Aug 22, 2025
На последната седница советот на општина Дебрца донесе одлука за прифаќање на донација на половно противпожарно возило за општина Дебрца од тиролската противпожарна бригада, Република Австрија.
Оваа Одлука следува по средбата, која во месец Мај Градоначалникот Зоран Ногачески заедно со претседателот на советот на општината, Крсте Јорданоски остварија со стручна делегација од областа на противпожарната заштита од Австрија, составена од Петер Логар, проект менаџер на Програмата за поддршка на тиролската противпожарна бригада и Јоханес Пап, Заменик командант на противпожарна бригада на Тирол, Сојузна покраина на Австрија,а на која присуствуваа и претставници на Противпожарната единица од Охрид,со командирот Борко Јанкулоски.
На средбата беше потенцирана и потребата од активно функционирање на волонтерска служба за противпожарна заштита, односно доброволно противпожарно друштво во општина Дебрца,практика која е многу успешно применета во областа на противпожарната заштита во развиените држави.
Од страна на гостите тогаш беше потенцирано дека за да може општината да користи помош во делот на противпожарната заштита од Австрија треба да исполни неколку услови и тоа-да се основа доброволно противпожарно друштво,да обезбеди просторни услови за противпожарните возила и волонтери-пожарникари.
Во изминатиот период формирано е Доброволно противпожарно друштво “Ентузијаст Дебрца”,пополнето е со волонтери,кои допрва ќе бидат опремени и обучени и обезбедени се за почеток изнајмени просторни услови за чување на противпожарното возило.
По исполнувањето на овие услови од страна на претставниците на тиролската противпожарна бригада сме известени дека е одобрена донација на противпожарно возило за општина Дебрца,а кое потоа ќе биде ставено на користење на доброволното противпожарно друштво.
Возилото треба да пристигне во средината на месец Септември.
Градоначалникот Зоран Ногачески изразува посебна благодарност до командирот на ТППЕ Охрид,Борко Јанкулоски,кој со својот несебичен ангажман е најзаслужен за реализација на оваа донација,со што се создаваат почетни услови за остварување на противпожарната заштита во општина Дебрца на поорганизирано ниво,нешто што сите овие години наназад беше основна заложба на локалната самоуправа и воопшто на граѓаните на Дебрца.
Се надеваме дека со поддршка на ТППЕ Охрид,ДПД “Ентузијаст Охрид” и локалната самоуправа успешно ќе функционира и ДПД “Ентузијаст Дебрца”.
Градоначалникот на Општина Дебрца,инсистира на оваа активност да не се дава политичко-партиска конотација,од која однапред се оградува,бидејќи се работи за активност која претставува општо добро и интерес на сите граѓани на Дебрца.
Aug 14, 2025
Врз основа на член 39 став 2 од Законот за локалната самоуправа (“Службен весник на РМ”, број 5/2002) и член 22, став 2 од Статутот на општината Дебрца (“Службен гласник на општината Дебрца”, број 3/2005), донесувам:
Р Е Ш Е Н И Е
за свикување на 49-та седница на Советот на општината Дебрца
Ја свикувам 49–та седница на Советот на општината Дебрца.Седницата ќе се одржи на ден 15.08.2025 година (петок), со почеток во 10.00 часот, салата за седници на Советот на општината Дебрца.
За седницата се предлага следниот:
Д Н Е В Е Н Р Е Д
- Усвојување на записник од 48-та седница на Советот на општина Дебрца
- Предлог – Одлука за прифаќање донација на противпожарно возило
- Предлог – Одлука за давање согласност за формирање комбинирани паралелки од I до V одделение под 10 ученици во основното училиште „Дебрца“ – Белчишта за учебната 2025/2026 година
- Предлог – Одлука за издавање согласност за формирање чисти паралелки од I до IX одделение под 20 ученици во основното училиште „Дебрца“ – Белчишта за учебната 2025/2026 година
Советнички прашања
СОВЕТ НА ОПШТИНА ДЕБРЦА
Претседател,
Крсте Јорданоски
Jul 25, 2025
Врз основа на член 39 став 2 од Законот за локалната самоуправа (“Службен весник на РМ”, број 5/2002) и член 22, став 2 од Статутот на општината Дебрца (“Службен гласник на општината Дебрца”, број 3/2005), донесувам:
Р Е Ш Е Н И Е
за свикување на 48-та седница на Советот на општината Дебрца
Ја свикувам 48-та седница на Советот на општината Дебрца. Седницата ќе се одржи на ден 28.07.2025 година (понеделник) , со почеток во 10.00 часот, салата за седници на Советот на општината Дебрца.
