Feb 17, 2022
Врз основа на член 90 став 1 алинеја 3 од Законот за животна средина („Службен весник на Република Македонија“ бр. 53/05, 81/05, 24/07, 159/08, 83/09, 48/10, 124/10, 51/11, 123/12, 93/13, 42/2014, 44/2015 ,129/2015 , 39/2016 и 99/18) и член 4 од Правилникот за содржина на објавата на известувањето за намерата за спроведување на проект, на решението за потребата на оцена на влијанието на проектот врз животната средина, на студијата за оцена на влијанието на проектот врз животната средина, на извештајот за соодветноста на студијата за оцена на влијанието врз животната средина и на решението со кое дава согласност или се одбива спроведувањето на проектот, како и начин на консултирање на јавноста („Службен весник на Република Македонија“ бр.33/06), Министерството за животна средина и просторно планирање ја известува заинтересираната јавност дека инвеститорот Општина Дебрца, со седиште во село Беличишта бб, ја достави Студијата за оцена на влијание врз животната средина за Проектот: “Реставрација на река Сатеска и пренасочување во нејзиното природно речно корито “ во општина Дебрца.
Со проектот се предвидува враќање на р.Сатеска во нејзиното природно корито. Вкупната должина на коритото од разделната градба до вливот во Црн Дрим е 7796m и оваа должина припаѓа во две општини, општина Дебарца и општина Струга .
Студијата е достапна за увид на веб страната на Министерството за животна средина и просторно планирање www.moepp.gov.mk , и во општина Дебрца.
Во прилог спроведената Оцена на еколошкото и социјалното влијание од проектот за обнова на коротото на река Сатеска за пренасочување во нејзиниот природен тек изготвен во согласност со Социјалните и Еколошки стандарди на УНДП (кликнете тука).
Секое лице, органите на државната управа, градоначалниците на општините, на градот Скопје и на општините во градот Скопје, можат да го достават своето мислење, во писмена форма, до органот на државната управа надлежен за работите од областа на животната средина, во рок од 30 дена од денот на објавувањето на Студијата за оцена на влијанието на проектот врз животната средина.
Јавната расправи по Студијата за оцена на влијание врз животната средина за проектот: ““Реставрација на река Сатеска и пренасочување во нејзиното природно речно корито“, општина Дебрца ќе се одржи на
- 25 февруари 2022 година (петок), во Подрачно основно училиште во с. Волино со почеток во 11.30 часот
Контакт лица:
Управа за животна средина
Министерство за животна средина и просторно планирање
infoeko@moepp.gov.mk ,
по пошта на адреса:, плоштад Пресвета Богородица
бр.3, 1000 Скопје.
Маријан Михајлов – експерт “МАНЕКО СОЛУШНС“ ДЕК од Скопје
тел: 02 6142 209, 076 298 297, е -маил: contact@maneko.com.mk
Feb 11, 2022
Почитувани во прилог линк до Студија за оцена на влијанието врз животната средина-Проект за реставрација на Река Сатеска и пренасочување во нејзиното природно речно корито.
Притиснете Тука за да ја погледнете целата содржина
Feb 2, 2022
Денес во општина Дебрца и преку платформата Zoom, во организација на Здружението “Екотуризам 2016” и општина Дебрца како домаќин, по повод 2 Февруари – Светскиот ден на водните живеалишта се одржа настанот „КОН ПОДОБРО УПРАВУВАЊЕ СО ОХРИДСКОТО ЕЗЕРО, СТУДЕНЧИШКО БЛАТО И БЕЛЧИШКО БЛАТО“.
На настанот поздравни обраќања имаа и заменик министерот за животна средина Христина Оџаклиеска и градоначалникот на општина Охрид Кирил Пецаков и градоначалникот на општина Дебрца Зоран Ногачески, а беа презентирани и студиите за валоризација на овие важни екосистеми и промотивно прикажан едукативно-документарниот филм „Белчишко Блато – синиот бисер од Дебрца“.
Градоначалникот Ногачески во своето обраќање посебно потенцира дека водните живеалишта имаат голема важност не само за растителниот и животинскиот свет во нив, туку и за здравјето и благосостојбата на луѓето.
Водните живеалишта се идентитетска карактеристика на Охридскиот регион и затоа сите тие заслужуваат посебна заштита.
Во тој контекст посебно значење има и Белчишкото Блато, како најголемо во оригинерна форма сочувано водно живеалиште.
Преку проект кој го имплементира Здружението “Екотуризам 2016” изработена е Студија за валоризација на блатото и добивање на заштитен статус според националното законодавство.
Настанот се одржа во просториите на идниот музеј на Белчишко Блато, кој беше реконструиран во рамките на проектот кој општина Дебрца го спроведува преку ИПА Програмата за прекугранична соработка Македонија-Грција, а за што уште еднаш изразувам благодарност до Делегацијата на ЕУ, која го поддржа овој проект.
Jan 31, 2022
Оваа година за Денот на ретките болести 2022 година ги повикуваме сите да и помогнат на заедницата за ретки болести да се обедини со ланец светла низ целиот свет.
Како и секоја година,така оваа година се приклучуваме кон глобалниот повик на ЕУРОРДИС за осветлување на локални и национални згради и споменици.
Сите знаеме дека изминатата, но и почетокот на оваа година поминува, во светлото на КОВИД-19.
Овој синџир на осветлени објекти ќе послужи како еден од симболичните начини за кршење на изолацијата на глобално ниво.
Во вторник на 1 февруари зградата на Општина Дебрца ќе свети во знак на подршка на кампањата за ретките болести.
Секој може да учествува во Глобалниот синџир на светла и да ги сподели вашите бои!
Во обид за глобална солидарност, поканети сте да го осветлите или декорирате вашиот дом со боите на Денот на ретки болести во 19 часот по вашето локално време на 28 февруари 2022 година
Jan 31, 2022
По повод 2 февруари – Светскиот ден на водните живеалишта, „ЕКОТУРИЗАМ 2016“ Охрид како организатор и Општина Дебрца како домаќин, заеднички ќе го одбележат настанот „КОН ПОДОБРО УПРАВУВАЊЕ СО ОХРИДСКОТО ЕЗЕРО, СТУДЕНЧИШКО БЛАТО И БЕЛЧИШКО БЛАТО“. Во агендата за овој еколошки важен датум се предвидени презентации за студиите за валоризација на овие важни екосистеми, прикажување на едукативно-документарен филм „Белчишко Блато – синиот бисер од Дебрца“, како и јавна дискусија и дегустација на традиционални специјалитети. Во одбележувањето ќе се придружат Министерството за животна средина и просторно планирање, Општина Охрид и Хидробиолошкиот Институт од Охрид.
Настанот ќе се одржи во просториите на идниот музеј на Белчишко Блато, Општина Дебрца, с. Белчишта.
Jan 27, 2022
Денес во општина Дебрца се одржа јавна дебата со заинтересирани граѓани за под-проектот:
“Модернизација на јавното осветлување/ замена на постојните улични светилки со нови лед светилки во населените места во општина Дебрца, а кој ќе се финансира преку Министерството за финансии, со под-заем и грант , во рамките на Проектот за енергетска ефикасност во јавниот сектор (ПСЕЕП), финансиран со заем од Меѓународната банка за обнова и развој-Светска банка.
Macedonian
Albanian
Dutch
English
French
German
Greek
Polish
Serbian
Turkish