May 22, 2023
Во Белчишта / Белчишко Блато денес се одбележа 22 Мај – Светскиот ден на биолошката разновидност и Денот на Натура 2000.
На настанот свое обраќање имаа:
-г-ѓа Каја Шукова, министерка во Министерството за животна средина и просторно планирање,
-Н.Е. Дејвид Гир, амбасадор на ЕУ во Македонија,
-г-дин Зоран Ногачески, градоначалник на општина Дебрца,
-г-дин Ѓоко Зороски, претставник на Здружението за екологија и туризам “Екотуризам 2016”,
Во своето обраќање Градоначалникот Зоран Ногачески посебно го потенцира значењето на Белчишкото Блато “Сини Вирој” ,како биодиверзитет со извонредно висока природна вредност.
Белчишкото Блато во Директивата на ЕУ е таргетирано како идно европско заштитено подрачје во рамките на Натура 2000.
Преку Министерството за животна средина и просторно планирање во тек е постапка за прогласување на блатото за заштитено подрачје од категорија Парк на природата.
Нашите заложби се да се обезбеди заштитен статус на блатото,но истовремено да се обезбеди негово одржливо користење и истото да прерасне во високо рангирана еко туристичка дестинација.
Блатото иако е во Дебрца, тоа не е само наше и им припаѓа на сите.Токму затоа потребно е сите да се ангажираме во неговата заштита, како и заштита на останатите природни вредности во регионот и државата.
Пристуните при посетата на самото блато се запознаа со неговите виситнски вредности кои ги поседува како за развој на алтернативните видови туризам, така и за научно истражувачки цели и едукативни настани за биодиверзитет.
Настанот заврши со пешачење околу блатото, заедно со ученици од ОСУ Св.Климент Охридски, од Охрид .
May 18, 2023
Во Белчишта / Белчишко Блато, во понеделник ќе се одбележи 22 МаЈ – Светскиот ден на биолошката разновидност и Денот на Натура 2000.
На настанот свое обраќање ќе имаат:
-г-ѓа Каја Шукова, министерка во Министерството за животна средина и просторно планирање,
-Н.Е. Дејвид Гир, амбасадор на ЕУ во Македонија,
-г-дин Зоран Ногачески, градоначалник на општина Дебрца,
-г-дин Ѓоко Зороски, претставник на Здружението за екологија и туризам “Екотуризам 2016”,
-г-дин Даниел Богнер, тим лидер на проектот „Подобрување на капацитетите за Натура 2000 и CITES“,
Настанот е организиран во рамки на проектот „Подобрување на капацитетите за Натура 2000 и CITES“,финансиран од Европската Унија, со поддршка на Министерството за животна средина и просторно планирање и Делегацијата на Европската Унија.
Agenda mk
May 18, 2023
Во рамки на “Проектот за поврзување на локални патишта”, кој се реализира од страна на Министерството за транспорт и врски, со финансиска поддршка од Светска Банка, а со цел подобрување на локалната патна инфраструктура, општина Дебрца аплицираше со проект за реконструкција на улица во село Волино.
Со проектот се предвидува реконструкција на улица во село Волино, на потегот од кај расадник “Розенталис” , на општински пат село Мешеишта-село Волино до мост на река Сатеска, на општински пат село Волино-село Требеништа, како и реконструкција на плоштадот во селото.
По поднесувањето на апликацијата и потребната документација ( основен проект, сообраќаен проект, проект за уличното осветлување, елаборат за експропријација, одобрение за градење и друга документација ) и спроведување на постапка за одобрување, проектот е одобрен.
Министерството за транспорт и врски го објави тендерот за избор на економски оператор-изведувач на градежните работи, кој завршува на 23 Мај 2023 година.
