Jul 4, 2019
Во рамките на патната инфраструктура, ќе се реализираат два проекти кои со години беа заборавени, а за кои конечно се обезбедени средства за нивна реализација :
1.Реконструкција на општински пат за село Арбиново ( врска со М4 и општински пат за село Лактиње ), во должина од околу 1,2 км и
2.Доизградба на меѓуопштинска патна врска село Волино – село Мороишта ( делот во КО-Мороишта, општина Струга ), во должина од 1,4 км.
За двата проекти средствата се обезбедени од Програмата за рурален развој, односно преку Агенцијата за финансиска поддршка на земјоделството и руралниот развој, по поднесени апликации од Центарот за развој на Југозападниот плански развој, а на предлог на општина Дебрца за првиот патен правец и на предлог на општина Дебрца и Струга за вториот патен правец.
По завршувањето на постапката за избор на изведувач ( постапката ќе ја спроведе Центарот на Југозападен плански регион , а општините се должни да обезбедат учество од сопствениот буџет од 18 %, односно да го платат износот на ДДВ), очекуваме во текот на Август и Септември проектите да бидат завршени.
Ветивме, исполнуваме. Зборот е збор !
Jul 1, 2019
Синоќа во салата на ОУ Дебрца, беше свечено отворено јубилејното 35- то издание на Интернацоналната Ликовна колонија Дебрца 2019. Честа да ја отвори колонијата му припадна на градоначалникот Зоран Ногачески.
Вечерва имав чест да ја прогласам за отворена Интернационалната Ликовна колонија “Дебрца” – Белчишта, нејзиното јубилејно 35 то издание. Поздравувајќи ги учесниците на Ликовната колонија и присутните гости истакнав дека 35 –те години творештво на колонијата покажуваат дека Ликовната колонија “Дебрца” не е обичен културен настан, туку највисок културен дострел на Белчишта , како седиште на општината и на општина Дебрца. Пред 35 години основоположниците на колонијата можеби и самите не биле свесни дека создале културна рожба , која денес е блескаво културно наследство и уметничките дела создадени на Ликовната колонија не се само наследство на Дебрца и Македонија, туку се светско културно наследство.
Минатата година констатиравме дека последниве години навистина се забележува една малаксаност на колонијата, но и ветивме дека веќе од наредната година ќе внесеме нова сила и енергија, ќе вбризгаме нов адреналин и ќе го вратиме стариот сјај на Ликовната колонија. Со денешното отворање на Ликовната колонија тоа и го исполнуваме.
На крајот, на сите годинешни учесници им посакав инспирација за создавање на нови уметнички дела, а тоа во Дебрца го имаат во изобилство, синергијата од слободарскиот дух, природните богатства и културното наследство се непресушен извор на творечка инспирација.
Создавајте дела, водејќи се од максимата: Ars longa, vita brevis или уметноста е долга – животот е краток. – изјави градоначалникот Ногачески по отворањето на манифестацијата.
Оваа година по повод јубилејот, Управниот одбор додели плакети и признанија за посебен придонес и афирмација на Интернационалната Ликовна Колонија Дебрца,
Ова се добитниците
Постхумни плакети добија:
| 1 |
Ристе Шапкар |
| 2 |
Академик Димче Коцо |
| 3 |
Академик Цветан Грозданов |
| 4 |
Јоне Симонче |
| 5 |
Драгица Силјаноска |
| 6 |
Тане Атанасоски – Гарски |
| 7 |
Најдена Попоска |
| 8 |
Киро Танески |
| 9 |
Русе Нестороски |
Златни плакети за посебен придонес и афирмација им беа доделени и на:
| 1 |
Проф. Д-р Љубе Трпески |
| 2 |
Благоја Силјаноски |
| 3 |
Јосив Ефтимоски |
| 4 |
Д-р Зоран Јолески |
| 5 |
Устијан Шишкоски |
| 6 |
Ѓоко Целески |
| 7 |
Јордан Манасиевски |
| 8 |
Ставре Димитров – Стадим |
| 9 |
Ѓорѓи Андонов – Жоро |
| 10 |
Љубен Стојкоски |
| 11 |
Асен Целески |
| 12 |
Илија Илоски |
| 13 |
Проф. Д-р Мито Спасески |
| 14 |
ОУ “Дебрца” |
| 15 |
Мето Георгиески |
| 16 |
Гоце Божурски |
| 17 |
Акад. Васко Ташкоски |
| 18 |
Миро Крстески |
На сите добитници во името на Општина Дебрца им ги честитаме наградите.
Jun 15, 2019
Заврши уште една учебна година во основното образование.
Накратко, сумираме што имплементиравме како локална самоуправа за нашите ученици:
-за првпат воведовме ужинка за сите ученици, за што од буџетот издвоивме околу 1.300.000 денари,
-со поддршка на фондацијата “ Капинков ” обезбедивме училишен прибор за првачињата,
-обезбедивме превоз за еднодневните ученички екскурзии и за други наставни активности,
-обезбедивме надгледни средства за училиштето, вредност 100.000 денари,
-обезбедивме финансиска поддршка за талентираните ученици за учество на регионални и државни натпревари,
-за првпат доделивме парични награди за Првенец и ученици на генерацијата, вредност 30.000 денари,
-градоначалникот на општината беше генерален покровител на Училишниот атлетски крос,
-финансиски го помогнавме оддржувањето на отворените фудбалски школи,
-го плативме осигурувањето за сите ученици,
-обезбедивме средношколски и студентски стипендии.
И додека учениците се на заслужениот летен распуст ќе работиме на подобрување на условите во основното образование:
-инсталирање на централно греење во основните училишта во село Мешеишта и село Требеништа,
-замена на котелот за греење во училиштето во село Лешани.
Ученици, среќен распуст, се гледаме во Септември.
Macedonian
Albanian
Dutch
English
French
German
Greek
Polish
Serbian
Turkish