May 24, 2019
Македонија денес го чествува ликот и делото на сесловенските просветители, светите Кирил и Методиј , кои оставија траен белег не само во македонската култура и историја, туку и во европската цивилизација.
Македонија е особено горда на фактот што искрата на сесловенското просветителство започна од тука. Светите Кирил и Методиј со своето лик и дело вечно ги задолжија сите словенски народи и воопшто, европската и светската култура и цивилизација.
Наша обврска и аманет е да го продолжиме нивното дело, да продолжиме да го негуваме и зачуваме нашиот јазик, традиција и идентитет и на тој начин да придонесуваме кон збогатување на културната ризница на Европа.
Нека ни е честит Денот и Големото дело на светите Кирил и Методиј .
May 19, 2019
Почитувани матуранти од општина Дебрца,
Ви упатувам искрени честитки по повод завршувањето на средното образование.
Посакувам овие денови кога го одбележувате крајот на средното образование, да Ви останат во трајно сеќавање на еден од најубавите животни периоди.
Знам дека овие мигови Ви се прекрасни и незаборавни.
Се наоѓате пред голема животна пресвртница и сериозна обврска, да го одберете своето идно занимање.
Вам, кои својата иднина ќе ја побарате на пазарот на трудот, Ви посакувам што поскоро да се вработите и со својот труд, за себе и за Вашите семејства, но и за својата општина и држава, да обезбедите сеопшт напредок.
Вам, кои планирате да го продолжите образованието на факултетите, Ви посакувам многу успех во стекнувањето на нови знаења и вештини.
Уште еднаш Ви честитам!
Патот што е пред Вас, Ве води во сериозни животни предизвици, и нека Ве следи среќа на тој пат.
May 4, 2019
Почитувани,дозволете ми, од свое лично име и од името на вработените од општина Дебрца да Ви упатам честитки по повод почетокот на Рамазанските пости.
Светиот месец Рамазан е месец посветен на солидарност, сплотеност и хуманост, месец кој буди меѓусебното разбирање, почитта, несебичноста и човекољубието.
Овој свет месец Рамазан нека биде исполнет со среќа во вашите домови, мир во вашите души и добрина во срцето.
Apr 27, 2019
По повод утрешниот тажен ден, пред 18 години, кога во заседа, кај тетовското село Вејце, свирепо, беа убиени и масакрирани осуммина припадници на специјалните единици на МВР и на АРМ, во селото Слатино, општина Дебрца, се одржа комеморација пред Спомен обележјето на Игор Костоски.
Денес уште еднаш се поклонивме пред спомен обележјето во село Слатино и го одбележивме херојското дело, 18 години од денот на загинувањето на нашиот сограѓанин, припадникот на специјалната единица на АРМ, “Волци”, водникот Игор Костески, на 28 април 2001 година, кај Вејце, Тетовско.28 април 2001 година е најцрниот ден во поновата македонска историја. Ден кога кај Вејце од страна на припадници на терористичката ОНА, на подмолен начин, во заседа беа убиени, а потоа масакрирани, а некои и живи запалени, 8 бранители, и тоа- 4 припадници на Специјалната единица на АРМ, “Волци”, меѓу кои и водникот Игор Костески и четири припадници на посебната единица на СВР Битола.Судбината сакаше Дебрца, која уште од времето на Свети Климентовата Кутмичевица, преку Илинденското востание, НОБ дала многу жртви и херои за денешната слобода, да даде уште една жртва и во воениот конфликт од 2001 година. – кажа градоначалникот Зоран Ногачески.
Обраќање за настаните од воениот конфликт 2001 година и грозоморниот чин во Вејце имаше Добре Велјаноски од охридскиот огранок на Здружението на ветераните од одбраната и безбедноста.
На денешниот чин присуствуваа претставници на општина Дебрца, месната заедница село Слатино, Здружението на ветераните од одбраната и безбедноста, со претседателот, генералот во пензија Филип Котели, роднини на Игор и граѓани на Слатино.
Нека им е вечна слава. И на Игор и на неговите другари, соборци.
Хероите никогаш не умираат.
Mar 8, 2019
Почитувани сограѓанки, припаднички на понежниот пол,
Од срце Ви го честитам денешниот Ден, 8-ми Март, Денот на кој традиционално изразуваме благодарност и почит кон жените, Денот кој не потсетува на големите и храбри жени кои низ историјата се бореа за рамноправност, за она елементарно, во човечка и цивилизациска смисла, а кое многу често им било ускратено и одземено.
Денеска е друго време, многу работи цивилизацијата ги измени, многу грешки поправи, меѓутоа борбата сеуште трае.
На многу подрачја и денес треба да се бориме за вистинско вреднување на положбата и улогата на жените во современото општество. Со тие предизвици посебно е соочена руралната жена.
А повеќе жени во сите подрачја, посебно во оние во кои се управува со општеството само ќе придонесе овој свет да биде подобар, потолерантен и посреќен.
Со таа мисла посакувам Денот на жените уште повеќе да не поттикне секој ден во годината да го посветиме на рамноправноста, толеранцијата, солидарноста и општото добро.
Не заборавете, никој доброволно не се откажува од моќта, никој нема да Ви ја подари рамноправноста, за неа треба секојдневно да се борите, а општината и државата ќе бидат толку јаки колку што сте Вие силни, слободни, почитувани.
Бидете среќни и секој ден нека биде Ваш Ден. – стои во честитката од градоначалникот Ногачески
Macedonian
Albanian
Dutch
English
French
German
Greek
Polish
Serbian
Turkish