По завршувањето на тендерската постапка и склучување на договор со најповолниот понудувач се очекува да започне имплементацијата на проектот
http://mtc.gov.mk/javniOglasi/1-15?fbclid=IwAR2KdqsAzpsIoR2v2U6AAa8jfX3gxSCkRf14masiIoZc1jt6TFHO7eJbgWc
May 17, 2023
Денес во општина Дебрца, во присуство на претставници на општината, Единицата за спроведување на ПЕЕЈС при Министерството за финансии , Одборите на корисници претставниците на Градежен институт Македонија ја презентираа Физибилити студијата за енергетскa ефикасност за улично осветлување во општина Дебрца.
Во презентацијата се претставени и воедно се разговараше за мерките кои може да се имплементираат во рамки на 3 (три) разгледани технички сценарија заедно со финансиската анализа за истите.
Физибилити студијата е изработена за потребите на подпроектот “Модернизација на јавното осветлување во населените места во општина Дебрца”, за кој општината има аплицирано за добивање на подзаем и грант од Министерството за финансии, а во рамки на средствата обезбедени со Проектот за енергетска ефикасност во јавниот сектор, финансиран со заем од Меѓународната банка за обнова и развој-Светска банка.
May 16, 2023
Во општина Дебрца ќе започне со работа мобилната амбуланта во која се нудат бесплатни гинеколошки прегледи за жените од населените места од општината, со цел превенција од рак на грлото на матката.
Се известуваат сите жени на територијата на општина Дебрца, кои сакаат да извршат бесплатен гинеколошки преглед, вклучувајќи и ПАП тест, да се обратат или да се пријават на тел. број 046 286 855 во општина Дебрца или на тел. број 070 315 309 и 046 261 909, во Општинската организација на Црвен крст Охрид за закажување на термин.
Пријавувањето да се изврши најдоцна до 25 Мај 2023 година.
Мобилната амбуланта започнува со работа на крајот на месец Мај 2023 година, а пријавените дополнитено ќе бидат известени за датум и време на одржување на прегледите.
Прегледите ќе се извршуваат на две локации во општина Дебрца и тоа с. Белчишта и с. Требеништа.
Со работата на мобилната амбуланта треба да се зголеми бројот на жени од ранливите групи и од руралните и оддалечените места кои ќе направат бесплатни гинеколошки прегледи и да се подигне свеста за важноста од редовни скрининзи. Прегледите се најдобра заштита од рак на грлото на матката.
Контролите ги вршат гинеколози од Универзитетската клиника за гинекологија и акушерство и повеќе болници во државата.
Работата на мобилните амбуланти е овозможена со поддршка на Министерството за здравство, Македонската асоцијација на гинеколози и опстетичари – МАГО, Македонското лекарско друштво, Црвениот крст и УНФПА – Фондот за население на Обединетите нации.
May 15, 2023
Согласно пакетот на техничка помош од Проектот на УСАИД за зајакнување на капацитетите за искористување на ресурсите, а во рамки на Програмата за млади професионални, општина Дебрца доби можност преку ангажирање на 1 (еден) практикант за период од 6 месеци, да биде поддржана во спроведувањето на активностите насочени кон зголемување на сопствените извори на приходи на општината.
За таа цел од Проектот се пристапи кон ангажирање на практикант кој треба да и помогне на општинската администрација во ажурирањето и унапредувањето на базата на податоци за данокот на имот и комуналните такси, како и целокупниот систем на даночно администрирање, вклучувајќи, но не ограничувајќи се на:
- Канцелариски и теренски активности за идентификација и регистрација на недвижен имот;
- Ажурирање на податоци во локалниот систем за администрирање на даноци;
- Поддршка на работењето на одделението за администрирање на локалните даноци и такси како и
- Други задачи доделени од Градоначалникот и/или раководителот на даночното одделение.
Ангажирањето на практикантот и средствата за негово финансирање се обезбедени од страна на Проектот.
За повеќе детали може да погледнете на веб страната на кариера.мк како и линкот до неговата објава https://kariera.mk/job/ny8_zIEp9UG4ScwfxJr0Vw/praktikanti
Краен рок за аплицирање на повик е 25.05.2023 година (вторник)
Оглас за практиканти
Macedonian
Albanian
Dutch
English
French
German
Greek
Polish
Serbian
Turkish