За седницата се предлага следниот:
Д Н Е В Е Н Р Е Д
- Усвојување на записник од 47-та седница на Советот на општина Дебрца
- Предлог – Измени и дополнувања на Буџет на ЕЛС Дебрца за 2025 година
- Предлог – Годишна програма за дополнување на годишната програма за развој на локалната инфраструктура и комуналните услуги во општина Дебрца за 2025 година
- Предлог – Одлуката за субвенционирање на Јавното претпријатие за комунална дејност „Дебрца“ – Белчишта
- Предлог – Одлука за давање согласност на Годишната сметка – извештај од работењето на ЈП за комунана дејност „Дебрца“ за период од 01.01.2024 – 31.12.2024 година
Советнички прашања
СОВЕТ НА ОПШТИНА ДЕБРЦА
Претседател,
Крсте Јорданоски
Jun 17, 2025
Врз основа на член 39 став 2 од Законот за локалната самоуправа (“Службен весник на РМ”, број 5/2002) и член 22, став 2 од Статутот на општината Дебрца (“Службен гласник на општината Дебрца”, број 3/2005), донесувам:
Р Е Ш Е Н И Е
за свикување на 47-та седница на Советот на општината Дебрца
Ја свикувам 47-та седница на Советот на општината Дебрца. Седницата ќе се одржи на ден 23.06.2025 година (понеделник) , со почеток во 10.00 часот, салата за седници на Советот на општината Дебрца.За седницата се предлага следниот:
Д Н Е В Е Н Р Е Д
- Предлог – Измени и дополнувања на Буџет на ЕЛС Дебрца за 2025 година
- Предлог – Годишна програма за изменување и дополнување на Годишната програма за изградба, реконструкција, одржување и заштита на општинските патишта и улици во општина Дебрца за 2025 година
- Предлог – Годишна програма за дополнување на годишната програма за развој на локалната инфраструктура и комуналните услуги во општина Дебрца за 2025 година
- Предлог – Одлука за одобрување средства од буџетот на општина Дебрца за кофинансирање на проект : “Јакнење на капацитетите на ЈПКД Дебрца преку набавка на опрема“
- Предлог – Одлука за прифаќање на донација од страна на Центарот за развој на Југозападен плански регион
Советнички прашања
СОВЕТ НА ОПШТИНА ДЕБРЦА
Претседател,
Крсте Јорданоски
May 23, 2025
Врз основа на член 39 став 2 од Законот за локалната самоуправа (“Службен весник на РМ”, број 5/2002) и член 22, став 2 од Статутот на општината Дебрца (“Службен гласник на општината Дебрца”, број 3/2005), донесувам:
Р Е Ш Е Н И Е
за свикување на 46-та седница на Советот на општината Дебрца
Ја свикувам 46–та седница на Советот на општината Дебрца.Седницата ќе се одржи на ден 30.05.2025 година (петок) , со почеток во 10.00 часот, салата за седници на Советот на општината Дебрца.
За седницата се предлага следниот:
Д Н Е В Е Н Р Е Д
- Усвојување на записник од 45-та седница на Советот на општина Дебрца
- Предлог – Одлука за усвојување на Извештајот за остварување на Буџетот на општината Дебрца за периодот од 01.01.2025 до 31.03.2025 година
- Предлог – Одлука за давање на користење недвижна ствар – катастарска парцела 147/8 КО Требеништа
- Предлог – Годишна програма за изменување на Годишната програма за развој на спортот во општина Дебрца за 2025 година
- Предлог – Одлука за утврдување на потреба од донесување на урбанистичко-планска документација за вклопување и усогласување на намената на бесправно изграден објект с намената на земјиштето (КП бр. 760, КП бр. 967, КП бр 966, КП бр. 964, КП бр. 962)
- Предлог – Одлука за утврдување на потреба од донесување на урбанистичко-планска документација за вклопување и усогласување на намената на бесправно изграден објект с намената на земјиштето (КП бр. 519/1 и КП бр 1917 КО Црвена Вода)
- Предлог – Одлука за доделување еднократна парична помош (03-577)
- Предлог – Одлука за доделување еднократна парична помош (03-599)
- Предлог – Одлука за доделување еднократна парична помош (03-682)
Советнички прашања
СОВЕТ НА ОПШТИНА ДЕБРЦА
Претседател,
Крсте Јорданоски
Apr 24, 2025
На денешната седница советот на општина Дебрца едногласно донесе одлука од Буџетот на општината да се доделат 200.000 денари финансиска помош за семејствата на настраданите и повредените во пожарот во Кочани.
Средствата ќе бидат префрлени на наменската сметка за донации на Црвениот крст.
Macedonian
Albanian
Dutch
English
French
German
Greek
Polish
Serbian
Turkish