дека и од ОУ “Дебрца” ќе произлезат успешни и општествено одговорни граѓани, архитекти, доктори, универзитетски професори, спортисти, градоначалници, а зошто не и нобеловци.
Од родителите побарав своите деца да ги даруваат со голема и неизмерна љубов, бидејќи на тој начин, тие ќе можат поуспешно да се справуваат со нивните нови училишни обврски и да се изградат во етички силни и здрави морални личности.
Ние како локална самоуправа, постојано ќе вложуваме во училишната инфраструктура, во наставниот кадар и мотивирани ученици, се со цел учениците во Општина Дебрца да бидат меѓу најдобрите.
Во оваа пригода на првачињата им беше доделен училишен прибор, кој традиционално за првачињата од Дебрца го донира фондацијата „Капинков“, ,сопственост на Г-динот Драган Капинков, бизнисмен од Перт, Западна Австралија, кој по потекло е од битолското село Цапари.
Во името на првачињата и на граѓаните на Дебрца, на Г-динот Капинков му изразувам голема благодарност.
Благодарност и до Г-динот Зоран Ќосески, почесен конзул на Македонија, во Перт, Австралија, по чија иницијатива фондацијата “Капинков” од 2013 година донира училишен прибор за нашите првачиња.
Macedonian
Albanian
Dutch
English
French
German
Greek
Polish
Serbian
Turkish