Dec 27, 2025
Исчистена крајпатна вегетација и наноси од земја.
Извршено е чистење на крајпатната вегетација и отстранување на наноси од земја кои го отежнуваа движењето.
Активностите се реализирани на патните правци: од автопат до с. Годивје, с. Врбјани и с. Лактиње
Со ова се подобрува прегледноста и безбедноста во сообраќајот.
Утре продолжуваме со активности во селата: Арбиново, Сливово, Турје и Мраморец.
Продолжуваме со редовно одржување и активности на терен низ целата општина.
Dec 27, 2025
Решен проблем со фекалната канализација во с. Мешеишта.
Исчистена и санирана канализацијата под мостот.
Отстранета е причината за непријатната миризба во изминатите денови.
Утре ќе се санира и патот на овој дел. Дупките ќе бидат времено пополнети со тампон, со цел полесно и побезбедно движење на граѓаните.
Во периодот што следи ќе продолжат активности, по што ќе следи и конечна санација со нов асфалт.
Dec 25, 2025
На денешната седница на Советот на Општина Дебрца, советниците го изгласаа Буџетот на Општина Дебрца за 2026 година, со што се создаваат услови за непречено функционирање на општината и реализација на планираните активности и проекти.
Вкупниот проектиран буџет за 2026 година изнесува 202 милиони денари, од кои околу 88.146.663 милиони денари се предвидени за реализација на капитални и развојни проекти.
Буџетот е креиран со цел обезбедување финансиска стабилност и поддршка на приоритетните области, меѓу кои се: локалната инфраструктура, образованието, социјалната заштита, животната средина, спорт, култура и унапредување на квалитетот на живот на граѓаните.
Општина Дебрца ќе продолжи со одговорно и транспарентно управување со јавните финансии, во интерес на сите жители на општината.
Dec 23, 2025
Општина Дебрца ги известува сите граѓани, кои по основ Легализација на бесправно изградени објекти согласно Законот за утврдување на правен статус на бесправно изградени објекти, имаат добиено Заклучоци за прекин на постапка (поради промена на барател или обезбедување на изјави од наследници или сопственици на соседни парцели) и Известувања за уплата по Заклучок за надоместок, дека рокот за решавање на предметите е до почетокот на март 2026 година.
Поради важноста на законот за да не дојде до одбивање на предметите со Решение се повикуваат сите лица кои имаат започната постапка за легализација на бесправно изградени објекти, а истата не е целосно комплетирана, навремено да ја дополнат потребната документација и да ги завршат постапките во законски предвидениот рок.
По истекот на рокот, нема да постои можност за дооформување на постапки за легализација согласно важечкиот закон.
За дополнителни информации и насоки, граѓаните можат да се обратат во надлежната служба во Општина Дебрца.
Општина Дебрца
Служба за урбанизам и комунални дејности
Dec 22, 2025
Вечерва бев во Мешеишта, – деца полни со енергија, идеи и љубов кон нашата традиција.
Разговаравме отворено, слушнавме искрени желби и убави замисли. Им посакавме многу здравје и успех, а како мало празнично внимание им подаривме пакетчиња, со желба овие денови да им бидат исполнети со радост и насмевки.
Им ветивме поддршка и тоа ветување ќе го исполниме. Знаеме дека условите во кои тренираат не се соодветни и тоа е обврска што сериозно ја преземаме. Ќе работиме на нивно подобрување и ќе вложуваме уште повеќе во младите.
Среќни празници и уште многу успеси!
Dec 19, 2025
Врз основа на член 39 став 2 од Законот за локалната самоуправа (“Службен весник на РМ”, број 5/2002) и член 22, став 2 од Статутот на општината Дебрца (“Службен гласник на општината Дебрца”, број 3/2005), донесувам:
Р Е Ш Е Н И Е
за свикување на 6-та седница на Советот на општината Дебрца
Ја свикувам 6–та седница на Советот на општината Дебрца.Седницата ќе се одржи на ден 25.12.2025 година (четврток) , со почеток во 13.00 часот, салата за седници на Советот на општината Дебрца.
За седницата се предлага следниот:
Д Н Е В Е Н Р Е Д
- Усвојување на записник од 3-та седница на Советот на општина Дебрца
- Усвојување на записник од 4-та седница на Советот на општина Дебрца
- Усвојување на записник од 5-та седница на Советот на општина Дебрца
- Предлог – Одлука за предавање во соптвеност на движни ствари – пластични канти за комунален отпад
- Предлог – Одлука за користење на службено патничко моторно возило на општина Дебрца
- Предлог – Годишна програма за активностите на општина Дебрца во областа на социјалната и здравствената заштита во 2026 година (Т1)
- Предлог – Годишна програма за еднакви можности меѓу жените и мажите во општина Дебрца за 2026 година
- Предлог – Годишна програма за зимско одржување на општинските патишта и улици во општина Дебрца во зимската сезона 2025/2026 година
- Предлог – Годишна програма за изградба, реконструкција, одржување и заштита на општинските патишта и улици во општина Дебрца за 2026 година
- Предлог – Годишна програма за развој на локалната инфраструктура и комуналите услуги во општина Дебрца за 2026 година
- Предлог – Годишна програма за реконструкција, модернизација, користење и одржување на јавното осветлување во општина Дебрца за 2026 година
- Предлог – Годишна програма за развој на културата во општина Дебрца за 2026 година
- Предлог – Годишна програма за поддршка на локалниот економски развој на општина Дебрца за 2026 година
- Предлог – Годишна програма за одбележување годишнини на значајни настани и личности во општина Дебрца во 2026 година
- Предлог – Годишна програма за развој на образованието во општина Дебрца за 2026 година
- Предлог – Годишна програма за активностите на општина Дебрца во областа на односите со јавноста, комуникациите и меѓународната соработка во 2026 година
- Предлог – Годишна програма за развој на спортот во општина Дебрца за 2026 година
- Предлог – Буџет на ЕЛС Дебрца за 2026 година
- Предлог – Одлука за извршување на Буџетот на Општина Дебрца за 2026 година
- Предлог – Одлука за утврдување на вредност на бодот за платите на државните службеници за 2026 година
СОВЕТ НА ОПШТИНА ДЕБРЦА
Претседател,
Иван Стрезоски
Macedonian
Albanian
Dutch
English
French
German
Greek
Polish
Serbian
Turkish