Mar 10, 2024
Се привршува еден од најголемите проекти во општина Дебрца во делот на патната инфраструктура, реконструкција на улица и плоштадот во село Волино.
Проектот е финансиран преку проектната единица на Министерството за транспорт и врски, по поднесена апликација од општината, со средства обезбедени преку Светска банка.
Дополнително, ЕВН инвестираше за каблирање на електро дистрибутивната мрежа, а Македонски Телеком за каблирање на оптички телефонски кабел.
Општината инвестираше за изведба на индивидуалните електрични приклучоци.
Благодарност до изведувачот,фирмата “Ленди Груп” Скопје, а особено голема благодарност до подизведувачот, фирмата “Маркоски 73” ДООЕЛ Струга за висококвалитетното и предвремено привршување на работите.
Благодарност и до човекот, кој е проектен творец на оваа приказна, човекот кој за жал не е повеќе со нас, но неговото дело останува засекогаш, Иван Лошкоски,дипл.инж.арх./ нека му е слава/
Во 2024 година најавуваме нови капитални инвестиции, како
ОРОВНИК
Реконструкција на спортското игралиште во училишниот двор,
Уредување на просторот кај чешмата,
Доуредување и дополнување со детски реквизити на постојното детско игралиште
Поставување на централно греење во училиштето
ГОРЕНЦИ
Асфалтирање на улици
Уредување на детско катче во центарот
Изградба на каптажа кај црква Св,Никола
ТРЕБЕНИШТА
Асфалтирање на пристапен пат- улица до црква Св.Недела
Изградба на канализациона мрежа / прва фаза
Поставување на фотонапонска централа кај пумпна станица
ВОЛИНО
Доуредување на детско игралиште и паркот во центарот на селото,
Санација на трибина на спортско игралиште
МЕШЕИШТА
Набавка на нова пумпа за водоснабдување и санација на стариот резервоар
Поставување на фотонапонска централа кај пумпна станица
Асфалтирање на улици
Доизградба на канализационата мрежа
БОТУН
Реконструкција и адаптација на објект на месна заедница-поранешната селска продавница
БЕЛЧИШТА
Реконструкција на административна зграда на општината / 2 фаза,
Уредување-бетонирање на речното корито во центарот на селото
Уредување на детско игралиште во училишниот двор
ЛЕШАНИ
Асфалтирање на улици
Изградба на фекална канализација/ 2 фаза
ВЕЛМЕЈ
Асфалтирање на улица и одбојкарското игралиште
Осветлување на Крстот во црквата Св.Спас
ЗЛЕСТИ
Уредување на центарот и изградба на спортско игралиште,
Уредување на канал за наводнување
ГОДИВЈЕ
Реконструкција на кровна конструкција на задружен дом
Уредување-бекатонирање на просторот кај црква Св.Вартоломеј
ЛАКТИЊЕ
Асфалтирање на центарот и улица
ПЕСОЧАНИ
Асфалтирање на улица
Уредување на надворешна фасада на поранешната училишна зграда
ИЗДЕГЛАВЈЕ
Тампонирање со гребен асфалт на пат до црква Св.Димитрија
ОЗДОЛЕНИ
Асфалтирање на улица
СОШАНИ
Тампонирање на пат до црква Св.Никола
СЛАТИНО
Асфалтирање на улички
ДОЛНО СРЕДОРЕЧЕ
Рехабилитација на дел од патот до селото
КЛИМЕШТАНИ
Санација на објект на месна заедница
НОВО СЕЛО
Асфалтирање на улички
СЛИВОВО
Тампонирање на пат до црква Св.Атанасиј
Feb 26, 2024
Општина Дебрца го усвои Локалниот акциски план за управување со отпад, документ со кој ќе овозможиме континуирано стратешко планирање за управување со отпадот на локално ниво, како и заштита на животната средина и на природните убавини и реткости во Општината.
Целта на Локалниот акциски план за управување со отпад е да обезбеди податоци за тоа од каде потекнуваат проблемите во различни тематски области во управувањето со отпадот како и да даде одговор како подобро да управуваме со нив и како подобро да обезбедиме континуиран развој во Општината во управувањето со отпадот.
