May 5, 2025
Општина Дебрца организира дводневна посета на 92-от Меѓународен земјоделски саем “Нови Сад 2025”, Република Србија, кој ќе се одржи од 17-22 Мај 2025 година.
Меѓународниот земјоделски саем во Нови Сад е најголемиот саемски настан во Србија и еден од најголемите во Европа во областа на земјоделството. На него се претставуваат најзначајните компании во агроиндустријата, земјоделското производство, механизацијата, како и најдоброто во сточарството. Неодминливо место е за земјоделците и професионалната публика, на која земјоделството и е во фокусот на вниманието.
Општина Дебрца на земјоделците им обезбедува несекојдневна можност да бидат дел од овој настан.
Посетата на саемот е планирана за 17 и 18 Мај 2025 година, со едно ноќевање.
Трошоците за превоз се покриени од општината, а Ваше е да ги надоместите трошоците за ноќевањето.
Од организациски причини ги замолуваме заинтересираните земјоделци и други граѓани, да се пријават најдоцна до 10 Мај 2025 година, на следниот контакт:
Ѓоко Јордески 078281242
Игор Калески 075391404
May 2, 2025
Со оглед на тоа да стариот резервоар за водоснабдување на село Мешеишта е во лоша состојба и со големи загуби на вода ,започна проект за ставање во употреба на резервоарот изграден во 1998 година и кој до денес не беше ставен во употреба,бидејќи е изграден на повисока висинска кота и постои опасност зголемениот притисок да доведе до пукање на цевките од уличната мрежа.
Со проектот кој е во тек се врши санација на неупотребуваниот резервоар,изведба на шахти со линиски вентили од стар и нов резервоар кон селото и потис кон стар и нов резервоар со нивно поврзување,како и изведба на шахти со линиски вентили и шахти со регулатор на притисок на водоводната мрежа во село Мешеишта.
Со овие активности и со претходното инсталирање на нова пумпа во пумпната станица целта е да се обезбеди економично користење на водата од водоводниот систем.
Вкупната вредност на работите изнесува 5.251.558 денари,а се обезбедени од Буџетот на општината за 2025 година
Apr 29, 2025
Во општина Дебрца Градоначалникот Зоран Ногачески оствари средба со Дејвид Маерс, шефот на политичкиот и економскиот оддел и Митко Бурчевски политички асистент во Амбасадата на Соединетите Американски Држави во Република Македонија.
На средбата гостите ги запозна со профилот на општина Дебрца,реализираните и тековните проекти, проблемите во функционирањето на локалната самоуправа,процесот на децентрализација,предизвиците, економските и инфраструктурните можности за развојот на општина Дебрца,можностите за користење на донаторските средства на меѓународните организации и можноста за воспоставување на заедничка соработка со Амасадата на САД.
Нагласи дека е особено важна соработката на Република Македонија со Соединетите Американски Држави како наш стратешки партнер во сите области, вклучително и во развојот на општините.
Заеднички заклучивме дека остануваме отворени за соработка во насока на реализација на проекти кои значително ќе помогнат во подобрување на функционирањето на локалната самоуправа.
Градоначалникот ја искористив можноста на г- динот Маерс да му подари реплика од златната маска од Требенишката некропола,нашиот археолошки локалитет од светско значење.
Apr 28, 2025
„Пролетва на Скопска Црна Гора и Шара, наместо кокичиња ‘ртеше највеличенственото македонско достоинство кое се полева, а можеби и ќе се полее и со мојата младешка крв, без да го почувствувам вкусот на плодовите. Ќе биде како што Бог сака!?“
Тоа беа последните зборови напишани од водникот Игор Костески во неговиот нотес кои го носел секогаш со него, пред трагичната и маченичка смрт кај тетовското село Вејце, 2001 година.
Со полагање на свежо цвеќе пред спомен обележјето и посета на спомен собата водникот Игор Костески, заедно со припадннаици на специјалната единица “Волци”, Армијата на Република Македонија,ветераните од одбраната и безбедноста, боречката организација за Охрид и Дебрца, месната заедница, роднини и месно население денес во село Слатино, Славна Дебрца се потсетивме на најтажниот ден во поновата македонска историја, денот кога пред 24 години , кај Вејце, Тетово на подмолен начин беа убиени и масакрирани 8 припадници на вооружените сили на Република Македонија ( 4 припадници на специјалната единица на АРМ “Волци”, меѓу кои и водникот Игор Костески и 4 припадници на посебната единица на СВР Битола ).
Нека им е вечна слава на македонските херои.
Apr 24, 2025
На денешната седница советот на општина Дебрца едногласно донесе одлука од Буџетот на општината да се доделат 200.000 денари финансиска помош за семејствата на настраданите и повредените во пожарот во Кочани.
Средствата ќе бидат префрлени на наменската сметка за донации на Црвениот крст.
Apr 24, 2025
Комисијата составена од: Билјана Суклоска Милошеска како претседател-вработена во општина Дебрца, Даниел Паункоски како член-вработен во општина Дебрца и Крсте Јорданоски – член на Советот на општина Дебрца, формирана со Решение бр.09-402/2 од 18.03.2025 година, изврши увид на поднесените документи од страна на кандидатите и согласно Правилнникот за доделување стипендии на одлични ученици од општина Дебрца запишани на јавните и приватните средни училишта во Република Северна Македонија за учебна 2024/25 година, утврди дека ги исполнуваат условите следните кандидати:
- Трајкоски Наумче Павел
– комплетна документација согласно објавениот конкурс
- Скоклеска Разме Ивана
– комплетна документација согласно објавениот конкурс
- Донески Гоце Филип
– комплетна документација согласно објавениот конкурс
- Печоска Ромео Викторија
– комплетна документација согласно објавениот конкурс
- Бујароска Сашо Климентина
– комплетна документација согласно објавениот конкурс
- Цветаноска Златко Мартина
– комплетна документација согласно објавениот конкурс
- Маркоска Даниел Ана Марија
– комплетна документација согласно објавениот конкурс
- Каланоски Павел Славица
– комплетна документација согласно објавениот конкурс
- Лошкоска Маријан Теона
– комплетна документација согласно објавениот конкурс
- Андоноска Гоце Марија
– комплетна документација согласно објавениот конкурс
- Нелоска Игор Анабела
– комплетна документација согласно објавениот конкурс
- Нелоски Симе Лео
– комплетна документација согласно објавениот конкурс
- Силјаноска Александар Јана
– комплетна документација согласно објавениот конкурс
- Жилеска Панче Марија
– комплетна документација согласно објавениот конкурс
Macedonian
Albanian
Dutch
English
French
German
Greek
Polish
Serbian
Turkish