Apr 26, 2024
Со полагање на свежо цвеќе пред спомен обележјето и посета на спомен собата во село Слатино се одбележаа 23 години од загинувањето на водникот Игор Костески, припадник на специјалната единица на АРМ “Волци” и уште седумте негови соборци,припадници на одбранбените сили на Република Македонија, на ден 28 Април 2001 година,кај тетовското село Вејце.
Обраќање за настаните од воениот конфликт 2001 година и грозоморниот чин во Вејце имаше Добре Велјаноски од охридскиот огранок на Здружението на ветераните од одбраната и безбедноста.
Нека им е вечна слава.
Хероите никогаш не умираат.
Apr 26, 2024
Врз основа на член 39 став 2 од Законот за локалната самоуправа (“Службен весник на РМ”, број 5/2002) и член 22, став 2 од Статутот на општината Дебрца (“Службен гласник на општината Дебрца”, број 3/2005), донесувам:
Р Е Ш Е Н И Е
за свикување на 32-та седница на Советот на општината Дебрца
Ја свикувам 32–та седница на Советот на општината Дебрца.
Седницата ќе се одржи на ден 30.04.2024 година (вторник), со почеток во 13.00 часот, салата за седници на Советот на општината Дебрца.
За седницата се предлага следниот:
Д Н Е В Е Н Р Е Д
- Усвојување на записник од 31-та седница на Советот на општина Дебрца
- Предлог – Одлука за усвојување на Завршната сметка за 2023 година за Центарот за развој на југозападен плански регион
- Предлог – Одлука за усвојување на Годишниот извештај за реализација на програмата за развој на Југозападниот плански регион за 2023 година
- Предлог – Одлука за давање на времено користење недвижна ствар – старо Основно училиште во с.Белчишта, изграден на КП бр. 2081, КО Белчишта
- Предлог – Годишна Програма за еднакви можности меѓу жените и мажите
- Предлог – Одлука за дополнување на Одлуката за утврдување на висината на надоместокот за уредување на градежно земјиште на подрачјето на општина Дебрца
- Предлог – Годишна програма за дополнување на Годишната програма за развој на спортот во општина Дебрца за 2024 година
- Годишна Програма за изменување и дополнување на годишната програма за развој на локалната инфраструктура и комуналните услуги во општина Дебрца за 2024 година
Советнички прашања
СОВЕТ НА ОПШТИНА ДЕБРЦА
Претседател,
Никола Короскоски
Apr 22, 2024
Денес во ООУ,, Дебрца” с.Белчишта претставниците на Здружението за екологија и туризам ,,Екотуризам 2016” во соработка со Општина Дебрца и учениците на ООУ,, Дебрца” го Одбележаа 22-Април Меѓународниот ден или Денот на планетата Земја, со учениците се одржа едукативна работилница посветена на како ,,Планетата против пластиката”.
Учениците се запознаа за можностите кои произлегуваат од користење на пластиката но и за нејзините лоши особини кои ја загадуваат природата и животната средина.
Се едуцираа за начинот на собриање и рециклирање на пластиката и нејзина употреба а не одлагање во природата и одлагање на депонии каде е потребно долг временски период како истата би изчезнала.
Едукативните работилници за заштита на животната средина се практика која ја спроведува општината во изминатиот период.
Одржни се голем број на едукации за подигнување на свесноста на жителите и учениците од најмала воздраст да ја штитат животната средина.
Општината на 17-ти Мај ќе спроведе еколошка Акција со учениците на ООУ,,Дебрца” с.Мешеишта каде во акцијата ќе биде опфатено селото Мешеишта каде ќе се изврши чистење на центарот и околу училишната зграда.
Да ја штитиме планетата земја бидејќи Резервна Немаме !
Apr 17, 2024
На Електронскиот систем за јавни набавки објавен е огласот за јавна набавка на пумпа за пумпната станица и санација на резервоарот во село Мешеишта.
Со проектот се планира набавка и монтажа на нова вертикална центрифугална пумпа и поставување на целосно нова електрика во пумпната станица.
Исто така, ќе се изврши санација на стариот резервоар, кој поради застареност е во многу лоша состојба и со големи загуби на вода.
Ова е почетна фаза од инвестирањето во водоснабдителниот систем во село Мешеишта.
Се планира да се обезбедат средства за целосна реконструкција и на уличната водоводна мрежа, а за што општината има изготвено инвестиционо-техничка документација-основен проект.
Ќе се изработи и Студија за економска оправданост од поставување на фотонапонска централа кај пумпната станица.
Apr 12, 2024
Изминатава седмица преку програмата за јавни работи реализирани се повеќе активности
Чистење на речното корито во урбаниот дел / низ село/ Волино,во должина од околу 1400 метри,
Косење на зелени рекреативни површини кај детско игралиште во село Оровник,
Косење на јавни зелени површини во центарот на село Требеништа,
Косење на парк во детско игралиште село Волино и јавни површини во центарот,
Косење на јавни зелени површини кај спортски полигон и поранешна општинска зграда село Мешеишта,
Косење на јавни зелени површини во центарот на село Белчишта,
Косење на јавни зелени површини на “Исток”,село Велмеј,
Чистење на дива депонија од градежен шут во близина на Селскиот дом,село Велмеј.
Продолжуваме во континуитет и во останатите населени места
Apr 12, 2024
Општинската изборна комисија Дебрца Ве известува гласањето за избор на Претседател на Република Северна Македонија на ден 24.04.2024 година и избор на Пратеници во Собрание на Република Северна Македонија кое ќе се одржи на ден 08.05.2024 година за гласачите на Избирачките места:
Избирачко Место-1327-Сошани
Избирачко Место-1326-Оздолени
Гласањето за двете избирачки места ќе се спроведе во Задружниот дом во с.Оздолени.
Избирачките места :
– 1328 – Сливово
– 1329 – Арбиново
– 1330 – Мраморец
– 1331 – Турје
– 1334 – Лактиње
Гласањето за наведените избирачки места 1328, 1329, 1330, 1331 и 1334 ќе се спроведе во Црковната трпезарија во Село Лактиње.
Известување избирачко место 1327 и 1326 Оздолени
Известување избирачко место 1328, 1329, 1330, 1331 и 1334 – Лактиње
Macedonian
Albanian
Dutch
English
French
German
Greek
Polish
Serbian
Turkish