Со користење на современи методи и техники и алатки, вклучувајќи ја јавноста и останатите чинители како најважен сегмент во стратешкиот развој, Општината ги лоцираше проблемите во управувањето со отпадот и изврши распоред на приоритетни проблеми како и мерки и активности за нивно решавање. Локалниот акциски план е главен показател при решавање на проблемите со отпадот во Општината, но и алатка за изнаоѓање финансиски средства за имплементација на предвидените проекти.
Во наредниот период ќе се ангажираат сите ресурси за реализација на активностите во Локалниот акциски план за управување со отпад, со цел нивното спроведување да претставува најдобра промоција на нашата општина како место кое нуди услови за подобро живеење и здрава животна средина со нула отпад на својата територија.
Локалниот акциски план го подготви работна група составена од членови на општинската администрација и јавното комунално претпријатие, со поддршка од SALAR International и Шведската агенција за меѓународен развој.
Планот е достапен на следниот линк:
Локален акциски план за управување со отпад 2024 – 2025 https://debrca.gov.mk/wp-content/uploads/2024/02/%D0%9B%D0%BE%D0%BA%D0%B0%D0%BB%D0%B5%D0%BD-%D0%B0%D0%BA%D1%86%D0%B8%D1%81%D0%BA%D0%B8-%D0%BF%D0%BB%D0%B0%D0%BD-%D0%B7%D0%B0-%D1%83%D0%BF%D1%80%D0%B0%D0%B2%D1%83%D0%B2%D0%B0%D1%9A%D0%B5-%D1%81%D0%BE-%D0%BE%D0%B4%D0%BF%D0%B0%D0%B4-2024-2025.pdf
Feb 22, 2024
Почеток на развој на првиот интегриран локален развоен план (ИЛРП), за период 2024 – 2027 година, беше означен во Општина Дебрца каде претставниците на SEG Holding пред градоначалникот на општината ја презентираа методологијата на изработка на мета-планот за развој на целата општина.
Положбата на Општина Дебрца дава голема можност за туристичко-рекреативни активности, притоа, водејќи сметка за зачувување на природата. ИЛРП ќе ги дефинира сите начини за одржливост на природните ресурси, обезбедување на услови за раст на бројот на туристите и задржување на луѓето во општината.
Оваа активност се спроведува во рамки на програмата „Зајакнување на општинските совети“, финансирана од Швајцарската влада преку Embassy of Switzerland in North Macedonia и Министерство за локална самоуправа а ја кофинансира и спроведува UNDP MK во соработка со национални и локални партнери.
#ЗајакнувањеНаОпштинскитеСовети #ГраѓанитеНаПрвоМесто #CHinMK #SDGs
Изработката на интегрираниот локален развоен план за општина Дебрца е прв стратешки документ кој се базира на инклузивен – партиципативен пристап на локалната лидерска група и трите носечки столба на локалниот економски развој- : приватниот, јавниот и граѓанскиот сектор. Четири годишната визија за развој на општина Дебрца се формира преку метод на анализа за конкретните проблеми, потреби и можности кај релевантните општествени чинители во општината. Така, преку прибирање на информации со методологија се формира база на потенцијални проекти од кои се формираат мерки и приоритети кои се групираат во стратешки цели чија реализација ќе претставува остварување на визијата за изгледот на општина Дебрца по истекот на 4 години.
Примарната цел на овој стратешки документ е разложување на визијата за просперитетна и економски силна општина на ниво на проекти, со што би се имал сеопфатен документ за презентација и промоција пред инвеститорите. Исто така, овој документ ќе послужи како база на проекти со кои би се аплицирало за грантови и донации пред домашни и странски институции и фондации. Оваа намена на интегрираниот локален развоен план е посебно важна за руралните и релативно финансиски слаби општини како општина Дебрца, кои повеќе од 90% од своите проекти ги реализираат преку грантови од надворешни донатори.
Feb 2, 2024
Денес во Општина Дебрца беше потпишан Меморандум за Соработка помеѓу Здружението за екологија и туризам ,,Екотуризам-2016” и Градоначалникот на Општина Дебрца за изработка на Студија за стратешки развој на Eкотуризам во Општина Дебрца.
Носител на активностите е Здружението за екологија и туризам ,,Екотуризам-2016” во соработка со Општина Дебрца каде во наредниод период е предвидено изработка на анкети и консултации и организирање на настани со жителите на општината за навремена и квалитетна изработка на студијата .
Со изработката на Студија за стратешки развој на Eкотуризмот ќе бидат опфатени можностите за развој на екотуризмот-како гранка за економски развој во општината како и сите постоечки и можни нови какапцитети кои ќе придонесат за развој на овој вид на туризам кој општината го поседува, како и ќе бидат опфатени и нови проекти кои општината во наредниод период ќе треба да ги спроведува за забрзан развој на Eкотуризмот како форма за целокупен развој на општината.
Jan 26, 2024
Во текот на вчерашниот ден се одржа работна средба со претставниците на Проектот на USAID North Macedonia за зајакнување на капацитетите за искористување на ресурсите. На состанокот разговаравме за позитивните промени како резултат на 18 месечната техничката поддршка од Проектот на USAID North Macedonia за зајакнување на капацитетите за искористување на ресурсите.
Споделуваме дел од нив:
Подготвен Извештај со препораки за подобрување на организациските капацитети за администрирање на локалните даноци,
Зголемен капацитет на даночното одделение за ажурирање на базата на податоци за данок на имот,
Ажурирана база на податоци за данок на имот со поддршка на практикант, за чиј ангажман Проектот обезбеди финансиски средства за период од 6 месеци,
Информирање на даночните обврзници за плаќањето на данокот на имот, преку едукативната кампања “Мој данок за мојата општина” споделена на веб-страница на општината на следниот линк: https://debrca.gov.mk/
Индексот на даночната транспарентност на Општина Дебрца
за 2022‐2023 изнесува 50% (од можни 100 %) во однос на 2021-2022 кога изнесувал 33%,
Подготвена Предлог-програма за еднакви можности за жените и мажите за 2023,
Буџетската транспарентност за 2022-2023 изнесува 12 (од можни 16) индексни поени, во споредба со 2021-2022, кога изнесувала 11, и
Подобрена активната транспарентност која во 2023 година изнесува 89.91% , во однос на 2022 кога изнесуваше 82,6%.
Jan 24, 2024
Денес во Општина Дебрца во рамките на проектот “ Зајакнување на општинските совети“-фаза2 кој го реализираат Програма за развој на Обединети Нации – УНДП, Швајцарска влада, Министерство за локална самоуправа, во соработка со Општина Дебрца, ја реализира петтата форумска сесија од проектот.
На петтата форумска сесија учесниците на форумот имаат можност да се запознаат со постигнатите резултати и реализацијата на избраниот проект – Изградба на парк со детско игралиште во село Требеништа и останатите проекти и препораки од форумот кои тие ги избраа за најприоритетни за реализација.
Во рамките на Проектните активности кои општината ги реализираше изврши – Изградба на парк со детско игралиште во село Требеништа.
Вкупната вредност на проектот изнесува:2.605.212 МКД од кои 1.953.909 МКД се грант на донаторот и 651.303 МКД се учество на општина Дебрца .
Како и обезбедена е и монтирана опрема, со која се обезбедува пренос во живо на седниците на советот на општината каде ќе се емитуваат на YouTube каналот на Општина Дебрца, преку кој граѓаните во иднина ќе може да ги следат седниците на советот на општината.
Општината и во наредниод период продолжува со соработка со Програма за развој на Обединети Нации – УНДП, каде по поднесена апликација од страна на општина Дебрца и одобрена ќе се изработува Итегриран план за Локален Економски развој како стратешки документ на општината.
Во прилог На YouTube каналот на Општина Дебрца може да го погледнете краткото видео за активностите за изградба на парк со детско игралиште во село Требеништа https://www.youtube.com/watch?v=7ly-MnBnfDs
Macedonian
Albanian
Dutch
English
French
German
Greek
Polish
Serbian
Turkish